Yohanes 1:51 - Abun Scripture

⁵¹ Ete Yefun Yesus ki do, ”Suk gato Ji ki ré suksangge anare, bere nan me gu kak, ete Yefun Allah bi malaikat is ma mo Ji, gato Yetu bi Pa, ete it mu satu o.”

Yohanes 1:51 Referans Kwoze

Suk Gato Yerasul Ben Ne 7:56

Sane Stefanus ki do, ”Nin me suk gato ji me ré et. Ji me gu kak, ete ji me Yesus gato ye kendo do Yetu bi Pa, An ti tak Yefun Allah de syim ge, An bi suktinggi tepsu Yefun Allah mone.”

Lukas 22:43

Malaikat ge dik yo mu kadit gu ma ku Yefun Yesus, ete ben An nggi.

Lukas 2:13

Ye gato mewa domba ne gensu malaikat yaino ma ti su malaikat ne. Malaikat mwa ne un Yefun Allah, án ki do,

Markus 14:62

Yefun Yesus ki nai án do, ”Ji ana gane it! Bere nin me Yetu bi Pa to Ji ré kem tak Yefun Allah gato nggi wai ne de syim ge, ete bere Ji satu is ma mo bur ré su nyotem kadit gu.”

Markus 1:10

Yefun Yesus mu nden kadit Syur Yordan saresa, Yefun Yesus me gu det. An me gu det sa, Yefun Allah Gen is ma mo Yefun Yesus. Yefun Allah Gen is ma mo Yefun Yesus ne su kaim sato ndabu.

Matius 3:16

Yohanes ras Yefun Yesus mo syur, orete Yefun Yesus mu nden kadit syur. Yefun Yesus mu nden sa, gu ben sato det, ete An me Yefun Allah Gen is ma su kaim sato ndabu ete tom mo An.

Suk Gato Yerasul Ben Ne 10:11

An me gu kak or, suk yo sato san det sye sa ma bur. Ben sato ye rai nap at ne su bus, ete ye sa san det ne is ma bur.

Lukas 3:21

{Yé yo grem Yohanes mo sel nde tó,} Yohanes ras yé bok ne sino mo Syur Yordan or sa, Yohanes ras Yefun Yesus mo Syur Yordan dom. Yefun Yesus mu nden kadit syur, ete Yefun Yesus ki suk su Yefun Allah saresa, gu ben sato det,

Matius 4:11

Kom mo rut, biris bi yekwesu ne mu kadit Yefun Yesus, ete malaikat bok yo ma mewa An.

Wahyu 19:11

Orete ji sokme Yefun Allah bi nu mo gu kak sa, ji me kuda kwo ge dik yo ti mo ji gwem. Ye gato it mo kuda ne gum do, ”Ri-roi si Sangge.” Ye ne syo sukye nai yetu sisu ri-roi tepsu sukibit gato yetu ben ne sor. Ye ne ndobot suk gato yetu ben ne sisu sangge, sane anato An futma gu nje kwop win sukibit gato yé ben ne.

Wahyu 4:1

Sukdu wa yé gato onyar kem mo Yefun Yesus mo nu ari bok ne, ji jam or sa, ben sato ji semda ete ji sokme nusyo mo gu kak re. Ye gato ji jam ki suk su ketke, gato saiye tepsu ye fuf dut, tepsu trompet ne, an ki do, ”Nan ma more et. Ji kadum suk gato bere bor wari wa nan jam.”

2 Tesalonika 1:7

Sane su kam gato men bi Yekwesu Yefun Yesus si malaikat gato nggi is ma kadit gu kadum nggwa nai men yetu, sugane Yefun nai nin si men sino wé kadit sukye gato yé gane ben nai men ne.

Lukas 2:9

Su noru ne, án gensu malaikat dik yo ma ku án. Malaikat ne ma sa, tepsu sukru sye gato rer-rik kadit Yefun Allah rer ku bur. Sane yé bok ne sino nyu ndo nde.

