Yohanes 15:8 - Abun Scripture

⁸ Nin do ben suk mwa gato ndo, tepsu bo mwa gato kom yo, nin tepsu Ji bi pakon gato sangge, ete bere yé bes Ji bi Ai gum kok sye wai o mone re.

Yohanes 15:8 Referans Kwoze

Yohanes 8:31

Orete Yefun Yesus ki nai ye Yahudi gato onyar kem mo An do, ”Nin benbot Ji bi sukduno-i petok it yo, nin anato tepsu Ji bi pakon gato sangge it anane.

Matius 5:16

Sane dom, nin tepsu sukru gato rer ku nje et, subere yé me sukndo gato nin ben ne, ete yé un men bi Ai mo gu o re.”

Filipi 1:11

Ji ndek mo Yefun subere An ós nin subere suk mwa gato nin ben ne ndo sino tepsu Yefun Allah mit, sukibit yo mo nde, subere yé mwa un Yefun Allah ete bes An gum kok mo suk gato nin ben ne.

Yohanes 15:5

Ji anato tepsu kwe anggur ke, nin anato tepsu i-guk ne. Ye gato ut krat mo Ji tepsu dik, ete Ji waii ut krat mo ye ne yo, bere ye ne ben suk mwa gato ndo tepsu kweguk be. Nin wadigan kem dor kadit Ji yo, bere nin yo nggiwa ben suk yo mo nde.

1 Petrus 4:11

Ye gato ku suktinggi wa ki subot Yefun bi suktaru it yo, ye ne nutbot suktaru ne do, suktaru ne ma kadit Yefun Allah dakai, orete án ki suktaru ne sisu suktinggi ne sor. Ye gato ós ye yi yo, án ós ye yi su suktinggi ne et. Nin ben suk sane subere yé bes Yefun Allah gum kok mo suk mwa gato nin ben tepsu Yesus Kristus bi yetuge-i ne. Yefun Allah sa, bi suktinggi nggi wai o re. Yefun anato gum kok wai su ré sor to kapyo mato kapyo. Sangge.

Yohanes 13:35

Nin bi sukjimnut sye kas subot yu sane it yo, bere yé mwa ne sino jam do, nin sa, nin anato Ji bi pakon ne.”

1 Korintus 10:31

Sane ji bi sukdu-i sare, nin git sugit e, nin da syur e, suk mwa gato nin ben ne sino yo, nin ben wa nin bes Yefun Allah gum kok sor.

1 Korintus 6:20

we Yefun Allah bi Gan bi nggwa wa nai nin re. Yefun Allah syogat Yefun Yesus ma kwop wa tot suktot mo sukibit gato nin ben ne. An bi An bi Gan kaim wa so nin su it anane. Nin sok mo An it. Sane nin bi nin nggwa wa nin ben Yefun Allah bi suk-i, nin ben suk su nin kaim subere yé bes Yefun Allah gum kok mone sor.

Lukas 6:35

Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.

1 Petrus 2:12

Nin si yé gato jam nde Yefun Allah kem mo bur ré yo, nin werwa nin ben nin bi suk-i ne ndo wai, subere kapre án iwa ki nin gum ibit yo, án yo ku os wa án ki nin gum ibit mó nde, wo án me do, nin sa, ben sukndo. Sane bere su kam gato Yefun ma wa ndobot men yetu mo bur ré, bere án bes Yefun Allah gum kok sye wai mo sukndo gato nin ben ne.

Titus 2:10

Án syimsi án bi yenggras bi suk nde, wo án ben bi án suk-i ndo sor, subere án bi yenggras mit kem mo án. Án ben suk mwa sane subere ye yi me suk gato án ben tepsu Yefun Allah bi sukduno-i, ete ye mit iwa Yefun Allah bi sukduno-i mone. Yefun Allah anato fro os ndo wa men kem ndo to kapyo mato kapyo.

Titus 2:5

subere nggon ne mewa nggwa sisu ndo dom, ete án ben án bi suk-i ndo petok sor, kwa gato ibit yo mo nde. Nggongras duno nggon kra subere án fro án bi nu ne sisu ndo, si án jammo án bi ya. Nggon kra ben suk sane subere ye yo ku os wa ki sukibit ket Yefun Allah bi sukduno nde.

Matius 5:44

Sarewo su ré, Ji ki sare do, nin ben sukndo su ye gato ben sukibit su nin, ete nin ki suk su Yefun subere Yefun ós ye gato ben sukye nai nin et,

Matius 9:8

Yé mwa mone me suk gato Yefun Yesus ben ne sa, án sino yeket, ete án un Yefun Allah, we Yefun Allah syo suktinggi nai yetu wa ben suk sane.