Yohanes 19:6 - Abun Scripture

⁶ Yekwesú mo Yefun Allah bi nu ge bok yo si ye gato mewa Yefun Allah bi nu ge bok yo me Yefun Yesus syesyar mo nden sa, án sino saiye do, ”Nan gu An kwop wé tom! Nan mban An mo kwesukwin tom!” Sarewo Pilatus ki nai án do, ”Nin dakai nai An, nin dakai gu An kwop mo kwesukwin sor, we ji ndobot An ware, ji ki do, An ben suk gato ibit yo mo nde.”

Yohanes 19:6 Referans Kwoze

Yohanes 18:31

Pilatus ki nai ye Yahudi ne do, ”Nin dakai gwat Ye ré mu sor. Nin dakai ndobot An tepsu nin dakai bi sukduno-i et.” Ye Yahudi mwa mone ki do, ”Nin ye Roma gato jowa men bi bur-i ré duyawa men do, men syokom ye gu ye yo kwop mo sukibit gato ye ne ben ne nde.” (

Yohanes 19:4

Wam dik yo o Pilatus syesyar mo nden, ete Pilatus ki nai ye Yahudi do, ”Nin me more et. Ji gwat Ye gare syesyar ma mo nin it anare, subere nin jam do, Ji ndobot Ye ré ware, ji ki do, Ye ré ben suk gato ibit yo mo nde.”

Suk Gato Yerasul Ben Ne 7:52

Nin bi amui ben sukibit nai yenabi bok ne sino. Nin bi amui gu yenabi bok ne kwop wé. Yenabi ne ki sukdu subot Yefun Allah bi Pakwerut gato ben sukndo tepsu Yefun Allah mit ne, sarewo nin bi amui gu yenabi ne kwop wé re. Suk ne sor nde, wo gabere nin dakai meret os wa Yefun Allah bi Pakwerut gato Kristus ne, orete nin gu An kwop wé re.

Suk Gato Yerasul Ben Ne 2:23

Yefun Yesus gare, nin si yé bok yo gato ben sukibit ne gu An kwop wé. Nin si yé bok ne mban Yefun Yesus mo kwesukwin. Yefun Allah fro suk gato bor ne su ketke, Yefun Allah jam nyim wé re. Yefun jam do, bere ye syo An mo nin syim-i, orete nin gu An kwop, Yefun Allah jam nyim wé re. Nin da gu An kwop,

Yohanes 19:15

Wo án saiye do, ”Nan gu An kwop wé se! Nan gu An kwop wé se! Nan mban An mo kwesukwin tom!” Pilatus ndo mo án do, ”Nin iwa ji mban nin bi yeraja mo kwesukwin sor re bado?” Yekwesú mo Yefun Allah bi nu ge bok yo ki nai an do, ”Kaisar sor anato tepsu men bi yeraja.”

Lukas 23:4

Orge Pilatus ki nai yekwesú mo Yefun Allah bi nu bok ne si yé mwa mone do, ”Ji ndobot Ye ré ware, ji ki do, Ye ré ben suk gato ibit yo mo nde.”

Matius 27:24

Pilatus nutbot do, an yo ku os o nde, we bergan yé mwa mone maskwa ete saiye daret. Sane an nai syur, an mus an syim mo yé mwa ne gwem, ete an ki do, ”Nin dakai gu Ye ré kwop sor, ji yo sok mone nde.”

Matius 27:22

Pilatus ndo mo án o do, ”Sane bere ji ben suma su Yesus gato ye kendo do Kristus ne?” Án ki do, ”Nan mban Ye ne mo kwesukwin sor!”

Matius 26:58

Petrus ndar boribot Yefun Yesus ko gan sane sor kom mo yekwesu gato gum kok wai mo Yefun Allah bi nu ne bi nu de. Orete Petrus si yesukmise gato mewa Yefun Yesus ne sok ket ros syo ete kem karowa mo nu de ne o. An iwa jam subot suk gato bere yé ben nai Yefun Yesus mone.

Yohanes 18:3

Sane Yudas so yeko mu mone. Yudas si ye Roma bi yesukmise ge bok yo, si ye gato mewa Yefun Allah bi nu ge bok yo. Yekwesú mo Yefun Allah bi nu si ye Farisi syogat án mu mone. Án sino si Yudas mu mone. Yeko ne gwat yor e, nyom e ne, án gwat sukru su kak dom.

Yohanes 18:38

Pilatus ndo mo Yefun Yesus do, ”Suk gato sangge ne te, bi sukjimnut sa u ne?” Pilatus ki sukdu ne or sa, Pilatus syesyar kadit nu ne o, ete an ki nai ye Yahudi mwa mone do, ”Ji ndobot Ye ré ware, ji ki do, Ye ré ben suk gato ibit yo mo nde.