Yakobus 4:5 - Abun Scripture

⁵ Nin nut do ye krom Yefun bi sukdu daret bado? Sane nde, Yefun Allah bi sukjimnut mó anato ye krom mo Yefun bi sukdu kwa yo sare do, ”Men gen gato Yefun Allah bi nai men ne iwa ben suk mwa sisu nggi wai o re.”

Yakobus 4:5 Referans Kwoze

2 Korintus 6:16

Ye gato mo Yefun Allah bi nu-i si ye gato mo yefun gato ye som daret ne bi nu-i ne te, bi sukjimnut tepsu dik subot suk sato suma ne? Bere yo mo nde. Men bi sukjimnut tara kadit ye gato som sukdaret ne, we men anato tepsu Yefun Allah gato gesyos ne bi rus-i gato kem mo An bi nu-i, tepsu Yefun Allah ki do, ”Bere Ji dakai anato si Ji bi rus-i kem sino mo pe dik, Ji si án kem sino mone. Bere Ji Yefun Allah anato tepsu yenggras gato jom án ne, án anato tepsu Ji bi rus-i.”

1 Korintus 6:19

Men kaim ne anato tepsu nu wa Yefun Allah Gen kem mó. Yefun Allah Gen bok nggwa mo nin. Yefun Allah dakai bi An Gen bok nggwa mo nin it. Nin nutbot sisu ndo et. Sane, nin kaim sok mo nin bi suk-i o nde, wo nin kaim sok mo Yefun Allah bi suk-i,

Titus 3:3

Suga nyim tuya men dakai dom jam suk nde, men su krat, men bariwa Yefun bi os-i. Suk gato men dakai iwa men ben ne, ben sato rai men tepsu men gum kwerut wa men ben suk ket men í ne sor. Sugane men iwa ben sukibit nai ye yi, men maskwa ye yi mo suk mwa gato án ku wai kadit men. Men bariket ye yi, ete ye yi neya bariket men dom.

Galatia 3:8

Suga nyim ye krom mo Yefun Allah bi sukdu do, bere Yefun Allah kak os wa yewis yi sok mo An bi rus-i ne. Ye gato onyar kem mo An anato ku os wa sok mo Yefun bi rus-i. Tomga nyim tuya Yefun Allah ki sukdu subot os ndo gato Yefun Yesus kak ne, Yefun Allah ki nai Abraham sare do, ”Kadit nan bi wis-i bere Ji fro os ndo wa yewis mwa ne sino mo bur ré re.”

Suk Gato Yerasul Ben Ne 7:9

Men bi amui maskwa Yusuf mo suk gato Yusuf ku ne, sane án so Yusuf mo ye Mesir tepsu pakwerut, sarewo Yefun Allah sisu Yusuf mone.

Yohanes 10:35

Sane men yo win Yefun Allah bi sukdu ne nde. Sukdu ne kwop mone it. Tomgato nyim ne ye gato Yefun ki bi sukdu-i nai ne, Yefun Allah ki do, án anato tepsu yefun.

Roma 1:29

Án ben bi suk-i ne ibit petok, án iwa ben sukdaret bu, án iwa ku suk mwa wa án dakai sor, án ben sukibit nai ye yi neya, án on sa ket ye yi mo suk mwa gato ye ne ku wai kadit án ne e, án iwa gu ye yi kwop e, án iwa ben sukndi e, án iwa kidar suk e, án mit iwa ben sukibit nai ye yi e, án iwa kiket ye yi e,

Roma 9:17

we ye krom mo Yefun Allah bi sukdu do, ”Yefun Allah ki nai yeraja mo bur Mesir gato Yefun ben sukye bok yo nai ne do, ’Ji bes nan tepsu yeraja subere Ji kadum Ji bi suktinggi bor mone, subere ye ki sukdu subot Ji gum frekbot nje sane sor yé mwa mo bur ré iwedewe sino jam Ji gum re.’ ”

Yohanes 19:37

Yé krom mo Yefun bi sukdu o do, ”Bere yé sokme Ye gato yé syer re.”

Yohanes 7:42

Mo Yefun Allah bi sukdu yé krom do, Kristus bi amui mo yeraja Daud. Sane bere Kristus si Daud ne sino ontu mo Betlehem, gato Daud bi nat-i ne.”