Yohanes 13:1 - Abun Scripture

¹ Karowa Kam Sye Waiket sa, Yefun Yesus jam do, bergan An mu kadit bur ré, An satu mu mo An bi Ai. An bi sukjimnut sye kas subot yé gato sok mo An bi rus-i mo bur ré. Yefun Yesus jimnotbot An bi rus-i ndo nde, An kadum An bi sukjimnut ne bor re.

Yohanes 13:1 Referans Kwoze

Yohanes 12:23

Yefun Yesus jam do ye Yunani iwa ku An sa, Yefun ki nai Andreas si Filipus do, ”Kam gato yé mwa bes Yetu bi Pa gum kok sye wai o anare it.

1 Yohanes 4:19

Yefun Allah bi sukjimnut sye kas subot men nyim, anato men waii bi sukjimnut sye kas subot An re.

Yohanes 13:34

Su ré Ji duno nin su sukduno gato be sare do: Nin bi sukjimnut sye kas subot yu et. Tepsu Ji bi sukjimnut sye kas subot nin, nin waii bi nin nggwa wa yu et! Nin mewa yu et!

Yohanes 16:28

Sangge, Ji ma kadit Yefun Allah. Ji ma mo bur ré re. Sarewo Ji mu kadit bur ré, Ji satu mu mo Ji bi Ai it anare.”

Yohanes 13:3

Yefun Yesus jam do, An bi Ai syo suk mwa ne sino nai An wa An jom. Sane dom, Yefun Yesus jam do, An ma kadit Yefun Allah, ete bere An satu mu mo Yefun Allah o.

Yohanes 18:4

Yefun Yesus jam suk mwa gato bere yé ben nai An. Sane Yefun Yesus mu karowa yeko, ete Yefun Yesus ndo mo yeko ne do, ”Nin syeret je u ne?”

1 Korintus 1:8

Yefun Allah mewa nin sane sor kom mo pe gato or mó, subere tepsu kam gato men bi Yekwesu Yesus Kristus, satu ma mo bur ré yo, sukibit yo ut mo nin mo nde, wokgan yo dom nde.

Yohanes 17:16

Án si yetu mo bur ré yo tepsu dik nde. Ji dom, Ji si yetu mo bur ré yo tepsu dik nde.

Yohanes 17:1

Yefun Yesus ki sukdu su An bi pakon subere pakon ne nyuwa suk daret nde or sa, Yefun Yesus sok mu nim mo gu, ete An ki do, ”Ji bi Ai, Ji bi kam tep it are. Ji bi Ai, Ji gato Nan bi Gan, Nan bes Ji gum kok sye wai et, subere Ji waii bes Nan gum kok sye wai o re.

Wahyu 1:5

Yesus Kristus gato jam Yefun Allah sisu ndo, An ki bi sukdu-i subot Yefun Allah ri-roi petok sor. Yesus Kristus anato ye doketke gato Yefun Allah sun kadit sukkwop. Yesus Kristus anato jowa yeraja mwa ne sino mo bur ré. Yesus Kristus ete mewa nin. Yesus Kristus ete uttok nin petok sor. Yesus Kristus anato bi sukjimnut sye kas subot men ndo nde petok sor. Yesus Kristus anato kwop, An dé sye wa tot men bi suktot mo sukibit gato men ben ne wé.

Ibrani 3:14

Tepsu men onyar kem pe mo Yefun Yesus su ketke ne, men waii werwa men onyar kem pe mo Yefun sane sor kom mo pe gato or mó. Sane bere men sino si Yesus Kristus tepsu dik mo suk mwa gato An ben ne.

Yohanes 17:5

Ji bi Ai, Nan yo ut bur ré nde tó, Ji si Nan, ete Nan bes Ji gum kok mone re. Sane su ré, Nan bes Ji gum kok sye wai satu o et.

Matius 26:45

Or o An satu ma ku An bi pakon ka gri ne, An ki nai do, ”Nin ka gri kem not mo nat ré sor re bado, nin ka gri sem tó are, e? Tep it! Nin sem o nde, nin sun se! Nin me ré, yeko ma wa but Ji it anare. Yeketut gato meret os wa gwat yeko ma wa but Yetu bi Pa ma it anare.

1 Petrus 1:13

Nin jam sukdu subot os ndo gato Yesus Kristus kak ne, sane anato nin fro nin nggwa wa ben An bi suk-i petok sor. Nin kem su nin fra, nin kwabom kam mo Yefun Allah do, tepsu kam gato Yesus Kristus satu ma ne, bere Yefun Allah ben sukndo su nin re.

