Yohanes 18:12 - Abun Scripture

¹² Orete ye Roma bi yesukmise bi padosye si bi pa-i si ye gato mewa Yefun Allah bi nu ne, án but Yefun Yesus, án rai Yefun Yesus syim tak de dari.

Yohanes 18:12 Referans Kwoze

Yohanes 18:3

Sane Yudas so yeko mu mone. Yudas si ye Roma bi yesukmise ge bok yo, si ye gato mewa Yefun Allah bi nu ge bok yo. Yekwesú mo Yefun Allah bi nu si ye Farisi syogat án mu mone. Án sino si Yudas mu mone. Yeko ne gwat yor e, nyom e ne, án gwat sukru su kak dom.

Matius 26:57

Yeko gato but Yefun Yesus ne gwat An mu mo yekwesu gato gum kok wai mo Yefun Allah bi nu gato gum do, Kaiafas bi nu. Yeguru agama si ye Yahudi bi yepasye sum sino mone.

Suk Gato Yerasul Ben Ne 21:37

Yesukmise yo gwat Paulus sok mo nu mit nde tó, Paulus ki nai padosye su a Yunani do, ”Yenggras, ji ndekwa ji ki sukdu wokgan su nan et.” Padosye ne ki do, ”Suma ben anato nan jam nan ki suk su a Yunani ne?

Suk Gato Yerasul Ben Ne 21:31

Yé werwa gu Paulus kwop saresa, ye yi yo mu ki napyo nai ye Roma bi yesukmise bi padosye jam. Ye ki nai yesukmise ne do, yé mwa mo kota ne saiye daret, ete yé maskwa yu daret.

Lukas 22:54

Orge yeko ne but Yefun Yesus, yé gwat Yefun Yesus mu mo yekwesu gato gum kok wai mo Yefun Allah bi nu ne bi nu-i. Petrus ndar boribot Yefun Yesus.

Markus 15:1

Nosoro gan, ye Yahudi bi yepasye si yekwesu gato sum sino wa kibot sukdu si yekwesú mo Yefun Allah bi nu ge bok yo, si yeguru agama sino kibot sukdu or, ete án nai sukjimnut dik wa ye gu Yefun Yesus kwop wé. Án rai Yefun Yesus krat, ete án gwat Yefun Yesus mu ku Pilatus.

Markus 14:53

Yeko gato but Yefun Yesus ne gwat Yefun Yesus mu mo yekwesu gato gum kok wai mo Yefun Allah bi nu ne bi nu. Yekwesú mwa mo Yefun Allah bi nu ne, ye Yahudi bi yepasye si yeguru agama sum sino mo nu ne.

Matius 27:2

Yekwesú si yepasye ne syogat ye rai Yefun Yesus krat ete ye gwat mu ku Pilatus, we sugane Pilatus gum yekwesu wa pemerintah ye Roma mone.

Suk Gato Yerasul Ben Ne 23:10

Ye duwer yu nggi, nggi, nggi sor, yesukmise bi padosye nyuwa, sawe bere ye gwa Paulus kete mone or re. Sane padosye ne syogat yesukmise mu nai Paulus wé kadit yepasye ne, ete gwat an mu mo yesukmise bi nu-i.

Matius 27:27

Pilatus bi yesukmise ne gwat Yefun Yesus mu sok mo Pilatus bi nu sye mit ne, ete án kendo yesukmise mwa ne sino gato ben suk mo nu ne ma sum wairi wa Yefun Yesus.

Suk Gato Yerasul Ben Ne 10:1

Yetu ge dik yo gato gum do Kornelius kem mo kota Kaisarea. Kornelius an ye Roma bi yesukmise bi yesu. An jowa bi yemsok yetu ka wotin dik. An si bi yemsok ne ma kadit bur Italia.