Ndo sa, men ku sukye mo sukndo gato men ben ne, we Kristus dom ku sukye mo sukndo gato An ben ne re. Kristus kwop wam dik sor, tep wa tot sukibit mwa gato men ben ne wé re. Kristus yo ben sukibit mo nde. An kwop wa men yé gato ben sukibit, subere An kak os wa men ma sok mo Yefun Allah bi rus-i. An da kridek kwop, wo Yefun Allah Gen sun An kaim gesyos satu kadit sukkwop ne o re.
Yohanes 16:10 - Abun Scripture10 Bere Yefun Allah Gen kak yé bi sukjimnut subere án jam do, Ji anato ben suk tepsu Yefun Allah mit. Ji mu mo Ji bi Ai it anare, Ji mu mo pe gato nin yo me Ji o nde. Sane anato bere yé jam do, Ji anato ben suk tepsu Ji bi Ai mit, ete Ji bi Ai imo suk gato Ji ben ne. Gade chapit la |
Yohanes 16:10
26 Referans Kwoze
Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.
Yefun Allah dakai fro os wa men si Yesus Kristus tepsu dik. Yesus Kristus ne kak men bi sukjimnut. Yesus Kristus ne kak os wa men sok mo Yefun Allah bi rus-i. Yesus Kristus kak os wa men ben Yefun Allah bi suk-i sor. Yesus Kristus tot suktot wa men mo sukibit gato men ben ne wé. Men dakai yo ben suk gato ben to Yefun Allah nai men gum sok mo An bi rus-i nde.
Ji mit at wa sukdu ne, we men me mo sukdu ne Yefun Allah anato kadum os rer nai men subere men ku os wa men sok mo An bi rus-i, ete mone men si An kem ndo su yu. Men onyar kem mo Yesus Kristus bi sukdu ne sor kadit ketke kom mo pe gato or mó anato men si Yefun Allah kem ndo su yu, tepsu ye krom mo Yefun Allah bi sukdu sare do, ”Men onyar kem mo Yefun it yo, bere men si Yefun Allah kem ndo, we Yefun Allah nut mo men do, men sa, tep wa sok mo An bi rus-i it anane.”
Yefun Allah syogat men yetu kwet, we An fro kam gato bere An ndobot men yetu sino mo suk gato men ben ne. Yefun Allah bes yetu ge dik yo wa ndobot men yé mwa ne sino. Ye ne bere ndobot nje sisu ri-roi sor. Men jam do, sangge, bere Yefun Allah bes Ye ne, we Yefun Allah sun Ye gato An bes ne kadit sukkwop it.”
Nin bi amui ben sukibit nai yenabi bok ne sino. Nin bi amui gu yenabi bok ne kwop wé. Yenabi ne ki sukdu subot Yefun Allah bi Pakwerut gato ben sukndo tepsu Yefun Allah mit ne, sarewo nin bi amui gu yenabi ne kwop wé re. Suk ne sor nde, wo gabere nin dakai meret os wa Yefun Allah bi Pakwerut gato Kristus ne, orete nin gu An kwop wé re.
Piblisite