Yohanes 13:3 - Abun Scripture

³ Yefun Yesus jam do, An bi Ai syo suk mwa ne sino nai An wa An jom. Sane dom, Yefun Yesus jam do, An ma kadit Yefun Allah, ete bere An satu mu mo Yefun Allah o.

Yohanes 13:3 Referans Kwoze

Yohanes 3:35

Men bi Ai, Yefun Allah jimnotku An bi Gan, ete An syo suk mwa mo An bi Gan syim wa An bi Gan jom sino.

Matius 11:27

Orete Yefun Yesus ki do, ”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.

Ibrani 1:2

Wo su kam gato karowa bur kru ré sa, Yefun Allah syo An bi Gan ma, An tarubot An bi Gan wa men re. Su ketke Yefun Allah syo suktinggi nai An bi Gan anato su ketke An bi Gan ut suk mwa mo bur ré si gu nim ne sino. Yefun Allah bes An bi Gan subere suk mwa ne sok mo An bi Gan bi suk-i ne sino.

Yohanes 17:2

Nan bes Ji gum Yekwesu wa Ji jom yetu mwa ne sino mo bur ré re, subere yé mwa ne sino gato Nan syo nai Ji ne, Ji ós án kem gesyos.

Yohanes 8:42

Orete Yefun Yesus ki nai yé ne do, ”Yefun Allah anato nin bi Ai it yo, bere nin jimnotku Ji, we Ji ma kadit Yefun Allah re. Ji dakai nai sukjimnut wa Ji ma nde, wo Yefun Allah anato syogat Ji ma mo bur ré.

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

1 Korintus 15:27

Ye krom mo Yefun Allah bi sukdu do, ”Yefun Allah anato ben suk mwa ne jammo Kristus.” Wo Yefun Allah dakai yo sok mo ”suk mwa” ne nde, Yefun Allah ti dor mo nden re, wo Yefun Allah ben suk mwa ne jammo Kristus sor re.

Suk Gato Yerasul Ben Ne 2:36

Petrus ki o do, ”Sa ndo sa, nin ye Israel ne sino jam do, Yefun Yesus gato nin gu kwop mo kwesukwin ne, Yefun Allah bes tepsu men bi Yekwesu. Yefun Allah anato bes Yefun Yesus gum Kristus, Ye gato Yefun Allah syogat ma mo bur ré wa nai men yetu kadit sukye ete jowa men ne.”

Yohanes 13:1

Karowa Kam Sye Waiket sa, Yefun Yesus jam do, bergan An mu kadit bur ré, An satu mu mo An bi Ai. An bi sukjimnut sye kas subot yé gato sok mo An bi rus-i mo bur ré. Yefun Yesus jimnotbot An bi rus-i ndo nde, An kadum An bi sukjimnut ne bor re.

Yohanes 7:33

Yefun Yesus ki nai yé mwa gato mo Yefun Allah bi nu ne do, ”Ji si nin kem more nam gan yo o sor re, orete Ji satu mu mo Ye gato syogat Ji ma mo bur ré re.

Yohanes 7:29

wo Ji sa, Ji jam An, we Ji ma kadit An. An anato syogat Ji ma more.”

Yohanes 3:13

Yetu yo it mu mo gu nim yo mo nde. Wo Yetu bi Pa to Ji ré sa, Ji is kadit gu ma mo bur ré re.

Yohanes 1:18

Yetu yo ku Yefun Allah yo mo nde, wo Yefun Allah dakai bi Gan ge dik ne sor ete sisu Yefun Allah. Yesus Kristus si An bi Ai ben suk tepsu dik. Yesus Kristus anato kadum An bi Ai nai men yetu jam re.

Lukas 10:22

”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.”

Yohanes 8:14

Yefun Yesus ki nai án do, ”Kapre Ji ki sukdu rer subot Ji dakai, sukdu gato Ji ki ne sangge, we Ji jam pe gato Ji ma kadit ne si Ji jam pe gato Ji mu mone dom. Sarewo nin jam nde pe gato Ji ma kadit ne. Sane dom nin jam nde pe gato Ji mu mone.