Ibrani 1:14

Yefun yo ki sukdu bok ne subot malaikat nde, sane malaikat ne te suma gei ne? Malaikat ne anato suk gato da kridek yo mo nde, wo malaikat da gesyos sor ete mó. Yefun Allah yo bes malaikat tepsu An bi Gan gato Yekwesu si Yefun sino nde, wo Yefun syogat malaikat mu ós nje gato bere kem ndo to kapyo mato kapyo mo Yefun Allah bi nat-i ne sor re.

1 Timotius 3:16

Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.

Yohanes 10:1

Yefun Yesus ki do, ”Suk gato Ji ki ré suksangge anare, yé si suge gato gum do domba yo, yé gat ros wairi wa domba kem mo mit. Sane ye gato yo sokbot ros syo nde, wo an it ket ros mo nat yi ne yo, ye ne anato ye gato syimsi suk, ye ne ben sukibit.

Lukas 22:69

Wo kadit kam ré bere Ji, gato Yetu bi Pa kem tak Yefun Allah gato nggi wai ne de syim ge.”

Matius 25:31

”Su kam gato Ji, gato Yetu bi Pa, ma su Yefun Allah bi suktinggi ne tepsu nin yetu bi Yekwesu, bere Ji sisu Ji bi malaikat ma sino. Ji gum kok sye wai o re, Ji kem mo Yekwesu bi kursi gato ndo yé re.

Yudas 1:14

Henokh kibot yé bok gane kadit nyim tuya wé re. Henokh anato Adam bi dat. Adam ku bi pa-i, or o bi pa-i ne ku bi pa-i sor kom mo wam mumat anato pe Henokh re. Henokh ki do, ”Bere men bi Yekwesu si malaikat mwa ndo nde gato ben Yefun bi suk-i ne ma. Malaikat ne, men yo ne ndo nde, mwa teker ware. Yefun si malaikat mwa ne ma

2 Tesalonika 1:9

Yé gane bere ku sukye to kapyo mato kapyo sor. Bere Yefun Yesus syun yé mwa ne kadit Yefun bi nat-i re. Yé mwa ne yo karowa men bi Yekwesu gato gum kok sye wai ne bi suktinggi o nde.

Yohanes 14:12

Suk gato Ji ki ré suksangge anare, ye to onyar kem mo Ji yo, an waii ben suk tepsu suk gato Ji ben ne re. Bere an ben suk mwa wai kadit suk gato Ji ben ne, we bere Ji satu mu mo Ji bi Ai, ete Ji bi An Gen ma bok nggwa mo nin.

Yohanes 6:47

Suk gato Ji ki ré suksangge anare, ye gato onyar kem mo Ji it yo, ye ne kem ndo to kapyo mato kapyo.

Lukas 24:4

Nggon ne ti mone, án nutbot ware, án jam nde koirut re. Nggon ti mone sa, án gensu yetu ge we ma ti karowa nggon re. Yetu ge we ne it san gato nggren ete rup-rek.

Matius 26:24

Sangge, Yetu bi Pa to Ji ré bere kwop sagato yenabi krom mo Yefun Allah bi sukdu ne. Sarewo ye gato meret os wa gwat yeko ma wa but Ji bere ku sukye. Ndo sa, ye ne bi im yo pe an mo nde.”

Yohanes 21:18

Suk gato Ji ki ré suksangge anare, tomgato nan ka yemsok yo, nan dakai it nan bi san, nan mu mo nat gato nan dakai í mó. Sarewo bere nan ka yenggras it yo, nan syo nan syim ma wa ye yi it san mo nan, ete gwat nan mu mo pe gato nan yo í mo nde.”

Yohanes 8:51

Suk gato Ji ki ré suksangge anare, ye to jammo Ji bi sukduno-i ete benbot yo, ye ne yo kwop nde, wo bere an mbau to kapyo mato kapyo.”

Yohanes 6:32

Sane Yefun Yesus ki nai yé mwa mone do, ”Suk gato Ji ki ré suksangge anare, Musa anato syo sugit gato is kadit gu nai nin nde re. Sarewo Ji bi Ai anato syo sugit gato sangge kadit gu nai nin ne,

Yohanes 3:5

Yefun Yesus ki do, ”Suk gato Ji ki ré suksangge anare, men bi im kem su men yo, men sok mo men yetu bi rus-i it anane. Yefun Allah Gen kem su men o yo, men waii sok mo Yefun Allah bi rus-i o it anane.

