Yohanes 13:4 - Abun Scripture

⁴ Sane Yefun Yesus ti ma nim. Yefun Yesus jogru An bi san gato tak An de nden ne wé, ete An far san det mo An jakuke.

Yohanes 13:4 Referans Kwoze

2 Korintus 8:9

Men jam do men bi Yekwesu Yesus Kristus ben An bi suk-i ne ndo dakai yi su men, men yo ben suk yo nyim wa An nde. An tepsu yepasye gato bi suk mwa. An da bi suk mwa, sarewo An ma mo bur ré sa, An bi sukjimnut sye kas subot men yetu anato An ben An nggwa tepsu ye gato yewa suk, subere An kak os ndo wa men, subere ri ma, men ku os wa men ku suk mwa mo Yefun Allah bi de-i o re.

Lukas 22:27

Ye gato gum kok wai ne anato ye gato kem wa git sugit bado, pa gato ós wa gwat sugit ma ne, e? Men sino jam do, ye gato kem git sugit anato gum kok wai kadit pa gato an syogat gwat sugit ma ne. Sarewo Ji ben Ji bi suk-i su nin ré, Ji syogat nin ós Ji tepsu yepasye nde, wo Ji ós nin, Ji tepsu pakwerut wa nin.

Lukas 12:37

Pakwerut ne bi yenggras do ma ku pá ne yo, pá gato mewa an bi nu tepsu yenggras syogat pá ben ne bere pá ku sukndo mone. Suk gato Ji ki ré suksangge anare, bere yenggras ne win an bi san, yenggras syogat an bi pakwerut ne kem, orete yenggras gwat sugit ma wa pakwerut ne git.

Lukas 17:7

”Men nut subot nin ge dik yo bi pakwerut dik yo gato ben suk wa nin sato ben suk mo nggwe e, mewa yenggras ne bi suksi e ne. Pakwerut satu ma mo nu yo, yenggras ne kendo pa ma git sugit kekro, bado?

Lukas 17:8

Sane nde, yenggras ne yo ki sane nde, wo an ki nai an bi pakwerut ne do, ’Nan ma kon sugit et. Sugit jon or, nan gwat ma, nan wen wa ji git et. Ji do git or, nan waii git wari.’

Yohanes 13:12

Yefun Yesus mus An bi pakon gwes or sa, Yefun Yesus it An bi san gato tak An kaim de nden ne satu o. Yefun Yesus satu mo nat gado An kem mone o. An ndo mo An bi pakon do, ”Nin jam suk gato Ji ben ne bi sukjimnut-i bado?

1 Yohanes 3:11

Kadit ketke men duno nin do, men bi sukjimnut sye kas subot yu et.