Yohanes 14:1 - Abun Scripture

¹ Yefun Yesus ki nai An bi pakon do, ”Nin kwabom dek subot suk mwa neya nde, wo nin kwabom kam mo Yefun Allah et. Nin kwabom kam mo Ji dom et!

Yohanes 14:1 Referans Kwoze

Yohanes 12:44

Orete Yefun Yesus ki sye mo yé miten do, ”Ye gato onyar kem mo Ji yo, an onyar kem mo Ji nde, wo an onyar kem mo Ye gato syogat Ji ma mo bur ré dom.

Yohanes 6:40

Sane dom, Ji bi Ai mit i do, yé mwa ne sino gato me An bi Gan to Ji ré, ete án onyar kem mo Ji yo, án kem ndo to kapyo mato kapyo. Bere su kam gato bur ré kru yo, Ji sun án mbau satu. Suk gato Ji bi Ai imo anane it.”

1 Petrus 1:21

Sane Kristus ma ete kak os wa men yetu anato nin onyar kem pe mo Yefun Allah it. Yefun Allah sun Kristus kadit sukkwop ete bes An gum kok sye wai kadit ye yi neya o re. Sane anato nin onyar kem pe mo Yefun Allah, ete nin kwabom kam mo An mone dom.

Yohanes 13:19

Suk ne yo bor nde tó, Ji ki napyo nai nin jam nyim wé re, subere suk ne do bor it yo, nin jam do, Ji anato Ye gato gesyos, gato Ji bi Ai syogat ma mo bur ré.

Efesus 1:15

Sane, kadit kam gato ji jam do, nin yé Efesus onyar kem mo men bi Yekwesu Yefun Yesus, ete nin bi sukjimnut sye kas subot ye gato onyar kem mo Yefun Yesus ne sino sa,

Yohanes 12:27

”Su ré, Ji jimnotbot Ji nggwa teker it anare. Su ré, Ji ki suma o ne? Ji ki sare do, ’Ji bi Ai, Nan nai Ji wé kadit sukye gato bere Ji ku ne et.’ Nde re, Ji yo ki sane nde, we Ji ma mo bur ré wa Ji ku sukye gato bere yé ben nai Ji.

2 Tesalonika 2:2

nin jam ye yo ki do, men bi Yekwesu Yefun Yesus satu ma mo bur ré it yo, nin gensu sukdu sane nde, nin kwabom kro mo sukdu sane nde. Kapre ye yo ki do, Yefun Allah Gen kadum nai án do, Yefun Yesus ma it yo, nin jambot sukdu sane nde. Kapre ye yo o ki do án jam sukdu do, Yefun Yesus satu ma mó re yo, nin jambot sukdu sane nde. Kapre ye yo o ki nai nin do, men krom sukdu mo surat dik yo do, Yefun Yesus satu ma mo bur ré, an jam mó re yo, nin jambot sukdu sane dom nde.

2 Korintus 2:7

Sane yo, su ré nin maskwa an mo sukibit gato an ben ne o nde, nin nutbot o nde, wo nin bidek an subere an yo mas tut mone teker eta o nde.

Yohanes 11:33

Yefun Yesus me Maria wo, ete An me ye Yahudi gato sisu Maria wo dom sa, An mit buk, An jimnotbot teker wai o re.

Yohanes 5:23

Ji bi Ai bes Ji gum wa Ji ndobot yetu subere yé mwa ne sino jammo An bi Gan tepsu yé jammo An. Ye gato yo jammo Ji nde yo, ye ne yo jammo Ji bi Ai gato syogat Ji ma mo bur ré dom nde.

Yohanes 16:3

Yé ne ben suk ne nai nin, we án yo jam Ji bi Ai nde. Án jam Ji dom nde.

Yohanes 16:6

Ji ki do, Ji mu, anato nin kwabom dek ndo nde.

Yohanes 16:24

Kom mo kam ré, nin yo ndek suk mo Ji bi Ai, ete ki Ji gum su nde tó. Sane nin ndek suk gato nin yewa ne et. Sane bere Ji bi Ai syo suk ne nai nin subere nin mit at mo suk gato nin ku ne re.”