Yohanes 16:20

Suk gato Ji ki ré suksangge anare, bere nin wo, nin nderku Ji. Wo yetu mo bur ré mit iwa o re. Bere nin kwabom dek ndo nde, sarewo bergan yo o nin mit at wa wai o re.

Yohanes 13:16

Suk gato Ji ki ré suksangge anare, pakwerut yo sye wai kadit bi yenggras gato kon an nde. Sane dom, ye gato gwat yepasye bi suktaru, an gum sye wai kadit ye gato syogat an mu ne nde.

Yohanes 10:7

Sane Yefun Yesus ki bi sukdu-i subot ye gato mewa domba wam dik yo o do, ”Suk gato Ji ki ré suksangge anare, Ji dakai anato tepsu ros syo wa domba sokbot.

Yohanes 6:53

Yefun Yesus ki nai án do, ”Suk gato Ji ki ré suksangge anare, nin yo git Yetu bi Pa ku, ete nin da Yetu bi Pa dé nde yo, bere nin kem ndo sisu sangge nde.

Yohanes 5:27

Yefun Allah bes Ji gum kok wa Ji ndobot yetu, we Ji anato gum do Yetu bi Pa.

Yohanes 5:19

Yefun Yesus ki suk su ye Yahudi bi yepasye sare do, ”Suk gato Ji ki ré suksangge anare, Ji gato Yefun Allah bi Gan, Ji wadigan yo nggiwa ben suk nde. Ji ben suk gato Ji me Ji bi Ai ben ne ko. Suk gato Ji bi Ai ben ne yo, bere An bi Gan to Ji ré waii benbot dom.

Yohanes 3:3

Yefun Yesus ki do, ”Suk gato Ji ki ré suksangge anare, ye kem su nan satu o yo, nan gum sok mo Yefun Allah bi rus-i it anane.”

Matius 9:6

Sangge, bere Ji ben ye ré ge. Ji ben ye ré ge subere nin jam do, Ji anato nggiwa Ji ki do, sukibit gato yé mwa ne ben or kadit yé mwa ne dom. Ji ben ye ré ge anato nin jam do, Yefun Allah anato bes Yetu bi Pa to Ji ré.” Sane Yefun Yesus ki nai ye gato út ne do, ”Nan sun, nan pam nan bi sun. Nan satu mu mo nan bi nu sor.”

Matius 8:20

Yefun Yesus ki do, ”Ndar krok sa, bi jokwak wa kem mó, ndam sa, bi bat wa kem mó, wo Yetu bi Pa to Ji ré yo ku nat wa Ji kem not yo mo nde.”

Yohanes 16:23

Su kam gane yo, nin yo ndo mo Ji subot suk yo o nde. Suk gato Ji ki ré suksangge anare, suk to nin ndek mo Ji bi Ai, ete nin ki Ji gum su yo, bere Ji bi Ai syo nai nin re.

Yohanes 13:38

Orete Yefun Yesus ki nai an do, ”Sangge, nan bi nan nggwa kwop win Ji bado? Suk gato Ji ki ré suksangge anare, ndam kokor yo ké nde tó, bere nan rewa Ji wam gri re.”

Yohanes 8:58

Yefun Yesus ki nai yé ne do, ”Suk gato Ji ki ré suksangge anare, Abraham bi im yo pe an nde tó, Ji mó re.”

Yohanes 8:34

Yefun Yesus ki nai án do, ”Suk gato Ji ki ré suksangge anare, ye to ben sukibit yo, ye ne gum pakwerut wa sukibit gato an ben ne.

Yohanes 6:26

Yefun Yesus ki nai yé ne do, ”Suk gato Ji ki ré suksangge anare, nin meret Ji mo gato Ji kadum Yefun Allah bi suktinggi bor nde, wo nin meret Ji, we nin ku sugit wa nin git sane sor nin on ge sor re.

Yohanes 1:50

Yefun Yesus ki do, ”Ji ki nai nan do, ’Ji me nan mo kwe ara ke mó re,’ anato nan onyar kem mo Ji bado? Bere nan me suk gato sye wai kadit suk gato Ji ki ne bor o re.”