Yohanes 1:11 - Abun Scripture

¹¹ An ma mo An dakai bi nat-i sarewo An bi yetuge-i bariwa An.

Yohanes 1:11 Referans Kwoze

Lukas 19:14

Sarewo yé mo bur ne bariket yepasye ne. Sane yé syogat yé bok yo mu boribot an subere yé bok ne ki nai yekwesu mone do, ’Men bariwa nan bes ye ne gum yeraja wa jowa men mo men bi bur-i.’

Yohanes 3:32

An ki rer subot suk gato An me mo gu nim ne re. An ki rer subot suk gato an jam re, wo yé yo onyar kem mo suk gato An ki ne nde.

Matius 15:24

Sane Yefun Yesus ki do, ”Yefun Allah syogat Ji ma wa ye Israel gato muri kadit An ne sor re, wo Ji yo ma wa ós yewis yi su ré nde tó. Ye Israel ne ku sukye tepsu domba gato muri kadit ye gato mewa domba ne.”

Roma 15:8

Ji ki sare do, Kristus ma kak os ndo wa ye Yahudi sok mo Yefun bi rus-i, subere ye jam do, suk gato Yefun Allah tom su men bi amui, An benbot it, An yo brek kadit nde.

Suk Gato Yerasul Ben Ne 13:46

Orge Paulus si Barnabas ki suk, an we yo nyu nde, an we ki pet mo nje mone do, ”Men ka we ki Yefun Allah bi sukdu nai nin ye Yahudi nyim sor, wo nin bariwa sukdu ne. Nin nai sukjimnut do, nin bariwa nin kem ndo to kapyo mato kapyo, sane it yo, men ka we misyar nin it anare. Ré ne, men ka we mu ki sukdu ne nai yewis yi jam,

Roma 9:5

Men ye Israel anato bi amui mo yepasye sato Abraham e, Isak si Yakub. Men bi amui ne anato pe Kristus. Kristus anato Yefun gato jom suk mwa ne sino, men sino un An to kapyo mato kapyo. Sangge.

Galatia 4:4

Sarewo tepsu kam gato Yefun Allah fro ne, Yefun Allah syo An bi Gan ma mo bur ré. Nggon dik yo kem su An. An kem mo bur ré, An jammo ye Yahudi bi sukduno.

Suk Gato Yerasul Ben Ne 13:26

Paulus ki o do, ”Ji bi nji, men yé gato bi amui mo Abraham si nin yewis yi gato som Yefun Allah, men sino anato jam suktaru gato ma kadit Yefun Allah sare do, Yefun Yesus ma mo bur ré wa kak os ndo wa men subere men kem ndo to kapyo mato kapyo.

Roma 9:1

Ji gum anato sok mo Kristus bi rus-i it, sane suk gato ji ki ré sangge, ji yo kidar nde. Sane dom, Yefun Allah Gen jom ji bi sukjimnut mo ji mit, sane suk gato ji ki ré sangge, ji jam ware.

Yohanes 1:10

Ye gato rer sangge kai ma mo bur ré, su ketke Yefun Allah ut bur ré su An, sarewo nje mo bur ré yo jam nde An re.

Yohanes 1:12

Sarewo ye to kak mit wa An ma ete onyar kem mo An sa, Yefun Allah bes ye ne gum tepsu Yefun Allah bi pa-i.

Yohanes 19:27

Orete An ki nai pakon ne do, ”Nan bi im anane it.” Kadit kam gane it, pakon ne mewa Yefun Yesus bi im. Yefun Yesus bi im si pakon ne kem mo pakon ne bi nu-i.

Suk Gato Yerasul Ben Ne 21:6

Men wat yu mone, orge men it mo kwem, ete án satu mo án bi nu-i.