Yohanes 10:12 - Abun Scripture

¹² Ye gato ye bi an bi kamba su sugum wa an mewa domba ne, suksi ne yo tepsu an bi suksi kai nde. Sane an me ndar krok do ma yo, an titi kadit, an misyar domba dakai kem. Ndar krok do ma sa, ndar gu domba, ete domba ne titi daret.

Yohanes 10:12 Referans Kwoze

2 Petrus 2:3

Yeguru ne gro sye wa án ku suk mwa wa án dakai. Sane án kidar nin su sukdu gato án dakai fro subere nin syo suk nai án. Sarewo nam it, Yefun Allah gato bere ndobot án fro wa syo sukye nai án. Yefun Allah fro wa bare án mo bot gesyos, Yefun Allah es ndek mo os koirut wa án re.

Titus 1:7

Yekwesu mo nu ari ne Yefun Allah fro wa ben Yefun bi suk-i mo bur ré, sane an ye gato ben an bi suk-i ndo sor, kwa gato ibit yo mo nde. An yo at nde, an yo maskwa dek nde. An yenau bu nde. An iwa ben sukndi nde. An gro sye wa sugum nde.

2 Timotius 4:10

we, Demas mu kadit ji re. An bi sukjimnut sye mo suk mwa mo bur ré re. An mu kadit ji, an mu mo kota Tesalonika. Kreskes mu mo bur Galatia, Titus mu mo bur Dalmatia.

1 Timotius 3:8

Sane dom, ye gato ós yekwesu mo nu ari, an ben an bi suk-i sato ré, ye yi un an gum, an ye gato ben bi suk-i ne ri-roi sor, an brek nden we nde; an bariwa an da nau mwa teker; an gro sye wa sugum nde.

1 Timotius 3:3

an yenau nde; an ben sukot nde, wo an ben an bi suk-i njep sor, an duwer ye yi daret nde, an gro sye wa sugum nde.

Suk Gato Yerasul Ben Ne 20:29

Ji jam do, ji mu kadit nin yo, bere ye gato ben sukibit ma ben ye gato gum sok mo Yefun Allah bi rus-i ne ibit, tepsu ndar krok gu domba kwop, sane nin mewa sisu ndo sor.

1 Petrus 5:2

nin mewa Yefun Allah bi rus-i gato An syo nai nin sisu ndo et. Yefun Allah iwa nin mewa An bi rus-i sisu nin mit iwa sor, nin bariwa nde. Nin mewa Yefun bi rus-i, nin gro sye wa nin ku suk mwa wa nin dakai sor nde, wo nin dakai mit iwa nin ós Yefun bi rus-i ne, ete nin mewa Yefun bi rus-i mone sor.

Yohanes 10:3

Ye gato mewa bi suksi kom mo ros syo ne yo, ye gato mewa ros syo kak wa ye gato mewa bi suksi ne sokbot. Ye gato mewa bi domba ne sok mo ros mit sa, an kendo an bi suksi gedik-gedik gum, sane an bi suksi jam an ké, ete an bi suksi syesyar. An mu nyim mo nden, ete an bi suksi mu boribot an mu mo nden.

Matius 10:16

”Nin jammo suk gato Ji ki ré et, Ji syogat nin mu, nin tepsu jot gan gato yo nggi nde mu mo ndar krok miten. Sane nin kem fra tepsu kwis bam, nin ben suk-i njep tepsu ndabu.

Matius 7:15

”Nin mewa nin nggwa kadit yenabi gato kidar nin. Yenabi ne ma ku nin, ete án brek nden we, án ben án nggwa sato domba mo de nden, wo án mit ne tepsu ndar krok.

Yohanes 10:2

Sarewo ye gato sokbot ros syo yo, ye gato mewa bi suksi anane.

Yohanes 10:13

Ye gato ye bi an bi kamba ne titi kadit domba, we an yo nutbot domba ne nde, wo an nutbot sugum gato an ku mo an bi kamba sor re.