Yohanes 19:5 - Abun Scripture

⁵ Sane Yefun Yesus syesyar mo nden, An bom kweran jak gato yé far bot yu ne tó, An it san te kur ne tó. Pilatus ki nai yé mwa mone do, ”Ye gare anane it!”

Yohanes 19:5 Referans Kwoze

Yohanes 19:2

Yesukmise ne nai kweran gato jak mó, ete án far kweran ne bot yu. Orete án bom mo Yefun Yesus su. Orete yesukmise nai yekwesu bi san gato te kur, ete gwom mo Yefun Yesus.

Ibrani 12:2

Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.

Yohanes 1:29

Bi ik, ete Yohanes me Yefun Yesus ma mo an. Orete Yohanes ki do, ”Nin me Ye ré. An anato tepsu Domba Gan gato Yefun Allah syogat ma mo bur ré wa tot suktot mo sukibit gato men ben ne wé.

Matius 27:29

Án nai kweran gato jak mó, ete án far kweran ne bot yu tepsu bumam, ete án bom mo Yefun Yesus su. Án syo kwepu wa Yefun Yesus jom mo Yefun syim ge, orete án tu án umsu mo Yefun Yesus gwem, ete án siker Yefun Yesus. Án kamo su Yefun Yesus, ete án ki do, ”Ye ré ye Yahudi bi Yekwesu anare. Men bes An gum kok et.”