Yohanes 1:21 - Abun Scripture

²¹ Yesu mo Yefun Allah bi nu si ye Lewi ndo mo Yohanes o do, ”Je u anato nan ré ne? Nan anato yenabi Elia bado?” Yohanes ki do, ”Nde re.” Ete án ndo mo Yohanes o do, ”Sane Nan tepsu yenabi gato gwat Yefun Allah bi suktaru ma ós men ye Yahudi bado?” Yohanes ki do, ”Nde re.”

Yohanes 1:21 Referans Kwoze

Matius 11:14

Nin onyar kem mo sukdu ne yo, bere nin nut do, sangge, kwa yo gato bor su ré anato Yohanes tepsu yenabi Elia gato nin eswa ne.

Yohanes 1:25

án ndo mo Yohanes o do, ”Nan ki do, nan anato Kristus nde, nan anato Elia nde, nan anato yenabi gato ós men ye Yahudi nde. Ben sa u anato nan ras nje mo syur ne?”

Matius 16:14

Pakon ki do, ”Yé bok yo ki do, Nan anato Yohanes gato ras nje mo syur. {Ye ne nut do, Yohanes ne frus an nggwa tepsu Nan.} Yé bok yo o ki do, Nan anato yenabi nyim gato gum do Elia. Yé bok yo o ki do, Nan anato yenabi Yermia, ondeyo yenabi ge dik yo o e ne.”

Yohanes 7:40

Yé mwa gato jam suk gato Yefun Yesus ki ne, deyo ki do, ”Ye gare sangge, An anato yenabi gato ma wa ós men ye Yahudi.”

Lukas 1:17

Bere pa ne fro os wa Yefun, ye Israel bi Yekwesu, gato bere ma ne. Bere Yefun Allah Gen bok nggwa mo pa subere an ki Yefun Allah bi suktaru. Bere an ben an bi suk-i tepsu Elia, gato yenabi kam nyim ne. Yefun Allah Gen bok nggwa mo pa ne, subere pa ben yenggras gato maskwa ket bi pa ne kem ndo satu. Ye gato bariwa jammo Yefun, bere pa ne kar yé ne satu kadit os ibit ma mo os ndo, ete án ben sukndo tepsu Yefun mit. Bere pa ne fro yé mwa subere án kak án mit wa Yefun gato bere ma mo án.”

Matius 21:11

Yé mwa gato mu wairi wa Yefun Yesus ki do, ”Yefun Yesus anare. An yenabi gato ma kadit kota Nazaret mo bur Galilea.”

Yohanes 1:22

Eteyo yesu si ye Lewi ne ndo mo Yohanes o do, ”Je u anato nan ré ne? Nan ki rer subot nan dakai et, subere men ki sukdu satu nai yepasye gato syogat men ma ne. Nan ki subot nan dakai sa u ne?”

Yohanes 6:14

Yé mwa mone me Yefun Allah bi suktinggi bor mo suk gato Yefun Yesus ben mone sa, án ki do, ”Sangge yenabi gato Yefun Allah tom su men do, bere An syogat ma mo bur ré, ana gare it.”