Yohanes 12:16 - Abun Scripture

¹⁶ Sugane Yefun Yesus bi pakon jam nde sukdu gato ye krom mo Yefun Allah bi sukdu subot Yefun Yesus dakai. Sarewo Yefun Allah sun Yefun Yesus kadit sukkwop, ete bes An gum kok or sa, Yefun Yesus bi pakon napakom do, sukdu gato yé krom mo Yefun Allah bi sukdu subot suk mwa gato yé ben nai An ne bor re.

Yohanes 12:16 Referans Kwoze

Yohanes 2:22

Sane kam gato Yefun Yesus sun kadit sukkwop or wé, ete An bi pakon napakom sukdu gato An ki ne. Sane án onyar kem mo sukdu gato yé krom mo Yefun Allah bi sukdu si sukdu gato Yefun Yesus dakai ki ne sino dom.

Yohanes 14:26

Sarewo Yefun Allah Gen gato Ji bi Ai bere syo ma win Ji ne, bere Yefun Gen duno nin su suk mwa ne sino. Bere Yefun Gen ós nin napawa suk mwa gato Ji ki nai nin re.

Yohanes 7:39

Yefun Yesus bi sukjimnut do, syur ne anato Yefun Allah Gen. Bere Yefun Allah Gen bok nggwa mo ye gato onyar kem mo Yefun Yesus. Tomgane Yefun Allah Gen yo ma nde tó, we Yefun Yesus kwop, ete An it satu mu mo An bi Ai nde tó.)

Suk Gato Yerasul Ben Ne 2:36

Petrus ki o do, ”Sa ndo sa, nin ye Israel ne sino jam do, Yefun Yesus gato nin gu kwop mo kwesukwin ne, Yefun Allah bes tepsu men bi Yekwesu. Yefun Allah anato bes Yefun Yesus gum Kristus, Ye gato Yefun Allah syogat ma mo bur ré wa nai men yetu kadit sukye ete jowa men ne.”

Yohanes 12:23

Yefun Yesus jam do ye Yunani iwa ku An sa, Yefun ki nai Andreas si Filipus do, ”Kam gato yé mwa bes Yetu bi Pa gum kok sye wai o anare it.

Ibrani 12:2

Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.

Ibrani 8:1

Sukdu subot men bi Yekwesu gato men ki ne, i-ke mó, sare do, men bi Yekwesu gato gum kok wai ne mó re. An kem tak Yefun Allah de syim ge mo gu, An si Yefun Allah gato sye wai mo gu ne jom suk mwa neya sino re.

Suk Gato Yerasul Ben Ne 3:13

Yefun Allah gato jom Abraham, Isak si Yakub, Yefun Allah gato jom men bi amui, Yefun Allah ne bes Yefun Yesus gato An bi pakwerut ne gum kok sye wai o re. Yefun Yesus nin syo mo ye gato ben sukibit syim wa ye gu An kwop wé. Kapre Pilatus iwa sombok An, nin misyar An re.

Suk Gato Yerasul Ben Ne 2:33

Yefun Allah bes Yefun Yesus kem tak Yefun Allah de syim ge. Yefun Yesus si Yefun Allah jom suk mwa neya tepsu Yekwesu sino mone. Yefun Allah syo An Gen bok nggwa mo Yefun Yesus tepsu Yefun Allah tom ne. Sane, Yefun Yesus waii syo Yefun Allah Gen bok nggwa mo men, anato men ki suk su a mwa neya ré, nin dakai jam ete nin me su nin gro re. Yefun Yesus sa, An it su An kaim mu mo gu tepsu Yekwesu,

Yohanes 16:4

Sarewo Ji ki sukdu ne nai nin jam su ré, subere kam gato suk ne do bor it yo, nin napakom sukdu gato Ji ki nai nin ré, ete nin ti nggi mone.” ”Suga nyim ne, Ji yo ki sukdu gare nai nin jam nyim nde, we sugane Ji si nin mone sino tó.

Lukas 24:45

Orge Yefun Yesus kak An bi pakon bi sukjimnut subere pakon ne jam Yefun Allah bi sukdu ne kom mo mit.

Lukas 24:25

Yefun Yesus ki nai an we do, ”Nin ka we jam nde suk! Suk mwa gato yenabi krom mo Yefun Allah bi sukdu ne, nin bi sukjimnut yo kak wa nin but sukdu ne kekro nde.

Lukas 18:34

Yefun Yesus bi pakon jam nde sukdu gato An ki ne re, pakon ne jam wokgan yo dom nde. Sukdu gane bi sukjimnut ne, Yefun Allah gurik kadit pakon ne re, sane án jam nde re. Pakon ne nalar mo sukdu gato Yefun Yesus ki ne or re.

Lukas 9:45

Sarewo Yefun Yesus bi pakon jam nde sukdu gato An ki ne re. Sukdu gane bi sukjimnut ne, Yefun Allah gurik kadit pakon re. Sarewo pakon ne nyuwa án ndo mo Yefun Yesus subot sukdu ne bi sukjimnut-i.

Yohanes 17:5

Ji bi Ai, Nan yo ut bur ré nde tó, Ji si Nan, ete Nan bes Ji gum kok mone re. Sane su ré, Nan bes Ji gum kok sye wai satu o et.

Markus 16:19

Yefun Yesus ki An bi sukdu nai An bi pakon, or Yefun Yesus it mu mo gu, ete Yefun Yesus kem tak Yefun Allah de syim ge subere Yefun Yesus si Yefun Allah, An we jowa suk mwa ne sino.

Markus 9:32

Yefun Yesus ki sukdu ne, An bi pakon jam nde bi sukjimnut ware. Sarewo pakon ne nyuwa án ndo mo Yefun Yesus subot sukdu gato An ki do, ’Kam we, ete Ji sun kadit sukkwop o re,’ bi sukjimnut-i.