Yohanes 1:13 - Abun Scripture

¹³ Ye gato gum tepsu Yefun Allah bi pa-i ne, yetu anato kra yu, ete kem su nde. Pa ne yo ma kadit yetu nde, wo pa ma kadit os gato Yefun Allah dakai fro ne.

Yohanes 1:13 Referans Kwoze

1 Yohanes 3:9

Ye gato sok mo Yefun Allah bi rus-i, án yo ben bi suk-i ibit gat o nde, we Yefun Allah Gen kem pe mo án mit si án onyar it. Yefun Allah anato tepsu án bi Ai, sane án yo ben bi suk-i ibit gat o nde.

Yakobus 1:18

Yefun Allah dakai iwa ki bi sukdu gato sangge ne ma kak os wa men subere men tepsu An bi pá-i. An kak os wa men subere men kem mo nat gato ndo kok wai kadit suk mwa gato An ut ne sino re.

1 Petrus 1:23

Nin mewa yu sane, we Yefun Allah bi sukdu gato kem gesyos ne ben nin tepsu ye gato be it. Nin bi im pe nin wam dik yo, wo ben sato Yefun Allah bi sukdu anato pe nin wam dik yo o. Sane nin tepsu ye gato be it.

1 Petrus 1:3

Men bes Yefun Allah, men bi Yekwesu Yesus Kristus bi Ai ne gum kok et. Yefun Allah dakai jimnotku men sye wai o re, sane anato An sun Yesus Kristus kadit sukkwop, ete An fro os mone wa men subere men kem ndo tepsu yetu gato be o re. Sane men kwabom kam mo An do,

1 Yohanes 5:4

we Yefun Allah bi rus-i sa, nggi wai kadit biris bi rus-i gato ben sukibit mo bur ré. Men onyar kem mo Yefun Yesus, sane anato men nggi wai kadit biris bi rus-i ne o re.

1 Yohanes 4:7

Ji bi nji ji bi nyanggon gato ji jimnotku, men bi sukjimnut sye kas subot yu, we Yefun Allah ben men nggiwa men bi sukjimnut sye kas subot ye yi ne. Sane men bi sukjimnut sye kas subot ye yi, bere yé jam do, men anato ye gato mit kem mo Yefun Allah, gato Yefun Allah nai sok mo An bi rus-i ne.

Titus 3:5

Sane anato An nai men wé kadit bot gesyos subere men kem ndo to kapyo mato kapyo. An nai men mo sukndo gato men ben tepsu An mit ne nde, wo An dakai ben sukndo su men yi sor re. An ós men kem ndo. An syo An Gen ma bok nggwa mo men anato men tepsu yetu be. Men tepsu pabom gato bi im kem su ne. Sane sukibit gato men ben suga nyim ne, Yefun Allah Gen was or wé kadit men, ete men win su suk gato ndo sor.

Filipi 2:13

we Yefun Allah dakai kak nin bi sukjimnut, subere nin iwa jammo An, subere nin mit iwa ben suk gato tepsu Yefun Allah mit ne.

1 Korintus 3:6

Nin bes men ka we gum kok nde. Ji anato ben suk tepsu ye gato jan suk mo nggwe, Apolos anato tepsu ye gato sye syur wa, sarewo Yefun Allah anato ben sukjan ne kom. Sane nin bes Yefun Allah gum kok sor.

1 Yohanes 5:1

Ye gato nai sukjimnut do, sangge, Yefun Yesus anato Yekwesu gato Yefun Allah syogat ma mo bur ré kak os ndo wa men yetu tepsu Yefun Allah tom ne yo, ye ne sok mo Yefun Allah bi rus-i it. Sane ye gato bi sukjimnut sye kas subot an bi Ai mo gu bere bi sukjimnut sye kas subot bi Ai ne bi pá-i mwa ne sino dom.

1 Yohanes 5:18

Men jam do, Yefun Allah bi pá-i, án yo ben sukibit gat o nde, we Yefun Allah bi Gan mewa án re. Biris bi yekwesu yo ku os wa ben sukye nai án nde.

Yohanes 3:3

Yefun Yesus ki do, ”Suk gato Ji ki ré suksangge anare, ye kem su nan satu o yo, nan gum sok mo Yefun Allah bi rus-i it anane.”

Matius 3:9

Nin nut do, nin bi amui mo Abraham {anato Yefun Allah iwa nin, sane bere Yefun Allah nai nin kadit sukye, bado? Sane nde. Nin nut sane bere siri re.} Ji ki sare do, Yefun Allah nggiwa ben jok bok ré tepsu Abraham bi dat-i. Sane nin dom tepsu Abraham bi dat-i, bere yo ós nin nde.

1 Petrus 2:2

Sarewo nin mit iwa Yefun Allah bi sukdu ne tepsu pabom er sosa wa da bi im sus et. Sane bere nin nggiwa nin ben nin bi suk-i tepsu Yefun Allah mit nggi wai kadit nyim ne, ete Yefun nai nin sok mo An bi rus-i.