Yohanes 1:12 - Abun Scripture

¹² Sarewo ye to kak mit wa An ma ete onyar kem mo An sa, Yefun Allah bes ye ne gum tepsu Yefun Allah bi pa-i.

Yohanes 1:12 Referans Kwoze

Galatia 3:26

Nin onyar kem mo Yesus Kristus, sane anato nin tepsu Yefun Allah bi pa-i mone it.

Roma 8:14

Ye gato jammo Yefun Allah Gen sor anato tepsu Yefun Allah bi pa-i re.

1 Yohanes 3:1

Yefun Allah bi sukjimnut kas subot men sye teker anato An kendo men do, An bi pá-i. Sangge, men anato Yefun Allah bi pá-i. Yé gato ben sukibit mo bur ré jam nde Yefun, sane anato án jam nde men dom.

Galatia 4:6

Men anato Yefun Allah bi pá-i, sane anato Yefun Allah syo An bi Gan Gen bok nggwa mo men mit. An bi Gan Gen ben men ki su men mit dik nai Yefun Allah do, ”Ai o, Ji bi Ai o.”

Yohanes 3:18

Ye to onyar kem mo An bi Gan yo, ye ne yo ku sukye mo bot gesyos nde. Sarewo ye to yo onyar kem mo An bi Gan nde yo, ye ne gum sok mo ye gato bere ges mo bot gesyos it, we ye ne yo onyar kem mo Yefun Allah bi Gan ge dik ne nde.

Kolose 2:6

Nin nai Yesus Kristus tepsu nin bi Yekwesu it, sane anato nin ben nin bi suk-i tepsu ye gato sok mo Kristus bi nje-i petok sor.

Matius 10:40

”Ye to kak an mit wa nin ma ku an, tepsu an kak an mit wa Ji ma ku an. Sane dom, ye to kak an mit wa ma ku Ji, tepsu an kak an mit wa ma ku Yefun Allah gato syogat Ji ma ne.

Yohanes 20:31

Sarewo ji krom suk bok gare subere nin jam do, sangge, Yefun Yesus anato Ye gato Yefun Allah syogat ma mo bur ré wa kak os ndo wa men yetu ete jom men, subere nin jam do, sangge, Yefun Yesus anato Yefun Allah bi Gan. Sane dom, ji krom sukdu bok gare subere nin jam do, nin nai sukjimnut dik do, nin onyar kem mo An it yo, bere nin kem ndo to kapyo mato kapyo it anane.

2 Petrus 1:4

Yefun gato gum kok ne ben bi suk-i ndo su men anato An tom suk bok yo su men gato ndo yé re. Suk gato An tom ne ndo wai o re. Suk bok gato Yefun tom su men ne, An kak os wa men subere men sombok kadit sukibit gato jom men mo bur ré. Sukibit gato men iwa ben ne ben men ibit re, wo men jom suk bok yo gato An tom su men ne yo, bere men nggiwa men ben men bi suk-i tepsu Yefun mit it.

Matius 12:21

ete bere yewis mwa ne mo bur ré sino bi sukjimnut kem pe mo An.”

1 Yohanes 3:23

Yefun Allah duno men sare do, men mit si men onyar kem mo An bi Gan, Yesus Kristus, ete men bi sukjimnut sye kas subot yu, tepsu suk gato Yesus Kristus duno men su ne.

Suk Gato Yerasul Ben Ne 3:16

Ye gato gwes út ré, nin ku, nin jam an re. Ye ré ge satu, an gwes nggi satu it. Suk gato ben an ge ne anato an onyar kem mo Yefun Yesus si Yefun Yesus bi suktinggi-i. Sangge, kadit an onyar kem mo Yefun Yesus, ye ré ge it. Nin dakai me su nin gro it.

Yohanes 11:52

Yefun Yesus kwop wa yewis ye Yahudi sor nde, wo Yefun Yesus kwop subere An sum Yefun Allah bi pá gato kem mo peyo-peyo, subere án sino sum mo nat dik, subere án sino tepsu dik it.

Yohanes 1:7

An ma ki sukdu frek subot rer gato ku nje mo bur ré nai men yetu jam. Yefun Allah syogat Yohanes ma ki bi suktaru subere yé mwa ne sino jam ete onyar kem mó.

Matius 18:5

Sane dom, ye to kak an mit wa pa wokgan sato ré, we an bi sukjimnut kem mo Ji yo, tepsu an kak an mit wa Ji dom anane.”

Yohanes 2:23

Yefun Yesus kem mo Yerusalem. An simo Kam Sye Waiket sa, yé mwa onyar kem mo An, we yé mwa ne yeket suk gato Yefun Yesus ben gato kadum An bi Ai bi suktinggi bor wa yetu jam mone.

Yohanes 1:11

An ma mo An dakai bi nat-i sarewo An bi yetuge-i bariwa An.

Roma 8:16

Yefun Allah Gen kadum mo men mit subere men jam rer do, men anato Yefun Allah bi pa-i it.

Roma 8:19

Suk bok ne sino gato Yefun ut ne eswa kam gato Yefun Allah ma kadum An bi rus-i nai suk bok ne sino jam. Suk bok gato Yefun ut ne sino mit iwa jam nje gato sok mo Yefun Allah bi rus-i.

1 Yohanes 3:2

Ji bi nji ji bi nyanggon gato ji jimnotku, su ré men anato Yefun Allah bi pá-i it, sarewo suk gato bere bor mo men su kam sari ne ma, men jam ri nde tó. Su kam gato Yesus Kristus satu ma it yo, bere men kaim-i ne tepsu An kaim-i ne re.

1 Yohanes 3:10

Sane men jam Yefun Allah bi rus-i tara kadit biris bi yekwesu bi rus-i sato ré do, ye to bariwa ben suk tepsu Yefun Allah mit ne yo, ye ne yo sok mo Yefun Allah bi rus-i nde. Sane dom ye to bariwa bi sukjimnut sye kas subot ye yi ne yo, ye gane yo sok mo Yefun Allah bi rus-i dom nde.