Yohanes 16:16 - Abun Scripture16 Yefun Yesus ki do, ”Yo nam nde ge, nin yo me Ji o nde, or o nam gan yo o, bere nin me Ji o re.” Gade chapit la |
Yohanes 16:16
19 Referans Kwoze
Yefun Yesus kwop or, An kadum nggwa wam bok yo nai yerasul ne kom mo kam musyu at rek. An kadum nggwa sane, yerasul ne jam do, sangge Yefun Yesus mbau satu it. Yerasul ne me Yefun Yesus su án gro. Yefun Yesus ku yerasul, An kibot sukdu su yerasul ne kom mo kam musyu at rek. Yefun Yesus duno yerasul subot suk gato Yefun Allah ben su An bi rus-i gato An jowa tepsu Yekwesu.
Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.
Piblisite