Yohanes 16:2 - Abun Scripture

² Bere ye Yahudi syun nin wé kadit án bi nu ari. Bere kapyo tak yé gato gu nin kwop wé gendo suk gato án ben ne Yefun Allah imo.

Yohanes 16:2 Referans Kwoze

Yohanes 9:22

Pa bi im si bi ai ki sane, we an we nyuwa ye Yahudi, we ye Yahudi nai sukjimnut do, ye gato ki rer do, Yefun Yesus anato Yekwesu gato Yefun Allah syogat ma mo bur ré wa nai men yetu kadit sukye ete jowa men ne yo, ye gato ki sukdu sane, bere ye Yahudi duyawa ye ne sok mo ye Yahudi bi nu ari re.

Matius 10:28

Nin nyuwa ye gato nggiwa gu nin da kridek kwop ne nde, wo nin nyuwa Yefun Allah gato nggiwa gu nin da kridek si nin da gesyos ne sino, ete bare mo bot gesyos.

Wahyu 6:9

Domba Gan kak lilin gum domek ne wé sa, ji sokme yetu da gesyos ge bok yo mo meja gato ye gre suge wa som Yefun Allah su mone. Yé bok ne kem mo meja desnak mo bur. Suga nyim yé bok ne mbau mo bur ré tó, án kibot Yefun Allah bi sukdu. Án kibot sukndo gato Yefun ben su án nai ye yi jam gat pe sor anato yé gu án kwop wé mone.

Yohanes 12:42

Kapre Yesaya ki sukdu sane o, yetu mwa nai sukjimnut dik wa án onyar kem mo Yefun Yesus. Ye Yahudi bi yepasye ge bok yo dom nai sukjimnut digane, sarewo án nokwa án ki bor nai ye yi jam, we án ki rer sane yo, bere ye Farisi duyawa án sok ari o re.

Lukas 6:22

Nin yé gato simo Yetu bi Pa to Ji ré, bere yé bariket nin, yé misyar nin, yé kabor nin, yé kiket nin gum ibit mone yo, nin mit at wa.

1 Korintus 4:13

Yé do ki men gum ibit ket kwayo-kwayo it yo, men ki men bi sukdu-i njep nai yé ne satu. Kom mo kam ré, yé nut mo men do, men tepsu sukkwik mo bur ré sor, yé mwa ne bariwa men o re.

Suk Gato Yerasul Ben Ne 7:56

Sane Stefanus ki do, ”Nin me suk gato ji me ré et. Ji me gu kak, ete ji me Yesus gato ye kendo do Yetu bi Pa, An ti tak Yefun Allah de syim ge, An bi suktinggi tepsu Yefun Allah mone.”

Matius 24:9

Su kam gane ma, yé mwa mo bur ré iwedewe bere bariket nin yé gato onyar kem mo Ji. Sane bere yé but nin e, yé ben sukye nai nin, ete yé gu nin kwop.

Yohanes 9:34

Ye Farisi ki nai pa ne do, ”Mban! Kadit kam gato nan bi im kem su nan, sukibit mwa jom nan re, or o su ré, nan nut do, nan anato duno men e?” Sane ye Farisi duyawa pa ne sok mo ye Yahudi bi nu ari, yé syun pa mu mo nden wé kadit re.

Suk Gato Yerasul Ben Ne 5:33

Yepasye mwa ne jam Petrus bi sukdu-i sa, án on sa ndo nde. Sane án iwa gu yerasul bok ne kwop wé,

Yohanes 4:21

Yefun Yesus ki nai mom do, ”Nggongras, nan jammo suk gato Ji ki ré et. Kapyo tak bere yé yo som Ji bi Ai Yefun Allah mo banbo ré o nde. Sane dom, bere ye yo som An mo Yerusalem o nde.

Filipi 3:6

Ji mit iwa ji simo sukduno mwa ne sino, sane ji ben sukye nai ye gato onyar kem mo Yefun Yesus mo bur Yudea. Suk gato Musa duno men su ne, ji benbot mwa ne or sino, kwa yo gwet mo nde.

Yohanes 4:23

Bere kapyo tak o nde, wo su re it, men som Yefun Allah sisu men mit dik si men onyar dik sor. Pe gato men som Yefun mone Yefun yo nutbot nde, wo An mit iwa men yé gato som An. Yefun Allah Gen ben men nggiwa som An sisu men mit dik si men onyar dik sor re.

Yohanes 16:25

”Ji ki suk mwa ne nai nin su sukamno, wo kam yo tak Ji yo ki suk su sukamno o nde. Bere Ji ki rer subot Ji bi Ai nai nin sor.

Yohanes 16:32

Bergan, karowa it, nin titi daret, nin gedik-gedik titi mu mo bi nu-i. Bere nin sino mu kadit Ji, Ji wadigan sor ete kem. Sarewo Ji wadigan sor nde, we Ji bi Ai sisu Ji tó.