Yohanes 12:1 - Abun Scripture

¹ Kam mumat rek yo o, ete yé konwa Kam Sye Waiket ne sa, Yefun Yesus mu mo kampung Betania. Lazarus gato Yefun Yesus sun kadit sukkwop ne kem mone.

Yohanes 12:1 Referans Kwoze

Lukas 24:50

Orge Yefun Yesus si An bi pakon mu kadit kota ne mu mo Betania. Yefun Yesus mu kom mone sa, An bes An syim, An ki suk su Yefun Allah subere Yefun Allah ben sukndo su pakon ne.

Yohanes 12:20

Ye Yunani ge bok yo mu mo Yerusalem subere án si yé mwa mone konwa Kam Sye Waiket ne dom. {Ye Yunani bok ne án yewis yi, án simo Musa bi sukduno-i dom}.

Yohanes 11:55

Karowa Kam Sye Waiket it. Sane yé mwa ma kadit peyo-peyo mo nden, ma mo Yerusalem. Kam sye ne nde tó, yé mwa ne de syur subere án kaim kwo, tepsu Musa bi sukduno ki ne, subere án tep wa án simo kam sye ne.

Yohanes 11:1

Yetu ge dik yo gato gum do Lazarus, an kem mo kampung dik yo gato gum do Betania. An si an bi nyanggon Maria si Marta kem mone sino.

Matius 21:17

Yefun Yesus ki sane, orete An mu kadit yé ne. An mu kadit kota ne mu mo kampung Betania. An mu kom mo Betania, ete An sem mone.

Yohanes 11:44

Sane Lazarus syesyar kadit jokwak ma, san gato yé far an mukri su ne, mó tó. An syim, an gwes san kewa tó. An su dom, san kewa sino. Yefun Yesus ki nai yé mwa mone do, ”Nin sombok san ne wé kadit an subere an mu sisu ndo et.”

Markus 11:11

Yefun Yesus mu kom mo Yerusalem, orge An mu mo Yefun Allah bi nu. Yefun Yesus sokbot suk mwa mone. Sarewo karowa kam bok it, sane Yefun Yesus si An bi pakon ge musyu dik sop we ne mu kadit kota, án sino mu sem mo kampung Betania.

Lukas 7:37

Nggon ge dik yo mo kota ne, nggon ne ben siri su yebris mwa. Nggon ne jam do, Yefun Yesus git sugit mo ye Farisi ne bi nu sa, nggon ne ma, mom gwat manik gato grik su sukbo pualam ma.

Yohanes 11:43

Yefun Yesus ki sukdu su Yefun Allah, orete An saiye do, ”Lazarus, nan syesyar tom!”

Yohanes 12:9

Ye Yahudi mwa ne jam do Yefun Yesus ma kom mo Betania sa, yé mwa ne mu wa án ku Yefun Yesus. Án mu mone wa án me Yefun Yesus sor nde, án mu mone wa án me Lazarus, ye gato Yefun Yesus sun kadit sukkwop ne dom.

Yohanes 12:12

Bi ik Yefun Yesus mo os mit saresa, yé mwa gato ma wa án konwa Kam Sye Waiket ne, án jam do, Yefun Yesus ma mo Yerusalem dom.