Yakobus 4:1 - Abun Scripture

¹ Nin duwer yu ete nin ben sukndi su yu ne te, i-ke mo suk sato suma ne? Suk gato nin dakai mit iwa nin ben ne anato tik nin kadik-kadik mit ne anato nin ben sukndi su yu.

Yakobus 4:1 Referans Kwoze

1 Petrus 2:11

Ji bi nji ji bi nyanggon gato ji jimnotku, nin tepsu yedamok gato muya-muma mo bur ré. Sane nin jammo suk gato ji krom ré et, nin ben suk ket nin í ne o nde. Suk gato nin ben ket nin i ben sato ben sukndi su nin bi sukjimnut gato ndo mo nin mit ne.

Galatia 5:17

Bere men yo benbot sukjimnut ibit ne o nde, we suk gato yetu iwa ben ne siri kadit suk gato Yefun Allah Gen iwa men ben ne. Sane dom, suk gato Yefun Allah Gen iwa men ben ne siri kadit suk gato men yetu dakai iwa men ben ne. Yefun Allah Gen bi sukjimnut-i duwer yetu bi sukjimnut-i gato tik men mit wa men ben sukibit. Sane men yo benbot suk gato men dakai iwa men ben ne nde.

Roma 7:23

sarewo ji me mo ji dakai, sukjimnut gato bor mo suk gato ji gro e, ji syim e, ji gwes e ne ben ne tara re. Sukjimnut ibit ne ben sato duwer ji dakai bi sukjimnut-i. Sukjimnut ibit ne ben sato farket ji dakai anato ji tepsu pakwerut wa ben sukibit bu.

Roma 8:7

Ye gato bi sukjimnut-i kem pe mo yetu bi sukjimnut ibit ne, ye ne tepsu yeko wa Yefun Allah. Ye gane yo iwa jammo Yefun Allah bi sukduno-i nde, ye ne yo nggiwa benbot dom nde.

Yakobus 1:14

Wo men yetu dakai bi sukjimnut ibit anato tik men mit wa men ges mo os ibit. Sukjimnut ibit ne gwat men mu ges mo os siri re.

1 Petrus 1:14

Nin jammo Yefun Allah sisu nin mit dik si nin onyar dik et. Suga nyim ne nin jam Yefun Allah nde tó, nin ben nin bi suk-i ibit ket nin í sor, wo su ré nin ben suk saga nyim ne o nde.

Kolose 3:5

Bere nin si Kristus kem ndo sino, sane anato sukibit gato nin iwa nin ben mo bur ré, nin bare wé et. Nin bare sukibit gato jom nin ne wé sato ré: yebris si nggon ben siri su yu daret e, nin da bro wa ben sukdaret ket nin í e, nin da bro wa nggon bu e, nin bi sukjimnut nggiwa men nin sukibit bu e, nin gro sye wa nai suk mwa wa nin dakai sor e ne. (Nin gro sye wa nai suk mwa ne yo, tepsu nin onyar kem mo suk daret wai kadit Yefun Allah ne o re.)

2 Petrus 3:3

Sukdu kwa dik yo gato nggi wai wa nin napawa anare: Karowa kam gato Yesus Kristus satu ma mo bur ré yo, bere yé mwa gato ben sukibit bu ne, yé mwa ne ma o. Yé mwa ne ben sukibit ket án í ne sor. Yé ne bere kabor nin, ki nin gum ibit, ete sa nin mo gato nin nut do bere Yesus Kristus satu ma mo bur ré.

Yakobus 4:3

Nin da ndek suk mo Yefun Allah, sarewo nin yo ku suk ne dom nde, we nin ndek suk mo Yefun Allah su nin bi sukjimnut-i gato siri ne. Nin yo ku nde we, nin ndek suk ne subere nin dakai mit at wa mone sor re.

2 Petrus 2:18

Yeguru ne ki suk su án syokwet wik, án ki án bi sukdu-i, án dakai bes án nggwa kok. Sane yé gato sombok kadit os ibit sim ne, yeguru ne duno sare do, ”Men da bro wa ben siri su nggon anato ndo.” Yé gato ré ete sim titi fro kadit yé bok yo gato simo os ibit ne, yeguru duno án su sukduno daret bok yo digare, ete yeguru tik yé ne mit, subere án ges mo os ibit satu o re.

Titus 3:3

Suga nyim tuya men dakai dom jam suk nde, men su krat, men bariwa Yefun bi os-i. Suk gato men dakai iwa men ben ne, ben sato rai men tepsu men gum kwerut wa men ben suk ket men í ne sor. Sugane men iwa ben sukibit nai ye yi, men maskwa ye yi mo suk mwa gato án ku wai kadit men. Men bariket ye yi, ete ye yi neya bariket men dom.

Titus 3:9

Wo nan si nje duwer yu subot sukdu daret nde. Ye ki sukdu subot yetu gedik-gedik dakai bi binke-i, ye duwer yu ete ye maskwa yu subot ye Yahudi bi sukduno-i e ne it yo, nan misyar, nan mu kadit re, we ye duwer yu subot suk sane, yo ós men nde, yo ndo wa men dom nde.

Roma 7:5

Suga nyim ne, sukjimnut gato tik men mit wa ben sukibit tepsu yetu mwa ne sino iwa ben ne jom men re. Sugane ye Yahudi bi sukduno-i ben sato tik men bi sukjimnut ibit mo men mit anato men ben sukibit mwa o re. Men bi men nggwa wa jammo sukjimnut ibit anato kom mo rut suk mwa gato men ben ne gwat os sukkwop wa men sor.

Matius 15:19

we sukibit gato ma kadit men mit si men onyar anato sukjimnut ibit gato ben men ben sukibit sato ré: men gu ye yi kwop e, men ben siri su nggon daret e, men syimsi suk e, men ndak nje su sukkidar e, men kiket yé yi e ne.

Yohanes 8:44

Nin bi ai anato biris bi yekwesu. Nin iwa nin ben suk tepsu nin bi ai mit sor. Kadit ketke it, nin bi ai ne anato gu nje kwop. Nin bi ai bariwa suk gato sangge sino, we mo an mit suk gato sangge yo mo nde. Biris bi yekwesu ne do kidar suk yo, an ki an bi sukdu-i sagana anane, we an anato kidar suk nggi. Sukkidar mwa ne sino bi i-ke mo biris bi yekwesu re.

2 Timotius 2:23

Nan me ye gato jimgon duwer yu mo sukdu daret it yo, nan si ye ne duwer yu mo sukdu ne nde, we nan jam do, kom mo rut bere ye maskwa ket yu mo sukdu ne or re.