Yohanes 1:43 - Abun Scripture

⁴³ Bi ik, ete Yefun Yesus bi sukjimnut do, An mu mo bur Galilea. Yefun Yesus yo mu nde tó, An ku Filipus ete Yefun Yesus ki nai Filipus do, ”Nan simo Ji et!”

Yohanes 1:43 Referans Kwoze

Yohanes 14:8

Filipus ki nai Yefun Yesus do, ”Yenggras, Nan kadum Nan bi Ai nai men me subere men yo nutbot o nde.”

Matius 9:9

Yefun Yesus mu kadit nat ne saresa, An me yetu ge dik yo gato gum do Matius. Matius ré an ye gato nai sugum kadit nje wa pemerintah. Sane an kem mo nat gato yé syo bi sugum nai an ne. Yefun Yesus ki nai Matius do, ”Nan ma simo Ji et!” Sane Matius ti ete simo Yefun Yesus.

Yohanes 12:21

Ye Yunani ne mu ku yetu ge dik yo gato gum do Filipus. (Filipus ontu mo Betsaida mo bur Galilea.) Ye Yunani ne ki nai Filipus do, ”Yenggras, men mit iwa men ku Yefun Yesus et.”

1 Yohanes 4:19

Yefun Allah bi sukjimnut sye kas subot men nyim, anato men waii bi sukjimnut sye kas subot An re.

Yohanes 6:5

Yefun Yesus kem mone, An sokbot nden neya sa, An me yé mwa teker ma mone. An ndo mo Filipus do, ”Men so sugit mo u wa yé mwa more git ne?” (

Filipi 3:12

Ji dakai yo jam Yesus Kristus kom mo mit nde tó. Ji yo jam An bi suktinggi ne sisu ndo nde tó. Ji yo ben ji bi suk-i mwa ne sino tepsu Yesus Kristus iwa ne sisu ndo nde tó. Sarewo ji wergat ji nggwa subere ji ku suk gato Yesus Kristus fro wa ji ne, we ji ré, Yesus Kristus nai ji sok mo An bi rus-i it.

Yohanes 1:28

Yohanes ki sukdu ne mo Betania, mo Syur Yordan de nim, mo pe gato an ras nje mone.

Lukas 19:10

Sane Yetu bi Pa to Ji ré ma mo bur ré wa Ji syeret ye gato jam nde Yefun Allah bi os-i, subere ji ós ye ne jam Yefun Allah bi os-i. Ji kak os wa ye ne subere an kem ndo to kapyo mato kapyo.”

Matius 10:3

Filipus, Bartolomeus, Tomas, Matius gato nai sugum kadit nje wa pemerintah; Yakobus gato Alfeus bi pa, Tadeus;

Yohanes 6:7

Filipus ki nai Yefun Yesus do, ”Men mu so roti su sugum tepsu men ben suk mu kom aina munggwo, ete men nai bi sugum ne yo, sugum mwa ne bere yo tep wa men so roti wa yé mwa ré sino git nde. Deyo ku wokgan sor re, deyo yo ku nde.”

Yohanes 1:35

Bi ik o, Yohanes si bi pakon ge we yo kem mo nat ne.

Matius 4:12

Yefun Yesus jam yé but Yohanes, ete bok an mo sel sa, Yefun Yesus satu mu mo bur Galilea.

Matius 8:22

Sarewo Yefun Yesus ki do, ”Nan misyar ye gato jam nde Yefun gato bi sukjimnut kwop ne dakai mu bi yekwop mo makwe sor. Nan simo Ji kadit.”

Yohanes 1:29

Bi ik, ete Yohanes me Yefun Yesus ma mo an. Orete Yohanes ki do, ”Nin me Ye ré. An anato tepsu Domba Gan gato Yefun Allah syogat ma mo bur ré wa tot suktot mo sukibit gato men ben ne wé.

Yohanes 1:44

Filipus ontu mo Betsaida, kota gato Andreas si Petrus kem mó.

Yohanes 2:11

Yefun Yesus ben syur tepsu nau anggur rom ne mo kota Kana mo bur Galilea. Yefun Yesus ben suk doketke gato ben yetu yeket mone. Yefun Yesus kadum An bi Ai bi suktinggi bor wa yetu jam mone. Sane anato An bi pakon onyar kem mo An.

Yohanes 1:37

Yohanes bi pakon ge we ne jam sukdu ne sa, an we simo Yefun Yesus mu.