Yohanes 13:11 - Abun Scripture

¹¹ Yefun Yesus jam An bi pakon dik yo gato bere meret os wa gwat yeko ma wa but An re. Sane anato Yefun Yesus ki do, ”Nin kaim kwo re, sarewo nin sino kaim yo kwo nde re.”)

Yohanes 13:11 Referans Kwoze

Yohanes 13:26

Yefun Yesus ki do, ”Ji ras roti nap mo sukrom, ete ye gato Ji syo roti nap ne nai yo, ye gane anane it.” Sane Yefun Yesus nai roti napyo, An ras mo sukrom, ete An syo nai Yudas gato Simon Iskariot bi pa ne.

Yohanes 13:21

Yefun Yesus ki sukdu ne or sa, Yefun Yesus kwabom dek teker, ete Yefun Yesus ki rer nai An bi pakon jam do, ”Suk gato Ji ki ré suksangge anare, kadit nin ré, bere nin ge dik yo meret os wa gwat yeko ma wa but Ji.”

Yohanes 13:18

Suk gato Ji ki ré, Ji ki wa nin sino nde. Yé gato Ji fro wa ben suk wa Ji, Ji jam án kom mo mit. Sarewo yetu ge dik sor re, sukdu gato yé krom nyim mo Yefun Allah bi sukdu bere bor re. Sukdu ne sangge. Mo Yefun bi sukdu, yé krom sare do, ’Ye gato si Ji git sugit sino, an gro ete me Ji, wo an mit tara re, bere an ben sukibit su Ji.’

Yohanes 13:2

Bi noru, ete Yefun Yesus si bi pakon git sugit sino sa, biris bi yekwesu sok an bi sukjimnut-i mo Yudas do, bere Yudas meret os wa gwat yeko ma wa but Yefun Yesus. Yudas gato Simon Iskariot bi pa anato tepsu yeketut.

Yohanes 2:25

Yefun yo mitmo yetu ge dik yo ki rer nai Yefun Yesus jam subot yetu nde, we An jam yetu mit si onyar sino re.

Yohanes 17:12

Ji sisu án sa, Nan bes Ji gum-i kok tepsu Nan gum-i anato Ji yawa án kadit sukibit su Nan bi suktinggi gato Nan syo nai Ji re. Ji mewa án sane, dik yo gwet mo nde, mwa ne sino mó. Wo ge dik sor anato ges mo os ibit kadit men subere sukdu gato yé krom nyim mo Yefun bi sukdu ne bor mone it.

Yohanes 18:4

Yefun Yesus jam suk mwa gato bere yé ben nai An. Sane Yefun Yesus mu karowa yeko, ete Yefun Yesus ndo mo yeko ne do, ”Nin syeret je u ne?”