Yohanes 12:2 - Abun Scripture

² Yé fro sugit ndek Yefun Yesus git mone. Mo nu ne, Lazarus bi nyanggon Marta kon sugit, ete gwat ma. Lazarus si ye gato ma ne kem mone. An si Yefun Yesus git sugit sino.

Yohanes 12:2 Referans Kwoze

Wahyu 3:20

Nin jammo suk gato Ji ki ré et. Ben sato Ji ma ti mo nusyo de nden ete Ji ké. Ye to jam Ji ké, ete kak nusyo wa Ji yo, bere Ji sok mu ku ye ne mo nu mit re. Bere Ji si ye ne git sugit sino mone tepsu yedik.

Lukas 22:27

Ye gato gum kok wai ne anato ye gato kem wa git sugit bado, pa gato ós wa gwat sugit ma ne, e? Men sino jam do, ye gato kem git sugit anato gum kok wai kadit pa gato an syogat gwat sugit ma ne. Sarewo Ji ben Ji bi suk-i su nin ré, Ji syogat nin ós Ji tepsu yepasye nde, wo Ji ós nin, Ji tepsu pakwerut wa nin.

Markus 14:3

Yefun Yesus kem mo Simon bi nu mo kampung Betania. Simon ne, su nyim neya suki borbuk git an. Yefun Yesus kem mo meja de mo nu mit ne saresa, nggon dik yo ma ku Yefun Yesus. Nggon ne gwat manik gato grik ndo. Manik ne grik ndo tepsu kwe nggonnak, wo ye kon kadit kwe narwastu brot. Manik ne bi sugum sye yé. Nggon ne gwat manik ne su sukbo ma, ete mom syat sukbo ne, ete nggon ne sye manik ne mo Yefun Yesus su.

Lukas 14:12

Orge Yefun Yesus ki nai ye Farisi gato kendo An ma git ne do, ”Nan do konwa suk yo it yo, nan kendo nan bi yesyim ma sor nde, nan kendo nan bi nji ma sor nde, nan kendo nan bi mben ma sor nde, nan kendo yepasye gato kem mo nan bi kampung ma sor nde. Nan do kendo yé ne ma si nan git sugit mo pesta ne yo, bere yé ne waii kendo nan ma mo án bi pesta ne satu o, sane bere nan ku sukndo satu.

Lukas 12:37

Pakwerut ne bi yenggras do ma ku pá ne yo, pá gato mewa an bi nu tepsu yenggras syogat pá ben ne bere pá ku sukndo mone. Suk gato Ji ki ré suksangge anare, bere yenggras ne win an bi san, yenggras syogat an bi pakwerut ne kem, orete yenggras gwat sugit ma wa pakwerut ne git.

Lukas 5:29

Orge Lewi kon pesta wa Yefun Yesus mo Lewi bi nu. Lewi kendo yé mwa gato nai sugum kadit nje wa pemerintah si ye yi yo o ma sisu Yefun Yesus si bi pakon git sugit sino mone.

Matius 26:6

Yefun Yesus kem mo Simon bi nu mo kampung Betania. Simon ne, su nyim neya suki borbuk git an. Yefun Yesus kem mo nu ne saresa,