Yohanes 15:4 - Abun Scripture

⁴ Nin ut krat mo Ji, sane bere Ji dom ut krat mo nin re. Kweguk sombok kadit i-muk ete kweguk ne ti dor yo, bere i-bo mo nde. Sane dom, nin yo ut krat mo Ji nde yo, bere nin yo nggiwa ben suk gato ndo mo nde.

Yohanes 15:4 Referans Kwoze

1 Yohanes 2:6

Ye to ki do, an sa, si Yefun Allah tepsu dik it yo, bere an ben an bi suk-i tepsu Yesus Kristus ben ne et.

Galatia 2:20

Ben sato ji si Yesus Kristus kwop sino mo kwesukwin it. Sane ji dakai anato kem ré nde, wo Yesus Kristus anato kem mo ji mit. Ji onyar kem mo Yefun Allah bi Gan gato bi sukjimnut sye kas subot ji ete bi An nggwa kwop wa ji anato ji nggiwa ji kem mo bur ré re.

Yohanes 8:31

Orete Yefun Yesus ki nai ye Yahudi gato onyar kem mo An do, ”Nin benbot Ji bi sukduno-i petok it yo, nin anato tepsu Ji bi pakon gato sangge it anane.

2 Yohanes 1:9

Ye gato yo jom Yesus Kristus bi sukdu-i pe nde, wo mu brek bot os yi kadit ne yo, ye ne yo si Yefun Allah tepsu dik nde. Ye gato jom Yesus Kristus bi sukdu-i krat yo, ye ne si men bi Ai, Yefun Allah si bi Gan ne tepsu dik sino.

Yohanes 6:56

Ye to git Ji ku si da Ji dé yo, ye ne si Ji tepsu yedik petok sor. Ji dom si ye ne tepsu yedik.

Filipi 1:11

Ji ndek mo Yefun subere An ós nin subere suk mwa gato nin ben ne ndo sino tepsu Yefun Allah mit, sukibit yo mo nde, subere yé mwa un Yefun Allah ete bes An gum kok mo suk gato nin ben ne.

Yohanes 14:20

Su kam gato nin kem gesyos ne it yo, bere nin jam do, Ji si Ji bi Ai tepsu dik. Sane dom bere nin jam do, nin si Ji tepsu dik sino.

Lukas 8:15

Mbet gro gato ges mo bur ka gato ndo anato tepsu yé gato but sukdu ne, ete án jom pe mo án mit. Yé ne onyar kwo, án bi sukjimnut ndo. Án jamwa sukdu ne pe sane sor án ben suk gato ndo. Sane sukndo gato án ben ne tepsu mbet gro gato kom sane sor i-bo mwa wai o re.”

2 Korintus 13:5

Nin dakai ndobot nin dakai mó et, sare do, nin ben nin bi suk-i tepsu ye gato onyar kem mo Kristus bado, nde, e? Nin onyar kem mo Kristus sisu sangge yo, Kristus dakai kem mo nin mit si nin onyar ne it. Sarewo nin yo onyar kem mo Kristus sisu sangge nde tó yo, bere Kristus yo kem mo nin mit si nin onyar nde tó.

Kolose 2:6

Nin nai Yesus Kristus tepsu nin bi Yekwesu it, sane anato nin ben nin bi suk-i tepsu ye gato sok mo Kristus bi nje-i petok sor.

Kolose 1:27

Yefun Allah iwa An bi rus-i gato ma kadit yewis yi neya jam sukdu gato ndo ré, gato nyim tuya An gurik ne. Yefun Allah iwa yetu mwa ne sino jam An bi sukdu ré gato bi sukjimnut kru ete ndo wai ne. Sukdu gato suga nyim An gurik ne anato sukdu subot Yesus Kristus gato ma ete si nin tepsu yedik sino. Men kwabom kam mo Yesus Kristus gato kak os ndo wa men kem mo Yefun Allah bi nat-i gato ndo wai o re.

Yohanes 17:23

Ji si án tepsu dik, ete Nan si Ji tepsu dik subere án sino tepsu dik sisu sangge it. Sane bere yé mo bur ré jam do, Nan anato syogat Ji ma more. Sane dom bere yé mo bur ré jam do, Nan bi sukjimnut sye kas subot Ji bi pakon ne tepsu Nan bi sukjimnut sye kas subot Ji re.

Efesus 3:17

subere Yesus Kristus kem pe mo nin mit si nin onyar, we nin onyar kem mo Kristus re. Sane dom, ji ki suk su Yefun Allah wa nin mo suk mwa gato nin ben ne, subere nin bi sukjimnut sye kas subot nje petok sor, ben sato sukjimnut ne jom nin, ete nin bi nin nggwa wa nje tepsu Kristus bi An nggwa ne.

Suk Gato Yerasul Ben Ne 11:23

Barnabas mu kom motu sa, an me sukndo gato Yefun Allah dakai ben su yewis yi gato onyar kem mo Yefun Yesus mone. An me do, Yefun Allah ós yé ne ben suk tepsu Yefun Allah mit. Barnabas mit iwa suk gato an me ne. Barnabas ki do, ”Nin mit dik wa Yefun Yesus sor, nin brek kadit Yefun Yesus bi os gato ndo ne nde.”

Kolose 1:23

Nin onyar kem mo sukdu subot os ndo ne tepsu jam biro kom mo kwe guk ne yo, bere Yefun Allah nai nin gum sok mo An bi rus-i. Nin brek kadit os ndo ne nde, wo nin jom sukdu ne krat yo, bere nin si Yefun Allah kem ndo mo An bi nat-i. Sukdu ne anato sukdu gato yé ki nai nin jam re. Sukdu ne, yé mu ki frekbot bur ré iwedewe re. Ji gato gum do Paulus ré anato tepsu pakwerut wa ji mu kibot sukdu ne.

1 Tesalonika 3:5

Sane ji jimnotbot nin ndo nde anato ji syogat Timotius ba ku nin mone. Ji syogat an ba ku nin subere an jam kret nin do, nin onyar kem mo Yesus Kristus tó bado nde e? Ji nokwa sawe biris bi yekwesu meret os wa nin sawe ben nin ges mo os ibit re. Sane bere suk mwa gato men ben su nin yo ós nin o nde.

Ibrani 10:39

Sarewo men anato tepsu yé gato brek kadit Yefun Allah ete ges mo bot gesyos nde, wo men anato tepsu yé gato onyar kem pe mo Yefun Allah, ete kem ndo to kapyo mato kapyo.

Matius 12:33

Yefun Yesus ki nai ye Farisi bok ne o sare do, ”Men me kwe gato i-bo ne ndo yo, men jam do, kwe ne ke dom ndo. Sane dom, men me kwe gato i-bo ibit yo, men jam do, kwe ne ke dom ibit. Sane men jam kweke ne kadit i-bo gato men do ne.