Yohanes 16:8 - Abun Scripture

⁸ Yefun Allah Gen do ma yo, bere Yefun Gen kak yé mo bur ré bi sukjimnut subere án jam subot suk gato án ben siri kadit Yefun Allah bi sukduno-i ne. Bere Yefun Allah Gen kak yé mo bur ré bi sukjimnut subere án jam subot suk gato tepsu Yefun Allah mit. Bere Yefun Allah Gen kak yé mo bur ré bi sukjimnut subere án jam do, sangge bere Yefun Allah ndobot ye gato ben sukndo si ye gato ben sukibit sino, ete bere Yefun Allah syo sukye nai yé gato ben sukibit ne.

Yohanes 16:8 Referans Kwoze

Yudas 1:15

wa ndobot yetu mwa ne sino yo, bere Yefun ndobot yé gato bariket Yefun mo sukibit gato án ben ne. Bere Yefun ndobot án mo sukdu mwa gato án kiket Yefun ne, eteyo bere Yefun bare án mo bot gesyos or re.”

Suk Gato Yerasul Ben Ne 2:37

Yé mwa jam Petrus bi sukdu-i ne or sa, án kwabom kro, án ki nai Petrus si yerasul yi neya do, ”Sane men bi nji, men ben suma ne?”

1 Korintus 14:24

Wo nin ki Yefun Allah bi suktaru nai yu, ete ye gato jam nde Yefun si ye gato jam Yefun bi sukdu sim si nin sum mone yo, bere sukdu gato nin ki ne pet mo sukibit gato án ben, ete án jam án nggwa mone,

Yohanes 8:9

Yé mwa mone jam Yefun Yesus bi sukdu-i ne, orete an kadik-kadik mu kadit nat ne. Dogato ka yenggras mu nyim, or o doyi ne mu sane sor, Yefun Yesus wadigan si nggon gane ti mone tó.

Yohanes 8:46

Nin deyo me Ji ben sukibit mó bado? Nin ki nin bi sukdu-i ma et. Wo Ji do ki Ji bi sukdu-i ne sangge nai nin it yo, suma ben anato nin bariwa nin jammo Ji bi sukdu-i ne?

Yohanes 16:7

Wo suk gato Ji ki ré suksangge anare, sa ndo sa Ji mu. Ji yo mu nde yo, Yefun Allah Gen gato ma ós nin ne bere An yo ma win Ji nde. Wo Ji mu kadit nin it yo, bere Ji syogat An ma mo nin.

Yohanes 16:9

Bere Yefun Allah Gen kak yé bi sukjimnut subere án jam do, suk gato án ben siri kadit Yefun bi sukduno-i ne anato án yo onyar kem mo Ji nde, án ben sukibit it anane.