Yohanes 13:2 - Abun Scripture

² Bi noru, ete Yefun Yesus si bi pakon git sugit sino sa, biris bi yekwesu sok an bi sukjimnut-i mo Yudas do, bere Yudas meret os wa gwat yeko ma wa but Yefun Yesus. Yudas gato Simon Iskariot bi pa anato tepsu yeketut.

Yohanes 13:2 Referans Kwoze

Suk Gato Yerasul Ben Ne 5:3

Orge Petrus ki do, ”Ananias, ben sa u anato biris bi yekwesu bok nggwa mo nan, ete nan kidar Yefun Allah Gen sare ne? Nan ki do, sugum gato nan ku kadit nan bi bur det gato nan so anare, ondewo, nan dakai grem sugum napyo wa nan dakai. Nan kidar Yefun Allah Gen ko ré go!

Wahyu 17:17

Yeraja ge musyu dik ne ben suk su nggon sane, we Yefun Allah ben án bi sukjimnut sane sor án ben suk gato Yefun Allah fro wa án ben ne. Sane án ge musyu dik ne sino iwa syo án bi suktinggi wa án jom yetu su ne nai suge doketke ne, sane sor suk gato Yefun Allah ki ne bor re.

Efesus 2:3

Suga nyim men sino ben sukibit tepsu yé mwa ne mó re. Sukjimnut gato tik men mit wa men ben sukibit jom men sino mó re. Suga nyim men sibot sukjimnut ne sor, men dakai ben suk ket men bi sukjimnut-i, men ben sukibit ket men i sor. Sane men si yé mwa ne ku sukmaskwa kadit Yefun Allah mone.

2 Korintus 8:16

Yefun Allah kak Titus bi sukjimnut subere Titus mit iwa mewa nin, tepsu ji dom mit iwa mewa nin, sane ji un Yefun gum mone.

Lukas 22:31

Yefun Yesus ki do, ”Simon, Simon, nan jammo Ji bi sukdu ré et! Biris bi yekwesu ndek mo Yefun Allah do, an ben sukye nai nin sino, tepsu ye tut fas gro.

Lukas 22:3

Orge biris bi yekwesu bok nggwa mo Yudas, gato yé kendo do Iskariot. Yudas sok mo Yefun Yesus bi pakon musyu dik sop we ne. Biris bi yekwesu ne bok nggwa mo Yudas,

Yohanes 13:4

Sane Yefun Yesus ti ma nim. Yefun Yesus jogru An bi san gato tak An de nden ne wé, ete An far san det mo An jakuke.

Matius 10:4

Simon gato sok mo yekweke, si Yudas Iskariot gato ri ma meret os wa gwat yeko ma wa but Yefun Yesus.

Yohanes 13:11

Yefun Yesus jam An bi pakon dik yo gato bere meret os wa gwat yeko ma wa but An re. Sane anato Yefun Yesus ki do, ”Nin kaim kwo re, sarewo nin sino kaim yo kwo nde re.”)