Yohanes 17:2 - Abun Scripture

² Nan bes Ji gum Yekwesu wa Ji jom yetu mwa ne sino mo bur ré re, subere yé mwa ne sino gato Nan syo nai Ji ne, Ji ós án kem gesyos.

Yohanes 17:2 Referans Kwoze

Yohanes 6:39

Ji bi Ai gato syogat Ji ma more, An mit i do, yé sino gato An syo nai Ji ne, Ji mewa subere ge dik yo ges mo nde, ge dik yo gwet nde, wo Ji jom án pe sor, ete su kam gato bur ré kru yo, bere Ji sun án sino.

Yohanes 6:37

Yé mwa gato Ji bi Ai syo nai Ji, bere án sino ut mo Ji. Ye to ma ut mo Ji yo, Ji yo syun ge dik yo wé dom nde.

Yohanes 17:24

Ji bi Ai, Nan syo Ji bi pakon nai Ji re. Ji iwa án si Ji kem mo nat gato bere Ji kem mone, subere án me do Ji anato gum kok sye wai o re. Nan yo ut bur ré nde tó, Nan bi sukjimnut sye kas subot Ji, Nan bes Ji gum kok sye wé re.

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

1 Yohanes 5:20

Men jam o do, Yefun Allah bi Gan ma mo bur ré re, An ós men, An kak men bi sukjimnut, subere men jam Yefun Allah gato sangge ne. Men si Yefun Allah gato sangge ne tepsu dik. Men si An bi Gan Yesus Kristus ne tepsu dik it. An sor anato Yefun gato sangge re. An sor anato ós men kem ndo to kapyo mato kapyo re.

Yohanes 17:9

Ji ki suk su Nan wa án, yé mwa gato Nan syo nai Ji ne. Ji yo ki suk su Nan wa yetu mo bur ré nde. Wo Ji ki suk su Nan wa yé gato Nan syo nai Ji, we án anato sok mo Nan bi rus-i.

Yohanes 17:6

Ji kadum Nan nai yé mwa gato Nan syo nai Ji mo bur ré, yé mwa ne jam Nan re. Yé mwa ne anato Nan bi rus-i. Nan syo án nai Ji re. Án benbot Nan bi sukdu-i re.

Yohanes 4:14

Wo ye gato da syur gato Ji syo ne yo, an yo sosa o nde to kapyo mato kapyo. Syur gato Ji syo nai an ne tepsu syur gro mo an mit. Syur gro ne syé ete ben an kem ndo, an kem ndo to kapyo mato kapyo.”

Yohanes 3:35

Men bi Ai, Yefun Allah jimnotku An bi Gan, ete An syo suk mwa mo An bi Gan syim wa An bi Gan jom sino.

1 Yohanes 2:25

Sane Yesus Kristus dakai tom su men do, bere men kem ndo to kapyo mato kapyo.

1 Petrus 3:22

Yesus Kristus sun ete it mu mo gu re. Motu An kem tak Yefun Allah de syim ge, An si Yefun Allah jom suk mwa neya o re. An nggi wai kadit malaikat mwa ne sino e, yerom e, aboksye si suk mwa gato i-mok nggi mone sino o re.

Ibrani 1:2

Wo su kam gato karowa bur kru ré sa, Yefun Allah syo An bi Gan ma, An tarubot An bi Gan wa men re. Su ketke Yefun Allah syo suktinggi nai An bi Gan anato su ketke An bi Gan ut suk mwa mo bur ré si gu nim ne sino. Yefun Allah bes An bi Gan subere suk mwa ne sok mo An bi Gan bi suk-i ne sino.

Matius 11:27

Orete Yefun Yesus ki do, ”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.

Yudas 1:21

Nin eswa men bi Yekwesu Yesus Kristus ma ben bi suk-i ne ndo bor su nin sor. Bere An yo ben suk su nin tepsu sukibit gato nin ben ne nde, wo bere An gwat nin mu mo pe gato ndo wa nin si An kem ndo mone to kapyo mato kapyo. Nin eswa suk ne bor yo, nin ben nin bi suk-i, nin napawa pe do, Yefun Allah bi sukjimnut sye kas subot nin sor.

1 Yohanes 1:2

Sukdu gato ós men kem ndo ne bor mó re, men me re, ete men waii ki nai ye yi jam dom. Sukdu gato ós men kem ndo to kapyo mato kapyo, ketke kem su men bi Ai, Yefun Allah. Sukdu ne bor, men me, sane men waii kibot nai nin jam o.

1 Timotius 1:16

Kapre ji ben sukibit mwa Yefun Allah ben An bi suk-i ne ndo su ji, subere Yesus Kristus kadum ji tepsu os wa yé mwa ne me. Ji anato ben sukibit mwa wai kadit ye yi neya. Ji ben sukibit, ji ben sukibit sane sor, wo Yesus Kristus yo nutbot sukibit gato ji ben ne nde. Kristus yo misyar ji nde, wo Yefun ben sukndo su ji sane sor, ji kwet, or ji onyar kem mo Yefun Yesus re. Sane ye yi neya me suk gato Kristus ben su ji yo, yé mwa ne jam do, kapre án ben sukibit, Yefun Yesus bere ben sukndo su án dom, sane sor, án kwet, án onyar kem mo Yefun Yesus, orete án kem ndo to kapyo mato kapyo.

Filipi 2:10

Sane bere yetu e, malaikat e, yerom e ne sino mo bur ré si gu nim ne, mo bur desnak, mo pe mwa ne sino tu án umsu mo Yefun Yesus gwem. Yé mwa si suk bok ne sino un Yefun Yesus gum mone, án sino ki do, sangge Yefun Yesus gum kok sye wai o re.

Efesus 1:20

Suktinggi ne bor su bi kam gato Yefun Allah sun Yesus Kristus kadit sukkwop ete bes Kristus kem kok tak An de syim ge mo gu. Kristus gum kok tepsu Yefun Allah dakai mone it.

1 Korintus 15:25

Sane Kristus jom suk mwa ne sor suk mwa gato bariket Yefun Yesus ne jammo Kristus et.

Roma 6:23

Sane men do jammo sukjimnut ibit yo, bere men ges mo bot gesyos mo koirut sor. Sarewo suk gato Yefun Allah syo yi nai men anato An syo men bi Yekwesu Yesus Kristus ma kak os ndo wa men kem ndo to kapyo mato kapyo.

Yohanes 6:27

Nin ben suk it yo, nin meret sugit gato bergan kwik kadit nin nde re. Wo nin ben suk it yo, nin meret sugit gato kem nam, gato ben nin mbau gesyos. Bere Yetu bi Pa to Ji ré syo sugit ne nai nin re, we Ji bi Ai Yefun Allah bes Ji gum kok subere Ji kak os ndo wa nin kem gesyos re.”

Matius 25:46

Sane yé tak Ji de syim jam ne bere ges mu ngga mo bot gesyos, wo yé gato ben suk tepsu Yefun Allah mit yo, bere kem ndo to kapyo mato kapyo.”