Yohanes 1:1 - Abun Scripture

¹ Ji krom sukdu subot Yefun Yesus gato ye kendo do Sukdu, An Ye gato ki Yefun Allah bi suktaru nai men yetu jam. Suga ketke bur ré yo mo nde tó, Sukdu ne mó re. Sukdu ne anato tepsu Suktaru kadit Yefun Allah. Sukdu ne sisu Yefun Allah dom. Sukdu ne anato Yefun Allah dakai.

Yohanes 1:1 Referans Kwoze

Yohanes 17:5

Ji bi Ai, Nan yo ut bur ré nde tó, Ji si Nan, ete Nan bes Ji gum kok mone re. Sane su ré, Nan bes Ji gum kok sye wai satu o et.

Wahyu 19:13

An it san gato ye ras mo yetu dé. An gum do, ”Yefun Allah bi Sukdu.”

Kolose 1:17

Yefun Allah yo fro wa ut suk yo mo nde tó, Yesus Kristus mó re. Kristus anato ut suk mwa gato mo bur ré si gu nim ne mo bi nat-i re, subere suk mwa ne sino kas sisu ndo sor.

Yohanes 1:14

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

Wahyu 22:13

Ji anato Yefun gato ut suk kadit ketke ete Ji jom sane sor kom mo pe gato or mó. Ji anato kem kadit ketke sor to kapyo mato kapyo.”

Yohanes 1:2

Kadit ketke Sukdu ne si Yefun Allah mó.

Wahyu 1:8

Yefun Allah ki do, ”Ji anato Yefun gato ut suk kadit ketke ete Ji jom suk mwa ne sane sor kom mo pe gato or mó. Ji anato Yefun gato su ré mó, kadit ketke mó, si kam sari ne ma bere mó tó ne. Ji anato Yefun Allah gato nggi wai kadit suk mwa ne sino o re.”

Filipi 2:6

Yesus Kristus ré, An da gum kok tepsu Yefun Allah dakai, sarewo An yo werwa An bes An gum kok tepsu Yefun Allah nde.

Matius 1:23

”Nggonnak ge dik yo gato sem su yebris mo nde, bere syimfar, orete nggon ne kem su pa yebris. Pa ne bere ye kendo gum do, Imanuel.” (Imanuel bi sukjimnut do, ”Yefun Allah sisu men kem sino.”)

Wahyu 21:6

Yefun ki o do, ”Suk mwa ne Ji ben or it! Ji anato Yefun gato ut suk kadit ketke ete jom sane sor kom mo pe gato or mó. Bere Ji syo syur nai ye gato sosa kadit syur nggrup gato ben yetu mbau. Bere Ji syo syur ne ma wa án da, án yo bi suk yo wa nde.

Ibrani 13:8

Kadit kam nyim, su ré, sor kom mo kapyo mato kapyo, Yesus Kristus ben An bi suk-i ne tepsu yu sor, An ben An bi suk-i tara mo nde.

1 Yohanes 5:20

Men jam o do, Yefun Allah bi Gan ma mo bur ré re, An ós men, An kak men bi sukjimnut, subere men jam Yefun Allah gato sangge ne. Men si Yefun Allah gato sangge ne tepsu dik. Men si An bi Gan Yesus Kristus ne tepsu dik it. An sor anato Yefun gato sangge re. An sor anato ós men kem ndo to kapyo mato kapyo re.

1 Timotius 3:16

Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.

Yohanes 16:28

Sangge, Ji ma kadit Yefun Allah. Ji ma mo bur ré re. Sarewo Ji mu kadit bur ré, Ji satu mu mo Ji bi Ai it anare.”

Wahyu 1:17

Ji sokme An sa, ji bare ji nggwa mo An gwem tepsu ji kwop re. Orete An ak An syim ge mo ji, ete An ki do, ”Nan nyu nde! Ji anato ut suk kadit ketke ete jom suk mwa ne sane sor kom mo pe gato or mó.

Yohanes 20:28

Tomas ki nai Yefun Yesus do, ”Nan anato Ji bi Yekwesu, Nan anato Yefun gato jom Ji it.”

