Yohanes 15:10 - Abun Scripture

¹⁰ Nin benbot Ji bi sukduno-i yo, bere Ji bi sukjimnut sye kas subot nin mone petok sor. Sane dom, Ji benbot Ji bi Ai bi sukduno-i, sane An bi sukjimnut sye kas subot Ji mone petok sor.

Yohanes 15:10 Referans Kwoze

Yohanes 14:15

”Nin bi sukjimnut sye kas subot Ji it yo, bere nin benbot suk gato Ji syogat nin ben ne sor.

1 Yohanes 5:3

we sare, men bi sukjimnut sye kas subot Yefun Allah, sane bere men benbot An bi sukduno ne sor. Men benbot Yefun Allah bi sukduno ne yo yé teker eta nde,

1 Yohanes 2:5

Ye gato benbot Yefun Allah bi sukduno-i ne yo, ye ne bi sukjimnut sye kas subot Yefun Allah sisu sangge it. Men ben suk sane anato men jam do, men si Yefun Allah tepsu dik it.

2 Petrus 2:21

Sa ndo sa, án jam nde Yefun Allah bi os-i gato ri-roi ne anato ndo wai kadit án jam Yefun bi os-i, orete ri ma án brek án dari ket Yefun Allah bi sukdu-i gato yé duno án su ne. Ye gato jam Yefun bi os-i, orete an brek an dari ket Yefun it yo, bere an ku sukye wai o re.

Yohanes 8:29

Ji bi Ai gato syogat Ji ma mo bur ré, An anato sisu Ji pe. An yo misyar Ji wadigan kem nde, we Ji ben suk tepsu An mit petok sor.”

Yohanes 4:34

Yefun Yesus ki do, ”Suk gato tepsu sugit wa Ji anato Ji ben suk tepsu Yefun Allah mit. Ji ben An bi suk-i gato An syogat Ji ma mo bur ré wa ben ne sor kom mo pe gato or mó anato tepsu sugit wa Ji git re.

1 Tesalonika 4:1

Sane, men bi nji, men bi nyanggon, men duno nin su sukduno gato kadum os wa nin subere nin jam suk gato ndo wa nin ben tepsu Yefun Allah mit it. Nin benbot sukduno ne napyo it. Sarewo su ré men kiwa nin jammo sukduno gato men bi Yekwesu Yefun Yesus tarubot men ne. Nin jammo ete nin werwa nin benbot sukduno mwa ne sino wai kadit nyim neya o re.

Yohanes 17:4

Ji ben suk mwa gato Nan kiwa Ji ben ne sino anato yé mwa mo bur ré bes Nan gum kok sye wai o re.

Yohanes 14:31

wo suk mwa ne sino gato Ji bi Ai syogat Ji ben ne, Ji ben suk mwa ne sino subere yé mo bur ré jam do, Ji bi sukjimnut sye kas subot Ji bi Ai. Tep more it, men ti men mu kadit pe ré et.”

Yohanes 12:49

Ji yo ki Ji bi sukdu-i tepsu Ji dakai bi sukjimnut-i nde, wo Ji ki Ji bi sukdu-i tepsu Ji bi Ai gato syogat Ji ma mo bur ré bi sukjimnut-i. An anato syogat Ji ki An bi suktaru nai nje jam.

Wahyu 22:14

Ye gato ben Yefun bi suk-i, ben sato án gu án bi san kwo ndo it anane. Ye gato gu án bi san kwo yo, bere án ku os wa án git kwebo mo kweke gato ben yetu kem gesyos. Bere án ku os wa án sok ket ros syo mu mo kota mit ne. Yé ne sa, án mit at wa, we bere Yefun ben sukndo su án re.

Yohanes 14:21

Ye to jammo Ji bi sukdu-i, ete benbot yo, ye ne anato bi sukjimnut sye kas subot Ji. Bere Ji bi Ai bi sukjimnut sye kas subot an. Ji dom bi sukjimnut sye kas subot an, ete Ji kadum Ji nggwa nai an.”

1 Korintus 7:19

Kapre ye bisunat men o, ye yo bisunat men nde yo, suk yo nde. Ye bisunat men it yo, yo ós men nde, wo suk gato ós men anato men benbot suk gato Yefun Allah syogat men ben ne sor.

Ibrani 7:26

Sane, Yefun Yesus sa, An dakai anato Yekwesu gato gum kok wai o re. Yefun Yesus sa, tep wa ós men mo suk mwa gato men yé mone. An bi An nggwa wa ben Yefun Allah bi suk-i sor. An yo ben sukibit mo nde, kwa dik yo dom nde. An ben suk mwa ne ndo sino. An ben An bi suk-i tara kadit men yetu gato ben sukibit. Yefun Allah bes An gum kok wai kadit suk mwa neya mo gu o re.

Yohanes 8:55

wo nin jam An nde re. Sarewo Ji dakai sa, Ji jam An re. Ji do ki do Ji jam nde An yo, Ji kidar suk tepsu nin kidar suk ne. Wo Ji jam An re, Ji benbot An bi sukdu-i.

Yohanes 10:18

Ye yi yo gu Ji ret nde, Ji dakai iwa Ji bi Ji nggwa wa ye gu Ji kwop, bere ye gu Ji sor. Ji dakai nggiwa Ji bi Ji nggwa, ete Ji nai Ji nggwa mbau satu tepsu suk gato Ji bi Ai syogat Ji ben ne.”

Yohanes 14:23

Yefun Yesus ki nai an do, ”Ye to bi sukjimnut sye kas subot Ji it yo, bere ye ne benbot sukduno gato Ji duno an su ne. Bere Ji bi Ai bi sukjimnut sye kas subot an. Bere Ji si Ji bi Ai ma mo an, ete si an kem sino.

1 Yohanes 2:3

Men benbot Yefun Allah bi sukduno-i ne yo, bere men jam mone do, men jam Yefun Allah sisu ndo mone, men si Yefun Allah tepsu dik.

1 Yohanes 2:6

Ye to ki do, an sa, si Yefun Allah tepsu dik it yo, bere an ben an bi suk-i tepsu Yesus Kristus ben ne et.