Yakobus 5:3 - Abun Scripture

³ Nin bi emas si perak, on git it. Bere Yefun syo sukye nai nin mo gato nin sum suk mwa wa nin dakai, nin sum sugum, emas si perak e ne. Karowa bur ré kru re, sarewo nin grem suk mwa ne wa nin dakai anato on git suk ne. Bere Yefun syo sukye tepsu bot git nin kaim dakai or mone.

Yakobus 5:3 Referans Kwoze

Roma 2:5

Sarewo nin su krat ware, nin dabe go nit teker ware, sane ben sato nin sum sukye mwa wai o wa nin dakai ku mone. Bere nin ku sukye ne su kam gato Yefun Allah ma ndobot men yetu. Bere Yefun Allah ndobot men yetu mwa ne sino sisu ri-roi sor, tepsu suk gato men ben ne. Bere Yefun bi sukmaskwa ne bor mo sukibit gato men yetu ben ne, bere yé mwa ne ku sukye mone or re.

Wahyu 21:8

Sarewo ye gato ben an bi suk-i siri kadit Ji mit, bere Ji am mo bot gesyos. Ye gato bere Ji am mo bot gesyos anato ye gato ben bi suk-i sato ré: ye gato rewa Ji e, ye gato bariket Ji e, ye gato som sukdaret ete ben sukibit su e, ye gato gu ye yi kwop daret e, yebris si nggon gato ben siri su yu daret e, ye gato kwa syua e, kro ri, frum suk e ne, ye gato som sukdaret e, yé mwa ne sino gato kidar suk e ne. Yé mwa ne sino gato ben bi suk-i ibit sane yo, bere Ji am ngga mo bot sye gato tepsu em ete ru sye basmi kwik su belerang. Bot sye ne anato tepsu sukkwop kedowe.”

Wahyu 20:15

Ye to ye yo krom an gum mo Buku Yegesyos nde yo, bere ye am ye ne mu ngga mo bot sye gato tepsu em ete ru ne.

2 Petrus 3:3

Sukdu kwa dik yo gato nggi wai wa nin napawa anare: Karowa kam gato Yesus Kristus satu ma mo bur ré yo, bere yé mwa gato ben sukibit bu ne, yé mwa ne ma o. Yé mwa ne ben sukibit ket án í ne sor. Yé ne bere kabor nin, ki nin gum ibit, ete sa nin mo gato nin nut do bere Yesus Kristus satu ma mo bur ré.

2 Timotius 2:17

Sukduno siri gato ye nukbot ne tepsu suki wip mok gato git men ku mbu ete dat sane sor men kwop mone. Ye ka we gato gum do Himeneus si Filetus an we duno nje su sukduno siri sane re.

Wahyu 17:16

Suge doketke si yeraja musyu dik gato nan sokme ne bere bariket nggon gato ben siri mwa ne. Bere án sino nai nggon ne bi suk mwa or wé kadit nggon ne, sane sor nggon ne kawarun. Bere án git nggon ne ku, ete syo bot git mom mukri ne wé.

Suk Gato Yerasul Ben Ne 2:17

Yefun Allah ki do, ’Karowa bur ré kru yo, Bere Ji syo Ji Gen bok nggwa mo yé mwa ne sino. Sane suktaru gato Ji ki nai nin bi pa yebris si nin bi pa donggon bere án waii ki nai ye yi jam. Bere yemsok me suk kadit Ji tepsu án semda. Bere yenggras semda, ete jam sukdu kadit Ji.