Yohanes 2:13 - Abun Scripture

¹³ Karowa ye Yahudi bi Kam Sye Waiket sa, Yefun Yesus mu mo Yerusalem wa An simo kam sye ne.

Yohanes 2:13 Referans Kwoze

Lukas 2:41

Tahundik-tahundik Yefun Yesus bi yenggras mu mo Yerusalem wa an we si nje konwa Kam Sye Waiket.

Yohanes 11:55

Karowa Kam Sye Waiket it. Sane yé mwa ma kadit peyo-peyo mo nden, ma mo Yerusalem. Kam sye ne nde tó, yé mwa ne de syur subere án kaim kwo, tepsu Musa bi sukduno ki ne, subere án tep wa án simo kam sye ne.

Yohanes 2:23

Yefun Yesus kem mo Yerusalem. An simo Kam Sye Waiket sa, yé mwa onyar kem mo An, we yé mwa ne yeket suk gato Yefun Yesus ben gato kadum An bi Ai bi suktinggi bor wa yetu jam mone.

Yohanes 6:4

Tomgane karowa ye Yahudi bi Kam Sye Waiket it.

Yohanes 5:1

Orete Yesus mu mo Yerusalem wa An simo ye Yahudi bi kam sye dik yo mone.

Matius 21:12

Orete Yefun Yesus mu mo Yefun Allah bi nu. Yefun Yesus sok mo ros gato ye nggo wairi wa Yefun Allah bi nu ne de mit. An sok mone sa, An syun yé bok ne sino gato so suk mone titi wé kadit pe ne. An brek yé gato win sugum bi meja, An brek yé gato so ndabu bi bangko.

Markus 11:15

Yefun Yesus si An bi pakon mu kom mo Yerusalem sa, Yefun Yesus sok mo ros gato yé nggo wairi wa Yefun Allah bi nu de mit. Yefun Yesus sok mone sa, An syun yé bok yo gato so suk mone titi wé kadit pe ne. An brek yé gato win sugum ne bi meja, An brek ye gato so ndabu ne bi bangko.

Lukas 19:45

Orge {Yefun Yesus mu kom mo Yerusalem sa}, Yefun Yesus sok mo ros gato yé nggo wairi wa Yefun Allah bi nu de mit. Yefun Yesus sok mone sa, Yefun Yesus syun yé bok gato so suk mone titi wé kadit pe ne.

Yohanes 13:1

Karowa Kam Sye Waiket sa, Yefun Yesus jam do, bergan An mu kadit bur ré, An satu mu mo An bi Ai. An bi sukjimnut sye kas subot yé gato sok mo An bi rus-i mo bur ré. Yefun Yesus jimnotbot An bi rus-i ndo nde, An kadum An bi sukjimnut ne bor re.