Yohanes 12:5 - Abun Scripture

⁵ ”Mom yo so manik ne nde wa suma ne? Manik ne bi sugum sye tepsu yé ben suk karowa kom mo tahun dik, ete yé ku bi sugum mone. Mom so manik ne, ete mom ku bi sugum, ete syo nai ye gato yewa suk ete ndo.”

Yohanes 12:5 Referans Kwoze

Lukas 18:22

Yefun Yesus jam ye ne bi sukdu sa, Yefun Yesus ki nai an do, ”Suk dik yo anato nan yo benbot nde tó, sare do, nan mu nan so nan bi suk mwa gato nan ku ne, orete suk mwa ne bi sugum nan syo nai ye gato yo ku suk yo mo nde, sane bere nan ku suk mwa mo gu. Nan syo sugum ne nai ye gato yewa suk, orete nan ma simo Ji et.”

Lukas 12:33

Sane nin mu nin so nin bi suk mwa gato nin ku ne, orete sugum gato nin ku mone nin syo nai ye gato yo ku suk yo mo nde, sane bere nin ku suk mwa mo gu. Nin do ben sane, bere tepsu nin grem nin bi suk mwa ne mo gu, tepsu nin bok mbre mo sun bafar gato kem to kapyo. Nin ku suk mwa mo gu ne, suk mwa ne kem pe, yo or nde. Sane dom ye yo ku os wa sok mo gu ete gitsi nin bi suk nde. Kundun yo ku os wa ben suk ne ibit dom nde.

Yohanes 6:7

Filipus ki nai Yefun Yesus do, ”Men mu so roti su sugum tepsu men ben suk mu kom aina munggwo, ete men nai bi sugum ne yo, sugum mwa ne bere yo tep wa men so roti wa yé mwa ré sino git nde. Deyo ku wokgan sor re, deyo yo ku nde.”

Lukas 6:41

Suma ben anato nin ki nin bi nji mo sukkwik wokgan mo an gro-i, sarewo nin misyar kwemuk gato yawa nin gro-i ne?

Matius 20:2

An tom su do, bere an syo sugum kom mo perak det dik, tepsu gaji wa kam no dik, orete an syogat yé bok ne mu ben suk mo nggwe ne.

Matius 18:28

Pa ne syesyar kadit yenggras bi nu saresa, pa ne ku pakwerut dik yo o. Pa we wok ré bi bon wokgan kom mo ribu bok yo, sarewo pa we sye but pa we wok ete sorom pa ne syidem sane sor bergan pa we wok yo tik mas ndo o nde, ete pa we sye ki do, ’Nan bi ji bi bon mo ji kekro et.’

Yohanes 12:4

Sarewo Yefun Yesus bi pakon ge dik yo, gato gum do Yudas Iskariot, Yudas gato bere ri ma meret os wa gwat yeko ma wa but Yefun Yesus, an anato yeketut. Yudas ki do,

Yohanes 12:6

Yudas yo nutbot ye gato yewa suk nde, wo an ki an bi sukdu-i ne, we an ye gato syimsi suk. Sagana an nai sugum kadit pakon bi sugum gato an mewa ne dom.

Yohanes 13:29

Pakon deyo gendo, Yefun Yesus syogat Yudas so suk yo wa bere án konwa kam sye su ne, ondeyo Yudas syo suk yo nai ye gato yewa suk mo neya. Pakon jam ri nde, wo pakon nut do, Yudas mu ben suk yo su sugum, we Yudas anato jom pakon sino bi sugum.