Yohanes 1:42 - Abun Scripture

⁴² Andreas mu kar Simon ma mo Yefun Yesus. Yefun Yesus sokwa Simon, ete ki nai an do, ”Nan gum do Simon, gato Yohanes bi pa. Bere yé kendo nan gum do Kefas.” (Kefas, a Ibrani anane, wo ye brek su a Yunani bi sukjimnut do, Petrus. Kefas si Petrus bi sukjimnut dik do, ”jok.”)

Yohanes 1:42 Referans Kwoze

1 Korintus 15:5

Or o Kristus ré kadum An nggwa nai Petrus me. Or o An kadum An nggwa nai yerasul musyu dik sop we ne o.

1 Korintus 3:22

Yefun Allah fro yetu wa ós nin jam suk gato ndo sato: ji e, Apolos si Petrus. Bur ré, Yefun Allah fro wa men. Suga men kem mo bur ré sor kom mo kam sari ne ma, men kwop o, men mbau o, suk mwa ne sino, Yefun anato fro wa men, tepsu men bi suk.

1 Korintus 1:12

Yé bok ne ma, án ki sare do, nin deyo ki do, ”Men simo Paulus,” nin deyo o ki do, ”Men simo Apolos,” nin deyo o ki do, ”Men simo Petrus,” nin deyo o ki do, ”Men simo Kristus.”

Galatia 2:9

Ye gato ye bes gum yekwesu mo nu ari, an ka gri gato gum do Yakobus, Petrus si Yohanes, an ka gri jam do, Yefun Allah bes ji wa ji ben Yefun bi suk-i sane anato án ka gri jom syim su ji si Barnabas, we an ka gri si men ka we tepsu dik wa men sino ben Yefun bi suk-i. Sukdu gato men kibot ne, men sino imo, sare do, án ka gri ne mu duno ye Yahudi, wo ji si Barnabas mu duno yewis yi.

1 Korintus 9:5

Yerasul yi sato Petrus si Yefun Yesus bi nji do mubot os yo, án bi nggon gato onyar kem mo Yefun Yesus si án mu sino. Suk gato Petrus si yerasul yi ben ne anato ndo. Wo, ji do bi nggon gato si ji mubot os yo, bere yé ki ji gum ibit mone wa suma ne?

Matius 10:2

Ye gato Yefun Yesus bes tepsu An bi yerasul gum do, ketke Simon (gato ye kendo do Petrus) sisu an bi nji Andreas, Yakobus sisu bi nji Yohanes gato yenggras Zebedeus bi gan we ne;

Lukas 5:8

Simon (gato gum yo o do Petrus) me boge mwa gato án but ne sa, Simon tu an umsu mo Yefun Yesus gwem, orete an ki nai Yefun Yesus do, ”Yenggras, Nan mu kadit ji et, we ji gum yo tep wa ji karowa Nan nde, ji ré anato ye gato ben sukibit.”

Yohanes 21:2

Simon Petrus si Tomas gato yé kendo do, pakwa ne, si Natanael gato bi nat-i mo Kana mo Galilea, si Zebedeus bi gan ge we si Yefun Yesus bi pakon ge we yo o, án ge mufit sum mo em de ne.

Markus 3:16

Pakon ge musyu dik sop we ne gum anare: Simon gato Yefun Yesus syo gum yo do Petrus,

Yohanes 13:18

Suk gato Ji ki ré, Ji ki wa nin sino nde. Yé gato Ji fro wa ben suk wa Ji, Ji jam án kom mo mit. Sarewo yetu ge dik sor re, sukdu gato yé krom nyim mo Yefun Allah bi sukdu bere bor re. Sukdu ne sangge. Mo Yefun bi sukdu, yé krom sare do, ’Ye gato si Ji git sugit sino, an gro ete me Ji, wo an mit tara re, bere an ben sukibit su Ji.’

Lukas 6:14

Simon gato Yefun Yesus syo gum dik yo do Petrus, sisu an bi nji Andreas, Yakobus sisu bi nji Yohanes, Filipus, Bartolomeus,

Galatia 1:18

Tahun gri, orete ji mu mo Yerusalem wa ji ku Petrus. Ji si an kem mo an bi nu sor kom mo kam musyu dik sop mek rek.

Galatia 2:11

Petrus ma ku ji mo kota Antiokhia sa, ji duwer an mo suk gato an ben mone, we sangge suk gato an ben ne ibit re.

Yohanes 4:16

Yefun Yesus ki nai nggon ne do, ”Sane nan mu, nan kendo nan bi ya, ete nan si ma.”