Yohanes 15:6 - Abun Scripture

⁶ Ye to yo ut krat mo Ji tepsu dik nde yo, ye ne tepsu kweguk gato yé tot, ete yé am wé. Bere kweguk ne gu, ete yé sum wa yé gre mo bot wé.

Yohanes 15:6 Referans Kwoze

Matius 7:19

Kwe gato yo bo ndo nde, bere ye gwa wé, ete ye gre mo bot.

Yohanes 15:2

Ji bi Ai tot kwe anggur guk gato yo bo mo nde ne wé. Ji bi Ai me i-guk gato bo mó yo, An mbron i-nat napyo wé, subere i-guk ne ndo wa bo mwa o.

Matius 13:41

Bere Yetu bi Pa syogat An bi malaikat mubot Yefun Allah bi rus-i subere malaikat ne nai yé mwa gato ben ye yi ges mo os ibit si yé mwa ne sino gato ben bi suk-i ibit.

Matius 3:10

Wo nin ré tepsu kwe gato yo bo ndo nde. Su ré yo, Yefun Allah fro bi mbam wa gwa kwe gato sane wé, Yefun Allah gwa mo i-brot kai. Yefun Allah fro wa syo sukye nai ye gato yo kwet nde, tepsu ye gwa kwe gato yo bo nde ne, orete ye syo bot git wé re.

2 Petrus 2:20

Yé gato jammo men bi Yekwesu Yesus Kristus gato ós men kem ndo to kapyo mato kapyo ne, Yesus Kristus ne sombok án kadit suktinggi mwa gato ben án ibit mo bur ré re. Sarewo suktinggi mwa gane do rai án satu, ete jom án tepsu bi pakwerut ne o yo, bere ri ma án ibit wai kadit nyim neya o re.

Ibrani 10:27

Ye gato jam sukdu gato sangge, ete ben suk siri kadit Yefun Allah mit gat sor yo, ye ne yo ku os o nde, wo an kwabom dek subot suk gato bere ri ma Yefun Allah ndobot an mone. Bere an kwabom dek subot Yefun Allah bi sukmaskwa gato tepsu bot gato ru sye. Bot sye ne bere git yé gato bariwa jammo Yefun or wé re.

Wahyu 20:15

Ye to ye yo krom an gum mo Buku Yegesyos nde yo, bere ye am ye ne mu ngga mo bot sye gato tepsu em ete ru ne.

1 Yohanes 2:19

Suga nyim ye gato sok mo yeko ne, án sisu men, orge án mu kadit men re. Ye gare da si men, sarewo án yo mit dik su men nde. Sato án mit dik su men yo, bere án yo mu kadit men nde, sarewo án mu kadit men, ete mone men jam do, án yo mit dik su men mo nde.

Matius 27:5

Sane Yudas am sugum ne mo Yefun Allah bi nu mit, orete an mu kadit nu ne. An mu ete kok an nggwa su jamtu mo nden, ete an kwop.

Wahyu 21:8

Sarewo ye gato ben an bi suk-i siri kadit Ji mit, bere Ji am mo bot gesyos. Ye gato bere Ji am mo bot gesyos anato ye gato ben bi suk-i sato ré: ye gato rewa Ji e, ye gato bariket Ji e, ye gato som sukdaret ete ben sukibit su e, ye gato gu ye yi kwop daret e, yebris si nggon gato ben siri su yu daret e, ye gato kwa syua e, kro ri, frum suk e ne, ye gato som sukdaret e, yé mwa ne sino gato kidar suk e ne. Yé mwa ne sino gato ben bi suk-i ibit sane yo, bere Ji am ngga mo bot sye gato tepsu em ete ru sye basmi kwik su belerang. Bot sye ne anato tepsu sukkwop kedowe.”