Yohanes 2:16 - Abun Scripture

¹⁶ Yefun Yesus ki nai ye gato so ndabu do, ”Nin nai ndam ré mu mo nden se!. Nin ben Ji bi Ai bi nu ré tepsu nu gato yé so suk mo ne nde.”

Yohanes 2:16 Referans Kwoze

Matius 21:13

An ki nai yé mwa mone do, ”Ye krom mo Yefun Allah bi sukdu do, ’Ji bi nu ré yo, yé kendo do nu gato yé benadi mó,’ wo nin gato so suk mo Yefun Allah bi nu mit ré, nin ben nu ré tepsu nu wa yé gato syimsi suk ne ma kem mó.”

Markus 11:17

Yefun Yesus duno yé mwa mone. An ki do, ”Ye krom mo Yefun Allah bi sukdu do, ’Ji bi nu ré yo, yé kendo do, nu gato yé benadi wa yewis mwa mo bur ré sino mó,’ wo nin gato so suk mo Yefun Allah bi nu mit ré, nin ben nu ré tepsu nu wa yé gato syimsi suk ne ma kem mó.”

Lukas 2:49

Yefun Yesus ki nai An bi im si bi ai do, ”Nin ka we meret Ji wa suma ne? Nin ka we nutbot sisu ndo sa, bere nin ka we jam do, Ji kem mo Ji bi Ai, gato Yefun Allah ne bi nu re.”

2 Petrus 2:3

Yeguru ne gro sye wa án ku suk mwa wa án dakai. Sane án kidar nin su sukdu gato án dakai fro subere nin syo suk nai án. Sarewo nam it, Yefun Allah gato bere ndobot án fro wa syo sukye nai án. Yefun Allah fro wa bare án mo bot gesyos, Yefun Allah es ndek mo os koirut wa án re.

Yohanes 5:17

Sarewo Yefun Yesus ki nai ye Yahudi bi yepasye ne do, ”Ji bi Ai Yefun Allah ben suk gat sor kom mo kam ré, sane Ji waii ben suk dom.”

1 Timotius 6:5

Sane yé gato bi sukjimnut ibit maskwa yu petok sor. Yé ne jam nde Yefun Allah bi sukduno gato sangge ne ware. Án nut do, án ben Yefun bi suk-i subere án ku suk mwa mone.

Yohanes 20:17

Yefun Yesus ki nai Maria do, ”Nan jom Ji nde, we Ji yo satu mu mo Ji bi Ai nde tó. Nan mu mo Ji bi nji, ete nan ki nai án do, ’Ji satu mu mo Ji bi Ai, gato nin bi Ai dom it anare. Ji satu mu mo Yefun Allah gato jom Ji si nin sino it anare.’ ”

Yohanes 10:29

Ji bi Ai gato syo domba ne nai Ji, An sa gum kok sye wai o re. Ye yi yo nggiwa nai domba ne wé kadit Ji bi Ai nde.

Yohanes 8:49

Yefun Yesus ki do, ”Semda yo ben Ji nde. Ji bes Ji bi Ai gum kok, sarewo nin kabor Ji gum.

Matius 21:12

Orete Yefun Yesus mu mo Yefun Allah bi nu. Yefun Yesus sok mo ros gato ye nggo wairi wa Yefun Allah bi nu ne de mit. An sok mone sa, An syun yé bok ne sino gato so suk mone titi wé kadit pe ne. An brek yé gato win sugum bi meja, An brek yé gato so ndabu bi bangko.

Matius 22:5

Pakwerut bok ne kom mo ye gato yeraja kendo ma ne, sarewo yé mwa ne misyar pakwerut bi sukdu ne re. Yé deyo dakai mu ben bi suk-i kadit, deyo o mu mo nggwe kadit, deyo o mu ben suk mo bi kantor kadit sukra ne.

Yohanes 2:15

Sane Yefun Yesus jamji bus muk we bot yu, tepsu kwe kwam. Orete An syun suge mwa ne mu mo nden, sapi si domba ne sino titi mu mo nden kadit Yefun Allah bi nu. Sugum wok gato ye grem wa win sugum sye su ne Yefun Yesus brek bi meja sane sor sugum ne ges mo bur o re.