Yohanes 1:6 - Abun Scripture

⁶ Yefun Allah syogat yetu ge dik yo ma ki Yefun bi suktaru. Ye ne gum do Yohanes.

Yohanes 1:6 Referans Kwoze

Yohanes 3:28

Nin dakai jam suk gato ji ki mó re, sane bere nin ki rer nai ye yi jam do, ’Ji anato Kristus nde. Yefun Allah yo syogat ji ma mo bur ré wa nai men yetu kadit sukye ete jowa yetu nde. Wo Yefun Allah syogat ji ma nyim, orete Kristus ma wari.’

Yohanes 1:33

Nyim ne, ji dakai jam An nde tó, sarewo Yefun Allah gato syokom ji ras nje mo syur ki nai ji suga nyim tuya wé re do, ’Bere nan me Yefun Allah Gen is kadit gu ma bur ete tom mo yetu ge dik it yo, Ye ne anato bere ras yetu mo Yefun Allah Gen.’

Suk Gato Yerasul Ben Ne 13:24

Yefun Yesus ne yo ma nde tó, Yohanes gato ras nje mo syur duno ye Israel sare do, ’Nin kwet kadit sukibit gato nin ben ne et.’ Yohanes ki o do, ’Nin brek kadit os ibit ne, orge nin ma mo ji, ete ji ras nin mo syur.’

Lukas 1:76

{Orge Zakaria ki nai an bi pa do,} ”Nan, ji bi pa, bere yé kendo nan gum do yenabi, bere nan gwat Yefun Allah gato gum kok sye wai ne bi suktaru ma ki nai nje mo bur ré re. Yefun Allah syogat nan mu nyim mo men bi Yekwesu ne gwem, subere nan fro os wa An.

Matius 11:10

Yohanes anato ye gato ye krombot mo Yefun Allah bi sukdu sare do, ’Yefun Allah ki do, ye gato Ji syokom gwat Ji bi suktaru anare. Ji syokom an mu nyim mo Nan gwem, subere an fro os wa Nan.’

Lukas 1:13

Sarewo malaikat ki nai Zakaria do, ”Zakaria, nan nyu nde. Suk gato nan ndek mo Yefun Allah ne, Yefun Allah jam re. Bere nan bi nggon Elisabet ku pa yebris dik yo mone tó. Bere nan kendo pa ne gum do Yohanes.

Matius 21:25

Ji ndo mo nin do, ’Je u anato bes Yohanes wa ras nje mo syur ne, Yefun Allah bado, yetu e?’ ” Orge yekwesu si yepasye ne kibot su yu ware, án yo ku os nde, án ndo mo yu do, ”Men ki sa u nai An ne? Men do ki do, ’Yefun Allah anato bes Yohanes’ it yo, bere An ndo mo men do, ’Sane nin yo jammo Yohanes nde wa suma ne?’