Ibrani 6:11

Men mit iwa nin ben Yefun Allah bi suk-i sisu nin mit dik si nin onyar dik sane sor kom mo pe gato or mó, subere suk gato nin mit iwa ku ne, gato nin eswa ne, bere nin ku sor.

Ibrani 3:6

Sarewo Kristus, An tepsu pakwerut sato Musa nde, wo An ben suk tepsu Yefun Allah dakai bi Gan. An ben An bi suk-i mo Yefun Allah bi nu sisu ri-roi sor. Kristus jom suk mwa mo nu ne tepsu Yefun Allah mit. Men anato tepsu yé gato Kristus jom mo Yefun Allah bi nu, wo men bi sukjimnut kem krat mo An, men jammo An su men mit dik si men onyar dik sor.

Roma 8:37

Sukye gato men ku ne yo nggi wai kadit men nde, we mo suk mwa ne sino, Yesus Kristus mewa men anato bere men nggi wai kadit sukye mwa neya re.

Yohanes 17:26

Ji anato kadum Nan nai Ji bi pakon re. Bere Ji ki sukdu subot Nan petok sor subere án bi sukjimnut sye kas subot yu petok sor, tepsu Nan bi sukjimnut sye kas subot Ji, subere Ji si án tepsu dik.”

Yohanes 14:28

Nin jam Ji ki do, ’Ji mu kadit nin, sarewo bere Ji satu ma o re.’ Nin bi sukjimnut sye kas subot Ji it yo, bere nin mit iwa Ji mu mo Ji bi Ai. Ji bi Ai anato gum kok sye wai kadit Ji.

Yohanes 11:55

Karowa Kam Sye Waiket it. Sane yé mwa ma kadit peyo-peyo mo nden, ma mo Yerusalem. Kam sye ne nde tó, yé mwa ne de syur subere án kaim kwo, tepsu Musa bi sukduno ki ne, subere án tep wa án simo kam sye ne.

Yohanes 7:30

Sugane ye Yahudi bi yepasye iwa but Yefun Yesus ware, ye yo syimtok An mo nde, we An Gen syu tó. Kam gato Yefun Allah fro wa ye but An yo bor nde tó.

Yohanes 7:6

Sane Yefun Yesus ki nai An bi nji do, ”Yefun Allah ki nai Ji do, kam ne tep wa Ji ben suk yo bor nde tó yo, Ji yo ben suk nde tó. Wo nin sa, nin ben nin bi suk-i su kam daret sor, kam mwa ne sino ndo wa nin.

Yohanes 6:4

Tomgane karowa ye Yahudi bi Kam Sye Waiket it.

Lukas 22:53

Kamdik-kamdik Ji si nin mo Yefun Allah bi nu de mo ros de mit ne, wo nin yo but Ji nde. Sarewo ye gato biris bi yekwesu jom ne ben an bi suk-i su noru anato nin ma but Ji su noru ré.”

Lukas 9:51

Karowa bi kam gato Yefun Yesus mu kadit bur ré, ete An it mu mo gu, Yefun Yesus nai sukjimnut dik mo An mit do, An mu mo Yerusalem o et.

Matius 28:20

Nin duno nje ne subere yé ne benbot suk mwa ne sino gato Ji syogat nin ben ne. Nin jammo suk gato Ji ki ré et, nin mu duno nje yo, bere Ji sisu nin petok sor kom mo kapyo mato kapyo.”

Yohanes 8:20

Yefun Yesus duno nje su sukduno ne mo Yefun Allah bi nu karowa pe gato ye grem peti wa yé bok sugum wa ye som Yefun Allah su mone. Sarewo yé yo but Yefun Yesus nde tó, we An gen syu tó. Kam gato Yefun Allah fro wa ye but An yo bor nde tó.

Yohanes 2:13

Karowa ye Yahudi bi Kam Sye Waiket sa, Yefun Yesus mu mo Yerusalem wa An simo kam sye ne.

Yohanes 13:29

Pakon deyo gendo, Yefun Yesus syogat Yudas so suk yo wa bere án konwa kam sye su ne, ondeyo Yudas syo suk yo nai ye gato yewa suk mo neya. Pakon jam ri nde, wo pakon nut do, Yudas mu ben suk yo su sugum, we Yudas anato jom pakon sino bi sugum.

Yohanes 14:31

wo suk mwa ne sino gato Ji bi Ai syogat Ji ben ne, Ji ben suk mwa ne sino subere yé mo bur ré jam do, Ji bi sukjimnut sye kas subot Ji bi Ai. Tep more it, men ti men mu kadit pe ré et.”

Yohanes 19:28

Yefun Yesus jam do, suk mwa gato An ben ne, An ben or it, ete An ki do, ”Ji sosa,” subere sukdu gato yé krom mo Yefun Allah bi sukdu subot An bor mone re.