Yohanes 14:2 - Abun Scripture

² Mo Ji bi Ai bi nu, gumwak mwa wa nin kem mone mó re. Sukdu ne sangge, ondesor sa, Ji yo ki nai nin jam nde. Ji mu mone wa Ji fro nat wa bere nin kem mó.

Yohanes 14:2 Referans Kwoze

2 Korintus 5:1

Men kaim ré tepsu nu ti gato men kem mó, mo bur ré. Sane men jam do, nu ti ne ye do rus wé it yo, bere Yefun Allah fro nu be wa men mo gu. Yetu yo nggo nu mo gu nde, wo nu gato Yefun Allah dakai fro wa men mone bere kem krat to kapyo mato kapyo.

Yohanes 13:36

Simon Petrus ndo mo Yefun Yesus do, ”Yenggras, men bi Yekwesu, Nan mu mo u ne?” Yefun Yesus ki nai Petrus do, ”Pe gato Ji mu mone, su ré nan si Ji mu sino nde. Kapyo tak bere nan boribot Ji.”

Ibrani 13:14

Men si An sino, we mo bur ré men yo ku kota gato men kem gesyos to kapyo mato kapyo yo mo nde, wo men sisu An sa, tepsu men werwa men mu kom mo kota gato gesyos ne, men eswa kota ne bor tó.

Wahyu 21:2

Ji sokme Yefun Allah bi kota, Yerusalem be is kadit Yefun Allah mo gu ma bur. Kota ne fro sisu ndo re, tepsu nggon mbrau nggwa ne kur mek wa kra su bi ya.

Wahyu 3:12

Yé gato nggi wai kadit bur ré bi suk-i yo, bere Ji bes án tepsu kwedi mo Ji bi Ai Yefun Allah bi nu-i. Ye gato nggi ne kem pe mo nu ne. Yé ne yo mu kadit nu ne nde. Bere Ji krom Yefun Allah gum mo yé ne. Bere Ji krom Yefun Allah bi kota gum mo yé ne. Kota ne anato Yerusalem be gato bere Ji bi Ai Yefun Allah syo is kadit gu ne ma. Bere Ji krom Ji dakai gum be mo yé gato nggi wai kadit bur ré bi suk-i dom re.

Ibrani 11:10

Abraham kem mo bur det ne sa, an onyar kem mo Yefun, we an es ndek wa kota gato Yefun Allah dakai fro ete nggo ne bor et. Kota ne bere bi pondasi nggi, ete kem to kapyo mato kapyo sor.

Yohanes 13:33

Ji bi pá, Ji mu kadit nin it anare. Bere nin syeret Ji. Sarewo Ji ki sare do, tepsu gabere Ji ki nai ye Yahudi bi yepasye ne do, pe gato Ji mu mone, nin yo ku os wa nin mu mone nde.

Yohanes 16:4

Sarewo Ji ki sukdu ne nai nin jam su ré, subere kam gato suk ne do bor it yo, nin napakom sukdu gato Ji ki nai nin ré, ete nin ti nggi mone.” ”Suga nyim ne, Ji yo ki sukdu gare nai nin jam nyim nde, we sugane Ji si nin mone sino tó.

Yohanes 17:24

Ji bi Ai, Nan syo Ji bi pakon nai Ji re. Ji iwa án si Ji kem mo nat gato bere Ji kem mone, subere án me do Ji anato gum kok sye wai o re. Nan yo ut bur ré nde tó, Nan bi sukjimnut sye kas subot Ji, Nan bes Ji gum kok sye wé re.

Ibrani 6:20

Yefun Yesus duk os mu nyim mo men gwem sok mo gumwak fo ne it. An sok mone tepsu yegweswai wa men si Yefun Allah. Yefun Yesus ben suk tepsu yekwesu gato gum kok wai mo Yefun Allah bi nu wa men sane sor kem to kapyo mato kapyo, tepsu yegweswai gato sok mo Melkisedek bi de-i.

Wahyu 3:21

Yé gato nggi wai kadit bur ré bi suk-i yo, bere Ji bes án gum kok. Bere án gum kok tep wa án si Ji tepsu yekwesu. Bere Ji ki nai yé ne do, ”Nin ma, nin sisu Ji kem kok mo Ji bi nat ré, men anato gum Yekwesu sino.” Ji anato nggi wai kadit bur ré bi suk-i, anato Ji si Ji bi Ai kem kok mo An bi nat-i re.

Wahyu 1:5

Yesus Kristus gato jam Yefun Allah sisu ndo, An ki bi sukdu-i subot Yefun Allah ri-roi petok sor. Yesus Kristus anato ye doketke gato Yefun Allah sun kadit sukkwop. Yesus Kristus anato jowa yeraja mwa ne sino mo bur ré. Yesus Kristus ete mewa nin. Yesus Kristus ete uttok nin petok sor. Yesus Kristus anato bi sukjimnut sye kas subot men ndo nde petok sor. Yesus Kristus anato kwop, An dé sye wa tot men bi suktot mo sukibit gato men ben ne wé.

Ibrani 9:8

Sane men nutbot suk mwa gato yekwesu mwa neya ben mo nu ne sa, bere men jam suk gato Yefun Allah Gen kadum rer nai men jam do, yesu ben suk mo gumwak de gwem ne do kas tó it yo, bere men yo ku os wa men mu ku Yefun Allah mo An bi gumwak fo nde tó.

Titus 1:2

Án jammo Yefun Allah, we án kwabom kam mo Yefun Allah do, bere Yefun nai án gum sok mo Yefun bi rus-i, bere án si Yefun kem ndo to kapyo mato kapyo, tepsu Yefun Allah tom su men sugato An ut bur ré nde tó. Suk gato Yefun Allah tom su men ne, bere An benbot sor, An yo kidar nde.

1 Tesalonika 5:9

Yefun Allah yo fro men wa men ku sukye mo An bi sukmaskwa nde, wo men bi Yekwesu Yesus Kristus anato kak os wa nai men wé kadit sukmaskwa ne subere men kem ndo to kapyo mato kapyo.

Suk Gato Yerasul Ben Ne 9:16

Bere Ji dakai kadum nai an do, an gwat Ji gum mu ki nai yé mwa ne sino yo, bere an ku sukye ndo nde mone.”

Yohanes 14:28

Nin jam Ji ki do, ’Ji mu kadit nin, sarewo bere Ji satu ma o re.’ Nin bi sukjimnut sye kas subot Ji it yo, bere nin mit iwa Ji mu mo Ji bi Ai. Ji bi Ai anato gum kok sye wai kadit Ji.

Lukas 14:22

Pakwerut mu, orge an satu ma o. Pakwerut ne ki do, ’Yenggras, suk gato nan syaugat ji ben ne, ji ben or re, wo nan bi nu yo ses nde tó.’