Yohanes 1:15 - Abun Scripture

¹⁵ Yohanes ki rer subot Yefun Yesus. Yohanes ki sye do, ”Ye gato ji kibot nai nin anare it. Ye ré ma nyim kadit ji re. Sarewo An gum kok sye wai kadit ji, we ji bi im yo pe ji nde tó, An mó re.”

Yohanes 1:15 Referans Kwoze

Matius 3:11

Ji anato ras nje mo syur tepsu bi sukjimnut do, ye ne kwet kadit os ibit it. Wo bere Ye yo gato gum kok sye wai kadit ji waii ma bori. Ji gum yo tep wa ji jom An bi sepatu nde. Ji gum wok teker mu bur ware. Ye gato gum kok sye wai kadit ji ne, bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Kolose 1:17

Yefun Allah yo fro wa ut suk yo mo nde tó, Yesus Kristus mó re. Kristus anato ut suk mwa gato mo bur ré si gu nim ne mo bi nat-i re, subere suk mwa ne sino kas sisu ndo sor.

Yohanes 17:5

Ji bi Ai, Nan yo ut bur ré nde tó, Ji si Nan, ete Nan bes Ji gum kok mone re. Sane su ré, Nan bes Ji gum kok sye wai satu o et.

Lukas 3:16

Yohanes ki nai yé mwa mone sino do, ”Ji anato ras nin mo syur, sarewo bere Ye gato gum kok sye wai kadit ji waii ma bori. Sane ji iwa ben suk wa An yo, bere ji yo tepsu nde, ji gum wok teker mu bur ware. Bere ji gum yo tep wa ji sombok jamtu mo An bi sepatu dom nde. Ye gato gum kok sye wai kadit ji ne bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Yohanes 8:58

Yefun Yesus ki nai yé ne do, ”Suk gato Ji ki ré suksangge anare, Abraham bi im yo pe an nde tó, Ji mó re.”

Wahyu 2:8

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Smirna sare do: Ji gato ut suk kadit ketke ete jom suk mwa ne kom mo pe gato or mó, Ji gato kwop, orete sun satu o bi sukdu-i anare:

Ibrani 13:8

Kadit kam nyim, su ré, sor kom mo kapyo mato kapyo, Yesus Kristus ben An bi suk-i ne tepsu yu sor, An ben An bi suk-i tara mo nde.

Yohanes 1:27

Ye ne anato ma boribot ji, sarewo An gum kok sye wai kadit ji. Sane ji iwa ben suk wa An yo, bere ji yo tepsu nde, ji gum wok teker mu bur ware. Bere ji gum yo tep wa ji sombok jamtu mo An bi sepatu dom nde.”

Markus 1:7

Sane Yohanes ki nai yé mwa gato ma mo an ne do, ”Bere Ye yo gato gum kok sye wai kadit ji waii ma bori. Sane ji iwa ben suk wa An yo, bere ji yo tepsu nde, ji gum wok teker mu bur ware. Bere ji gum yo tep wa ji sombok jamtu mo An bi sepatu dom nde.

Wahyu 1:11

Ji jam ye ne ki sukdu sare do, ”Suk gato bere nan sokme ne yo, nan krombot mo buku. Orete nan syo buku ne nai yé gato onyar kem mo Yefun Yesus mo nu ari mo kota Efesus e, Smirna e, Pergamus e, Tiatira e, Sardis e, Filadelfia si Laodikia ne et.”