Yohanes 2:1 - Abun Scripture

¹ Kam we rek o, yé konwa sukra mo kota Kana mo Galilea. Yefun Yesus bi im si nje konwa sukra mone dom.

Yohanes 2:1 Referans Kwoze

Yohanes 4:46

Orete Yefun Yesus satu mu mo kota Kana mo bur Galilea ne o. Tomga nyim An frus syur tepsu nau anggur rom mone. Yefun Yesus kom mone sa, An ku yesu ge dik yo gato ben suk wa yeraja. Yesu ne bi gan i. Yesu bi gan ne kem mo kota Kapernaum.

Yohanes 21:2

Simon Petrus si Tomas gato yé kendo do, pakwa ne, si Natanael gato bi nat-i mo Kana mo Galilea, si Zebedeus bi gan ge we si Yefun Yesus bi pakon ge we yo o, án ge mufit sum mo em de ne.

Yohanes 1:43

Bi ik, ete Yefun Yesus bi sukjimnut do, An mu mo bur Galilea. Yefun Yesus yo mu nde tó, An ku Filipus ete Yefun Yesus ki nai Filipus do, ”Nan simo Ji et!”

Matius 12:46

Yefun Yesus si nje mone nuk sukdu saresa, Yefun Yesus bi im si bi nji ne ma. Yefun bi im si bi nji ti mo nu de nden, án iwa nuk sukdu su Yefun Yesus.

Yohanes 1:29

Bi ik, ete Yohanes me Yefun Yesus ma mo an. Orete Yohanes ki do, ”Nin me Ye ré. An anato tepsu Domba Gan gato Yefun Allah syogat ma mo bur ré wa tot suktot mo sukibit gato men ben ne wé.

Ibrani 13:4

Yetu ge we kra yu it yo, suk ne ndo wai, sane men sino mewa sukra sisu ndo sor. Yebris si bi nggon bi nggwa nai yu sor re. Yebris si bi nggon ne bi nggwa nai ye yi yo dom nde, we ye ben suk siri sane it yo, bere Yefun Allah syo sukye nai ye ne. Sane dom, bere Yefun Allah syo sukye nai yé mwa ne sino gato ben siri.

Yohanes 1:35

Bi ik o, Yohanes si bi pakon ge we yo kem mo nat ne.

Yohanes 2:11

Yefun Yesus ben syur tepsu nau anggur rom ne mo kota Kana mo bur Galilea. Yefun Yesus ben suk doketke gato ben yetu yeket mone. Yefun Yesus kadum An bi Ai bi suktinggi bor wa yetu jam mone. Sane anato An bi pakon onyar kem mo An.