Yohanes 15:3 - Abun Scripture

³ Nin jammo Ji bi sukdu gato Ji duno nin su ne, anato nin onyar kwo ndo re. Nin tepsu i-guk gato Ji bi Ai mbron i-nat napyo wé re.

Yohanes 15:3 Referans Kwoze

Yohanes 17:17

Nan bi sukdu anato sangge. Nan bi sukdu ete ben án subere án bi án nggwa wa án ben Nan bi suk-i ne sor.

Efesus 5:26

Kristus bi An nggwa wa nai sukibit wé kadit men. An bi sukduno tepsu syur gato An de mo men wa rus sukibit wé kadit men re. Sane An fro men wa men sok mo Yefun Allah bi rus-i.

1 Petrus 1:22

Nin benbot Yefun Allah bi sukdu gato sangge it, sane anato nin bare sukibit gato ben nin ne wé kadit nin re, nin onyar kwo re. Sane dom, ye yi gato onyar kem mo Yefun Allah ne, nin mewa sisu sangge re. Sane nin mewa yu su nin mit dik si nin onyar dik sisu ndo wai o et.

Yohanes 13:10

Yefun Yesus ki nai Petrus do, ”Ye gato de syur yo, an kaim yo dum o nde, wo an gwes tak sor ete dum. Sane an de syur o nde, wo an mus an gwes tak sor re. Sane dom, nin kaim kwo re, sarewo nin sino kaim kwo nde re.” (

Yohanes 15:2

Ji bi Ai tot kwe anggur guk gato yo bo mo nde ne wé. Ji bi Ai me i-guk gato bo mó yo, An mbron i-nat napyo wé, subere i-guk ne ndo wa bo mwa o.

Yohanes 17:19

Ji bi Ji nggwa wa Ji ben Nan bi suk-i wa án, subere án waii bi án nggwa wa án benbot Nan bi sukdu-i gato sangge petok sor.