Yohanes 13:16 - Abun Scripture

¹⁶ Suk gato Ji ki ré suksangge anare, pakwerut yo sye wai kadit bi yenggras gato kon an nde. Sane dom, ye gato gwat yepasye bi suktaru, an gum sye wai kadit ye gato syogat an mu ne nde.

Yohanes 13:16 Referans Kwoze

Lukas 6:40

Ye gato farkor yo jam suk wai kadit an bi yeguru nde. Yeguru duno ye ne sisu ndo yo, bere ye gato farkor ne ben an bi suk-i tepsu an bi yeguru ben an bi suk-i ne, bere ye gato farkor jam suk tepsu an bi yeguru ne.

Yohanes 15:20

Nin napawa Ji bi sukdu-i gato Ji ki nai nin ne do, ’Pakwerut yo sye wai kadit bi yenggras gato kon an nde.’ Ye deyo ben sukye nai Ji it yo, bere yé ne ben sukye nai nin dom. Ye deyo benbot Ji bi sukduno-i yo, bere ye ne benbot nin bi sukduno-i dom.

Yohanes 3:5

Yefun Yesus ki do, ”Suk gato Ji ki ré suksangge anare, men bi im kem su men yo, men sok mo men yetu bi rus-i it anane. Yefun Allah Gen kem su men o yo, men waii sok mo Yefun Allah bi rus-i o it anane.

Yohanes 3:3

Yefun Yesus ki do, ”Suk gato Ji ki ré suksangge anare, ye kem su nan satu o yo, nan gum sok mo Yefun Allah bi rus-i it anane.”

2 Korintus 8:23

Titus anato ji bi yesyim gato si ji ben suk sino wa ós nin. Ye we gato si an mu ne, yé gato onyar kem mo Yefun Yesus mo nu ari bok yo anato bes ete syogat ye we ne mu. Ye we ne mu wa bes Yesus Kristus gum kok mo suk gato an we ben ne.

Filipi 2:25

Sarewo ji nut do, ndo sa, ji syokom Epafroditus satu ba ku nin. Epafroditus ré, an tepsu ji bi yesyim, ji si an ben suk wa Yefun Yesus sino. Men ka we tepsu Yesus Kristus bi yesukmise gato ben An bi suk-i. Nin dakai syokom Epafroditus ma ku ji more wa ós ji mo suk gato ji yéwa,