Yohanes 10:3 - Abun Scripture

³ Ye gato mewa bi suksi kom mo ros syo ne yo, ye gato mewa ros syo kak wa ye gato mewa bi suksi ne sokbot. Ye gato mewa bi domba ne sok mo ros mit sa, an kendo an bi suksi gedik-gedik gum, sane an bi suksi jam an ké, ete an bi suksi syesyar. An mu nyim mo nden, ete an bi suksi mu boribot an mu mo nden.

Yohanes 10:3 Referans Kwoze

2 Timotius 2:19

Sarewo Yefun Allah bi sukduno-i kem pe kadit ketke. Yetu yo nggiwa rus sukduno kwa wokgan yo wé dom nde. Yefun Allah bi sukduno-i tepsu nu bi pondasi gato ye ut mo bur ketke wa ye syut kwedi mó. Mo pondasi mo bur ne ye krom do, ”Yefun Allah jam ye gato sok mo An bi rus-i.” Ye krom o do, ”Ye gato ki rer do, sangge an sok mo Yefun Allah bi rus-i yo, an kwet kadit sukibit mwa gato an ben suga nyim ne wé et.”

Yohanes 10:4

An si an bi domba syesyar mo nden sa, an mu nyim, an bi domba boribot an, we an ké, ete an bi domba jamwa an re.

Yohanes 10:16

Ji si domba yi yo o gato kem mo nat ré nde. Domba ne kem mo nat tara re. Ji mu gwat domba yi ne si Ji bi domba ré sok mo nat dik sor. Bere domba yi ne jam Ji ké, ete domba ne ma si domba ré kem mo pe dik. Sane bere Ji ka dik sor anato mewa domba mwa ne sino mone.

Yohanes 10:14

Ji anato tepsu ye gato mewa an bi suksi sisu ndo. Ji jam Ji bi suksi sisu ndo. Sane dom Ji bi suksi jam Ji sisu ndo.

Wahyu 3:20

Nin jammo suk gato Ji ki ré et. Ben sato Ji ma ti mo nusyo de nden ete Ji ké. Ye to jam Ji ké, ete kak nusyo wa Ji yo, bere Ji sok mu ku ye ne mo nu mit re. Bere Ji si ye ne git sugit sino mone tepsu yedik.

Wahyu 7:17

Án yo ku sukye sane o nde, we Domba Gan gato kem mo kursi miten ne, bere mewa án. Bere Domba Gan gwat án mu mo syur nggrup gato ben án mbau. Bere Yefun Allah singgri án gro rom ne sino sa kadit án gro re.”

Roma 8:30

Sane Yefun Allah kendo ye gato An dakai fro suga nyim tuya ne. Ye gato Yefun Allah kendo sok mo An bi rus-i ré, Yefun Allah ki mo yé ne do, yé ne sa, tep wa Yefun nai yé ne gum sok mo An bi rus-i ne. Ye gato Yefun Allah nai gum sok mo bi rus-i yo, Yefun bes yé ne gum kok sye wai tepsu Yefun o re.

Yohanes 6:45

Yenabi krom mo Yefun bi sukdu do, ’Bere Yefun Allah duno yé mwa ne sino.’ Yé mwa ne sino gato jam sukduno kadit Ji bi Ai ete benbot, bere ye ne ma mo Ji.

Yohanes 6:37

Yé mwa gato Ji bi Ai syo nai Ji, bere án sino ut mo Ji. Ye to ma ut mo Ji yo, Ji yo syun ge dik yo wé dom nde.

Wahyu 20:15

Ye to ye yo krom an gum mo Buku Yegesyos nde yo, bere ye am ye ne mu ngga mo bot sye gato tepsu em ete ru ne.

Kolose 4:3

Nin do ki suk su Yefun yo, nin ki suk su Yefun wa men more dom, subere Yefun Allah kak os ndo wa men ki sukdu subot Kristus ne frek subot ye yi neya. Sukdu ne, suga nyim neya Yefun Allah gurik re. Ji kibot sukdu ne anato ye sok ji mo sel.

Filipi 4:3

Sane dom, ji ndek mo Sunsugus do, ”Nan si ji ben Yefun Yesus bi suk-i sino mó re, ji onyar kem mo nan. Sane Sunsugus, ji ndekwa nan tepsu yegweswai wa nggon we ne et, we nggon we ne si ji ben suk sino, men ki sukdu subot os ndo gato Yesus Kristus kak ne nai ye yi jam re.” Sugane an we wergat nggwa wa ós ji ki subot sukdu ne. An we sor nde, wo Klemens si yetu ge bok yo ós ji ki subot sukdu ne. Yé bok gane, Yefun Allah krom án gum mo An bi Buku Yegesyos re.

1 Petrus 1:12

Sukdu subot os ndo gato Yefun Allah tarubot yenabi ne, Yefun Allah tarubot yenabi wa ós yenabi dakai nde, wo yenabi ki subot suktaru ne subere ós nin. Suktaru gato yenabi ki nyim ne kom mo nin sare do, Yefun Allah syo An Gen ma kadit gu bok nggwa mo yetu ge bok yo anato yé bok ne nggiwa ki sukdu subot os ndo gato Yesus Kristus kak ne nai nin jam re. Sukdu subot os ndo gato yé bok ne kibot ne, malaikat dom iwa jam.

1 Korintus 16:9

we, kapre yé mwa duwer ji, Yefun kak os wa ji ben An bi suk-i gato ós nje more tó.

Yohanes 10:9

Ji anato tepsu ros syo, ye to sokbot Ji yo, an titi fro kadit sukye, an ku nat wa an kem ndo, an sok, an syesyar, an ku sugit wa an git.

1 Yohanes 4:6

Sarewo men ré sok mo Yefun Allah bi rus-i, sane ye gato mit kem mo Yefun Allah, bere an jambot men bi sukdu-i. Wo ye gato jam nde Yefun Allah, bere an yo jambot men bi sukdu-i nde. Sane kadit ne men jam do biris gne pet moe ye ne. Men jam do Yefun Allah Gen bi sukdu-i ne sangge, tara kadit biris bi yewkesu bi sukdu-i gato gwat nje ges mo os ibit.

3 Yohanes 1:14

yo nam nde ge, ji iwa ji dakai ba ku nan, ete ji si nan, men ka we ki men bi sukdu-i nai yu.