Yohanes 18:4 - Abun Scripture

⁴ Yefun Yesus jam suk mwa gato bere yé ben nai An. Sane Yefun Yesus mu karowa yeko, ete Yefun Yesus ndo mo yeko ne do, ”Nin syeret je u ne?”

Yohanes 18:4 Referans Kwoze

Yohanes 13:1

Karowa Kam Sye Waiket sa, Yefun Yesus jam do, bergan An mu kadit bur ré, An satu mu mo An bi Ai. An bi sukjimnut sye kas subot yé gato sok mo An bi rus-i mo bur ré. Yefun Yesus jimnotbot An bi rus-i ndo nde, An kadum An bi sukjimnut ne bor re.

Yohanes 18:7

Yefun Yesus ndo mo án o do, ”Nin syeret je u ne?” Án ki do, ”Men syeret Yesus, ye Nazaret.”

Suk Gato Yerasul Ben Ne 2:28

Nan kadum os ndo wa ji muket subere ji kom mo pe gato ji kem ndo mó, Nan kadum os ne mó re. Ji sisu Nan mone anato ji mit iwa wai o re.’ ”

Yohanes 19:28

Yefun Yesus jam do, suk mwa gato An ben ne, An ben or it, ete An ki do, ”Ji sosa,” subere sukdu gato yé krom mo Yefun Allah bi sukdu subot An bor mone re.

Yohanes 13:11

Yefun Yesus jam An bi pakon dik yo gato bere meret os wa gwat yeko ma wa but An re. Sane anato Yefun Yesus ki do, ”Nin kaim kwo re, sarewo nin sino kaim yo kwo nde re.”)

Yohanes 6:64

Sarewo nin deyo bariwa jammo sukdu ne.” (Kadit ketke ne it, Yefun Yesus jam ye gato bere bariwa jammo An bi sukdu-i si ye gato bere tepsu yeketut gato meret os wa gwat yeko ma wa but An.)

Lukas 24:44

Orete Yefun Yesus ki nai pakon ne do, ”Ji kem sisu nin tó, Ji ki nai nin nyim wé do, suk mwa gato yé krom subot Ji mo Musa bi sukdu-i, yenabi bi sukdu-i si Mazmur ne sino, bere bor mo Ji re.”

Matius 26:31

Orete Yefun Yesus ki nai An bi pakon ne do, ”Su noru ré, bere nin sino titi kadit Ji, bere nin misyar Ji sagato ye krom sukamno dik yo mo Yefun Allah bi sukdu do, ’Bere Ji gu ye gato mewa suksi, ete an bi suksi ne titi kadit an.’

Matius 26:21

Án git sino saresa, Yefun Yesus ki nai án do, ”Suk gato Ji ki ré suksangge anare, kadit nin ré, bere nin ge dik yo meret os wa gwat yeko ma wa but Ji.”

Matius 26:2

”Kam we ete kam sye gato gum do Kam Sye Waiket, nin dakai jam re. {Yé napawa kam gato malaikat waiket ye Israel bi pa futmo mo bur Mesir suga nyim tuya.} Su kam ne, bere yé syo Yetu bi Pa to Ji ré mo yé syim wa yé mban Ji mo kwesukwin.”

Matius 16:21

Kadit kam ne Yefun Yesus ki rer nai bi pakon ne do, ”Ji mu mo kota Yerusalem et. Mone ye Yahudi bi yepasye e, yekwesú mo Yefun Allah bi nu si ye Yahudi bi yeguru agama bere ben sukye nai Ji ket kwayo-kwayo. Bere yé gu Ji kwop, sarewo kom mo kam we rek, bere Yefun Allah sun Ji kadit sukkwop o re.”

1 Petrus 4:1

Yesus Kristus ku sukye mo An kaim mó re. Sane nin dom, nin nai sukjimnut tepsu An. Nin fro nin nggwa wa nin ku sukye mo nin kaim tepsu An et. Nin nai sukjimnut sane, we nin ku sukye saga Kristus ku mo An kaim ne yo, bere nin yo ben sukibit ket nin í ne o nde.

Yohanes 18:5

Yeko ne ki do, ”Men syeret Yesus, ye Nazaret.” Yefun Yesus ki nai án do, ”Ji anare it.” Yudas, yeketut gato gwat os wa yeko ne si yeko sino ti mone.