Yohanes 18:8 - Abun Scripture

⁸ Yefun Yesus ki do, ”Ji anare it. Ji ki nai nin mó re. Nin do syeret Ji it yo, nin misyar ye yi gare dakai mu sor re.” (

Yohanes 18:8 Referans Kwoze

1 Petrus 5:7

Yefun Allah iwa mewa nin, sane suk gato nin nutbot teker eta, nin nutbot teker sane sor nin bi sukjimnut waiyu nde, wo nin ki subot sukjimnut mwa ne sino nai Yefun Allah jam subere Yefun nai sukjimnut ne wé kadit nin et.

Efesus 5:25

Nin, yebris gato kra, nin bi sukjimnut sye kas subot nin bi nggon sor, tepsu Kristus bi sukjimnut sye kas subot men sino gato onyar kem mo An ne. Nin, yekra, nin bi nin nggwa wa nin bi nggon tepsu Kristus bi An nggwa wa men sino gato onyar kem mo An ne.

2 Korintus 12:9

ware, Yefun Allah yo nai nde, wo Yefun ki do, ”Bere Ji dakai mewa nan sor, tep it anane. Mo sukye gato nan ku sane sor nan yo nggi o nde yo, bere Ji bi suktinggi bor sye kas subot nan mone o re.” Sane ji iwa ji ki subot pe gato ji yo nggi nde, we ji jam do, bere Kristus bi suktinggi bor sye kas subot ji mone o re.

1 Korintus 10:13

Suk mwa ma tik nin mit wa nin ben suk siri kadit Yefun bi os-i. Sane dom, yé mwa meret os wa nin subere ben nin ges mo os ibit. Yé mwa meret os wa nin sane sor nde, wo ye meret os wa men yetu mwa ne sino mo bur ré. Sarewo Yefun Allah ben suk su men tepsu An tom ne, An yo misyar suk mwa ne tik men mit teker eta nde. An yo misyar yé mwa meret os wa men nde, wo suk mwa ma tik men mit wa men ben suk siri kadit Yefun bi os-i mó yo, sugane Yefun Allah kak os yi wa men, subere men yo ges mo os ibit nde.

Yohanes 16:32

Bergan, karowa it, nin titi daret, nin gedik-gedik titi mu mo bi nu-i. Bere nin sino mu kadit Ji, Ji wadigan sor ete kem. Sarewo Ji wadigan sor nde, we Ji bi Ai sisu Ji tó.

Yohanes 13:36

Simon Petrus ndo mo Yefun Yesus do, ”Yenggras, men bi Yekwesu, Nan mu mo u ne?” Yefun Yesus ki nai Petrus do, ”Pe gato Ji mu mone, su ré nan si Ji mu sino nde. Kapyo tak bere nan boribot Ji.”

Yohanes 13:1

Karowa Kam Sye Waiket sa, Yefun Yesus jam do, bergan An mu kadit bur ré, An satu mu mo An bi Ai. An bi sukjimnut sye kas subot yé gato sok mo An bi rus-i mo bur ré. Yefun Yesus jimnotbot An bi rus-i ndo nde, An kadum An bi sukjimnut ne bor re.

Yohanes 10:28

Ji mewa domba ne subere domba mbau to kapyo mato kapyo, domba ne yo ges mo bot gesyos nde. Ye yi yo nggiwa nai Ji bi domba wé kadit Ji nde.

Matius 26:56

Sarewo suk mwa gare bor, subere tepsu sukdu gato yenabi krom mo Yefun Allah bi sukdu ne.” Yefun Yesus ki sane, orete An bi pakon mwa ne sino titi kadit An re.

Yohanes 18:7

Yefun Yesus ndo mo án o do, ”Nin syeret je u ne?” Án ki do, ”Men syeret Yesus, ye Nazaret.”

Yohanes 18:9

Yefun Yesus kiwa yeko misyar ye yi mone dakai mu, anato sukdu gato Yefun Yesus ki nyim wé re bor it. An ki do, ”Ji bi Ai, yé sino gato Nan syo nai Ji, dik yo gwet mo nde, án sino mó tó.”)