Titus 2:13

men eswa Kam gato Yesus Kristus satu ma mo bur ré. Men kwabom kam mo Kristus do, bere An ma sor, sane men eswa. Su kam gato An ma su ne yo, bere yetu mo bur ré sokme Yefun kaim rer-rik su bi suktinggi ndo yé re. Yesus Kristus gato bere ma ne, An anato tepsu Yefun Allah gato gum sye kok wai o re. Yesus Kristus anato men bi Yekwesu gato kak os wa men kem ndo to kapyo mato kapyo.

Wahyu 3:14

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Laodikia sare do: Ji gato Sangge, Ji gato ki Ji bi sukdu-i subot Yefun Allah ne sangge, Ji gato ki Yefun Allah bi sukdu-i sisu ri-roi sor, Ji gato jom suk mwa gato Yefun Allah ut mo i-ke ne sino, Ji bi sukdu-i anare:

Efesus 3:9

Ji mu ji ki subot os ndo ne sor nde, wo Yefun Allah bes ji wa ji ki subot suk gato Yefun ben subere An bi os-i ne kas sisu ndo mo bur ré, ji kibot rer wa yé mwa jam. Suga nyim tuya, Yefun Allah, gato ut suk mwa mo bur ré, An gurik sukdu ne kadit men, wo su ré, os gato An fro wa men ne An kadum bor it, orete ji mu ki subot sukdu ne rer wa yé jam o re.

Wahyu 1:2

Sane Yohanes waii krombot suk bok ne sino gato an me ne. An krombot sukdu gato Yefun Allah ki ne. An krombot suk bok ne sino gato Yesus Kristus ki rer nai an jam ne.

1 Yohanes 5:7

Sukdu kwa gri gato kadum rer wa men jam do, Yesus Kristus anato Yefun Allah bi Gan ne anare:

Roma 9:5

Men ye Israel anato bi amui mo yepasye sato Abraham e, Isak si Yakub. Men bi amui ne anato pe Kristus. Kristus anato Yefun gato jom suk mwa ne sino, men sino un An to kapyo mato kapyo. Sangge.

Yohanes 1:18

Yetu yo ku Yefun Allah yo mo nde, wo Yefun Allah dakai bi Gan ge dik ne sor ete sisu Yefun Allah. Yesus Kristus si An bi Ai ben suk tepsu dik. Yesus Kristus anato kadum An bi Ai nai men yetu jam re.

Wahyu 2:8

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Smirna sare do: Ji gato ut suk kadit ketke ete jom suk mwa ne kom mo pe gato or mó, Ji gato kwop, orete sun satu o bi sukdu-i anare:

2 Petrus 1:1

Ji gato gum do Simon Petrus anato krom surat ré wa nin. Ji anato tepsu Yesus Kristus bi pakwerut. Yesus Kristus bes ji gum yerasul. Ji krom sukdu ré wa nin yé gato si men sino onyar kem mo Yesus Kristus. Yesus Kristus gato kak os wa men kem ndo kadit bot gesyos ne, Yesus Kristus gato tepsu Yefun Allah gato jom men ne, An ben An bi suk-i ri-roi su men sino anato nin onyar kem mo An tepsu men re.

Wahyu 1:11

Ji jam ye ne ki sukdu sare do, ”Suk gato bere nan sokme ne yo, nan krombot mo buku. Orete nan syo buku ne nai yé gato onyar kem mo Yefun Yesus mo nu ari mo kota Efesus e, Smirna e, Pergamus e, Tiatira e, Sardis e, Filadelfia si Laodikia ne et.”

Lukas 24:53

Kamdik-kamdik pakon ne mu mo Yefun Allah bi nu, ete án un Yefun Allah mone.

Yohanes 8:58

Yefun Yesus ki nai yé ne do, ”Suk gato Ji ki ré suksangge anare, Abraham bi im yo pe an nde tó, Ji mó re.”

Kolose 1:15

Men yo me Yefun Allah su men gro nde, sarewo Kristus gato men ku ne, An tepsu Yefun Allah dakai. Kristus ré, An gum kok wai kadit suk mwa gato Yefun Allah ut ne sino, sane anato ye kendo An gum do, Yefun Allah bi Pa doketke.