Yohanes 1:10 - Abun Scripture

¹⁰ Ye gato rer sangge kai ma mo bur ré, su ketke Yefun Allah ut bur ré su An, sarewo nje mo bur ré yo jam nde An re.

Yohanes 1:10 Referans Kwoze

Yohanes 17:25

Ji bi Ai gato ben bi suk-i ndo petok sor, yé mo bur ré yo jam Nan nde, wo Ji sa, Ji jam Nan re. Ji bi pakon ré dom jam do, Nan anato syogat Ji ma mo bur ré.

1 Yohanes 3:1

Yefun Allah bi sukjimnut kas subot men sye teker anato An kendo men do, An bi pá-i. Sangge, men anato Yefun Allah bi pá-i. Yé gato ben sukibit mo bur ré jam nde Yefun, sane anato án jam nde men dom.

1 Korintus 2:8

Yepasye mwa gato jowa bur ré, ge dik yo jam sukdu ne mo nde. Yepasye ne jam sukdu ne sa, án yo gu men bi Yekwesu gato gum kok sye wai ne kwop mo kwesukwin nde.

1 Korintus 1:21

Yefun Allah gato bi sukjimnut ne ko wai o re anato fro os subere men jam An sisu ndo. Men jam An kadit men yetu bi sukjimnut mwa gato kru nde, wo men jam An kadit sukdu gato men kibot Yesus Kristus. Sukdu ne, ye yi ki do, men dakai ki daret kaii, sarewo kadit sukdu gato ndaf ne, Yefun Allah fro os wa nai men yé gato onyar kem mo sukdu ne kadit sukye mo bot gesyos, subere men kem ndo to kapyo mato kapyo.

Matius 11:27

Orete Yefun Yesus ki do, ”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.

Ibrani 11:3

Men onyar kem mo Yefun Allah, sane anato men jam do, Yefun Allah ki sukdu sor ete suk mwa mo gu nim si bur ré ne sino dakai bor subot An bi sukdu-i ne mó re. Sane suk gato men me su men gro gato bor ré, ma kadit sukdu gato Yefun Allah ki ne sor re, Yefun Allah yo nai suk yi neya wa An ut suk mwa su ne yo mo nde, wo An ki sukdu sor re, ete suk mwa ne bor re.

Yohanes 1:18

Yetu yo ku Yefun Allah yo mo nde, wo Yefun Allah dakai bi Gan ge dik ne sor ete sisu Yefun Allah. Yesus Kristus si An bi Ai ben suk tepsu dik. Yesus Kristus anato kadum An bi Ai nai men yetu jam re.

Yohanes 1:5

Rer ku pe gato ndendu mó. Rer ne, ndendu yo nggiwa ben rer ne te nde re.

Suk Gato Yerasul Ben Ne 14:17

wo Yefun Allah kadum An nggwa nai men sare do: An ben sukndo su men, An syo nogi is ma kadit gu, suk gato men jan, An ben kom sisu ndo, An syo sugit mwa nai men, ete An ben men mit iwa suk mwa ne.”

Yohanes 5:17

Sarewo Yefun Yesus ki nai ye Yahudi bi yepasye ne do, ”Ji bi Ai Yefun Allah ben suk gat sor kom mo kam ré, sane Ji waii ben suk dom.”

Yohanes 1:3

Yefun Allah ut suk mwa ne sino, su Yefun Yesus gato ye kendo do Sukdu ne. Sukdu do yo mo nde yo, Yefun Allah yo ut suk mo gu nim si bur ré mo nde.

Yohanes 1:11

An ma mo An dakai bi nat-i sarewo An bi yetuge-i bariwa An.

1 Korintus 8:6

sarewo men yé gato onyar kem mo Kristus jam do, Yefun Allah ne ka dik sor. An anato nggi wai o re. Yefun Allah anato men bi Ai. An anato ut suk mwa mo bur ré si gu nim ne. Men kem mo bur ré wa men ben An bi suk-i sor. Men bi Yekwesu gato men jammo ne ka dik sor. Men bi Yekwesu ne anato Yesus Kristus. Yesus Kristus ne anato ós Yefun Allah ut suk mwa mo bur ré si gu nim. Kadit Yesus Kristus ne anato men mbau mó tó re.

Kolose 1:16

Yefun Allah anato tepsu i-ke wa fro suk mwa gato mo bur ré si gu nim ne sino, wo Ye gato ut suk mwa ne anato Yesus Kristus, sane anato An gum kok wai o re. Yesus Kristus ut suk gato men me su men gro. An ut suk gato men yo me su men gro nde. An ut suk mwa gato i-mok mone. An ut malaikat mwa ne sino. An ut suk mwa ne sino gato nggiwa jom yetu mo bur ré si gu nim ne. Kristus ut suk mwa gato mo gu nim ne si bur ré sino, subere Kristus tepsu Yekwesu wa jom sukmwa gane.