Yohanes 19:11 - Abun Scripture

¹¹ Yefun Yesus ki nai Pilatus do, ”Yefun Allah bes nan wa nan jom nat si suk mwa ré ondesa, nan yo sye wai kadit Ji nde re. Sane anato ye gato syo Ji mo nan syim ne, ye ne ben sukibit wai kadit nan re.”

Yohanes 19:11 Referans Kwoze

Roma 13:1

Yefun Allah sor anato bes yekwesu mo bur ré wa jom men yetu. Yekwesu ne ku suktinggi kadit Yefun Allah wa jom bi yetu mwa mo bur ré, sane men jammo men bi yekwesu gato jom men ne et.

Yohanes 3:27

Yohanes ki do, ”Suk yo o nde, Yefun Allah syo nje nai men, ondesa men ku nje yo mo nde.

Suk Gato Yerasul Ben Ne 2:23

Yefun Yesus gare, nin si yé bok yo gato ben sukibit ne gu An kwop wé. Nin si yé bok ne mban Yefun Yesus mo kwesukwin. Yefun Allah fro suk gato bor ne su ketke, Yefun Allah jam nyim wé re. Yefun jam do, bere ye syo An mo nin syim-i, orete nin gu An kwop, Yefun Allah jam nyim wé re. Nin da gu An kwop,

Suk Gato Yerasul Ben Ne 3:13

Yefun Allah gato jom Abraham, Isak si Yakub, Yefun Allah gato jom men bi amui, Yefun Allah ne bes Yefun Yesus gato An bi pakwerut ne gum kok sye wai o re. Yefun Yesus nin syo mo ye gato ben sukibit syim wa ye gu An kwop wé. Kapre Pilatus iwa sombok An, nin misyar An re.

Yohanes 7:30

Sugane ye Yahudi bi yepasye iwa but Yefun Yesus ware, ye yo syimtok An mo nde, we An Gen syu tó. Kam gato Yefun Allah fro wa ye but An yo bor nde tó.

Yakobus 1:17

Suk mwa gato men ku kadit Yefun Allah ne ndo sino, suk gato ibit yo mo nde. Yefun Allah syo suk mwa ne nai men. Yefun Allah ne ut suk gato rer mo gu nim ne sato aina e, kam e bí e ne, sarewo Yefun Allah dakai yo win nggwa nde, suk mwa gato An ben kamdik-kamdik An ben tepsu yu sor, An yo gwat ndendu bi os-i nde.

Matius 6:13

Nan mewa men subere suk yo tik men mit ete ben men ges mo os ibit mone nde, wo Nan kak os wa men subere biris bi yekwesu yo ku os wa gwat men sok mo os ibit mone nde. [Nan sor anato Yekwesu gato nggi wai, Nan sor anato Yekwesu gato gum kok wai to kapyo mato kapyo. Sangge.]’

Yakobus 4:17

Sane ye gato jam suk gato ndo wa an ben, ete an yo benbot nde it yo, an ben sukibit it anane.

Roma 11:36

Yefun Allah ut suk mwa ne sino. Yefun ut suk mwa ne su An bi suktinggi. Yefun ut suk mwa ne wa An dakai. Sane men bes Yefun Allah gum kok petok sor to kapyo mato kapyo. Sangge.

Suk Gato Yerasul Ben Ne 4:28

Yé bok ne sum sino fro os wa gu Yefun Yesus kwop wé. Yé bok ne yo nggi wai kadit Nan bi suktinggi nde, yé bok ne gu An tepsu pe gato Nan imo, tepsu pe gato Nan dakai fro suga nyim tuya.

Matius 27:2

Yekwesú si yepasye ne syogat ye rai Yefun Yesus krat ete ye gwat mu ku Pilatus, we sugane Pilatus gum yekwesu wa pemerintah ye Roma mone.

Markus 14:44

Kom mo nat ne nde tó, Yudas, yeketut ne, an ki nai yeko ne do, ”Nin me ye gato ji baput mó yo, An anane it, nin but An sor. Nin mewa An sisu ndo, nin gwat An mu sor.”

Yohanes 18:3

Sane Yudas so yeko mu mone. Yudas si ye Roma bi yesukmise ge bok yo, si ye gato mewa Yefun Allah bi nu ge bok yo. Yekwesú mo Yefun Allah bi nu si ye Farisi syogat án mu mone. Án sino si Yudas mu mone. Yeko ne gwat yor e, nyom e ne, án gwat sukru su kak dom.

Yohanes 9:41

Yefun Yesus ki nai án do, ”Nin tepsu ye gato gro ndu gato jam nde Yefun bi os-i ne yo, bere Yefun yo syo sukye nai nin mo sukibit gato nin ben ne nde. Sarewo nin ki do, nin sa, nin tepsu ye gato gro rer ndo gato jam Yefun Allah bi os-i ne, ondewo nin yo benbot nde, sane bere Yefun syo sukye nai nin mo sukibit gato nin ben ne.”

Lukas 22:53

Kamdik-kamdik Ji si nin mo Yefun Allah bi nu de mo ros de mit ne, wo nin yo but Ji nde. Sarewo ye gato biris bi yekwesu jom ne ben an bi suk-i su noru anato nin ma but Ji su noru ré.”

Matius 26:65

Sugane yekwesu gato gum kok wai mo Yefun Allah bi nu ne maskwa ndo nde anato yekwesu ne syik an dakai bi san, ete an ki do, ”Ye ré dakai bes An nggwa kok tepsu Yefun Allah, ete An ki suk tepsu Yefun Allah ko ré go! Men yo mitwa ye yi yo ma ki sukdu subot An o nde. Men sino dakai jam An kiket Yefun Allah gum ibit it.

Yohanes 18:13

Án rai Yefun Yesus saresa, án gwat Yefun Yesus mu mo Hanas nyim. Hanas bi nyam anato Kayafas. Su tahun gane Kayafas gum yekwesu gato gum kok wai mo Yefun Allah bi nu.

Yohanes 19:10

Pilatus ki nai Yefun Yesus o do, ”Nan bariwa Nan ki suk su ji e? Nan jam nde ji anato sye wai kadit Nan e? Ji anato nggiwa ji sombok Nan wé. Ji anato nggiwa ji syokom ye gu Nan kwop mo kwesukwin dom.”