Yakobus 3:1 - Abun Scripture

¹ Ji bi nji, ji bi nyanggon, nin iwa nin ben suk tepsu yeguru nde, we nin jam do, men yé gato tepsu yeguru bere Yefun Allah ndobot an wai kadit ye yi neya.

Yakobus 3:1 Referans Kwoze

1 Timotius 1:7

Án da iwa án duno nje su Yefun Allah bi sukduno, sarewo án jam nde sukduno gato án ki ne ware. Án duno nje, án ki bi sukdu-i ne tepsu án jam, sarewo án jam nde i-ke ne ware.

1 Petrus 5:3

Nin mewa án yo, nin bes nin nggwa kok tepsu nin gum yepasye gato jom án nde, wo nin ben nin bi suk-i ndo subere nin kadum os ndo wa án benbot et.

1 Korintus 12:28

Sane mo nu ari, Yefun Allah fro nje sato ré do: ketke yerasul; kedowe o, yenabi gato ki Yefun Allah bi suktaru nai nje jam; kedogri o, yeguru gato duno nje su Yefun Allah bi sukdu; or o ye gato ben suk gato ben ye yi yeket sato syun semda e ne; or o ye gato ben ye gato i ne ge kadit bi suki ne; or o ye gato ós ye yi mo sukye gato ye ne ku ne; or o ye gato fro nu ari bi suki; or o ye gato ki suk su a yi neya gato an jam nde.

Matius 23:13

”Nin yeguru agama, bere nin ku sukye. Nin ye Farisi, bere nin ku sukye. Nin ki suk su nin syokwet sor re. Ben sato nin syimwa nusyo subere ye yo ku os wa sok mo Yefun Allah bi rus-i nde. Nin yo sok nde, or o nin ben sukye yawa os wa ye gato iwa sok mone dom. [

1 Timotius 2:7

Sane anato Yefun Allah bes ji gum yerasul wa ji mu ki sukdu ne frekbot nje. Sangge, ji yo kidar nde, Yefun Allah syogat ji mu wa ji ki subot sukdu ne nai ye Yahudi sor nde, wo An syogat ji mu wa ji ki subot sukdu ne nai yewis yi neya mo bur ré jam.

Efesus 4:11

An anato syo suktinggi bok yo nai men yetu mo bur ré subere men nggiwa ós An bi rus-i sato ré: deyo An bes gum yerasul gato ben Yesus Kristus bi suk-i win An mo bur ré; deyo o An bes gum yenabi gato gwat Yefun bi suktaru ma; deyo o An bes wa mu ki sukdu subot Yesus Kristus; deyo o An bes gum yekwesu wa mewa An bi rus-i; deyo o An bes gum yeguru wa duno An bi rus-i.

2 Korintus 5:10

we su kam gato Kristus ma ne, bere An ndobot men yetu mwa ne sino. Mone yetu gedik-gedik ku suk tepsu suk gato án ben mo bur ré. Men yé gato ben sukndo, bere men ku suk gato ndo mone, wo yé gato ben sukibit, bere yé ne ku sukye mone.

Ibrani 13:17

Men jammo men bi yekwesu mo nu ari et. Yefun bes yekwesu mone, sane suk gato án ki ne men benbot sor. Yekwesu mewa men ete bere Yefun Allah ndo án subot suk gato án ben su men ne, sane men jammo án bi sukdu-i et. Men jammo án bi sukdu-i yo, bere án ben suk su án mit at wa. Wo men yo jammo án bi sukdu-i ne nde yo, bere án nutbot ndo nde. Men bariwa án bi sukdu-i ne yo, yo ós men dom nde.

Lukas 16:2

Sane yepasye ne kendo pakwerut ne ma ku an. Yepasye ne ki do, ’Sukdu gato ye ndak nan su ne, gato ye ki nai ji jam ne sangge bado? Sane nan krom subot suk mwa gato nan ben su ji bi sugum si ji bi suk mwa ne subere ji jam et. Nan ben suk tepsu ji bi pakwerut gato jom sugum ne o nde it anare.’

2 Timotius 1:11

Sukdu subot os ndo gato Yesus Kristus kak ne anato Yefun Allah syogat ji mu kibot re. Yefun Allah bes ji gum yerasul si yeguru wa ji mu ki subot sukdu ne re.

Yohanes 3:10

Yefun Yesus ki do, ”Nan anato yeguru mo Israel, sane suma ben anato nan jam nde suk gare ne?

Matius 10:24

Ye gato farkor ne yo gum sye wai kadit an bi yeguru nde. Sane dom, pakwerut yo gum sye wai kadit an bi yenggras nde.

Lukas 6:37

”Nin ki ye yi gum ibit nde, subere Yefun Allah yo ki nin gum ibit dom nde. Nin ki nai ye yi do ’Nan dakai bi sukibit kem pe mo nan,’ bere siri re, nin ki sane nde, wo nin do ki sane it yo, bere Yefun Allah waii ki nai nin do, nin bi sukibit kem pe mo nin dom re. Nin maskwa ye yi mo sukibit gato yé ne ben nai nin nde, nin nutbot o nde, subere Yefun Allah yo nutbot sukibit gato nin ben ne dom nde.

Matius 9:11

Ye Farisi me Yefun Yesus si yé ga sare git sugit sino sa, án ndo mo Yefun Yesus bi pakon ne do, ”Suma ben anato nin bi yeguru iwa si ye gato nai sugum kadit nje wa pemerintah si ye gato gum ibit ré git sugit sino sare ne?”

Suk Gato Yerasul Ben Ne 13:1

Ye gato onyar kem mo Yefun Yesus mo kota Antiokhia, án sum petok sor. Ye gato gum yenabi si yeguru ge at si án sum sino mone. Ye ka at ne gum do, Barnabas e, Simeon gato ye kendo do Ye te e, Lukius gato ma kadit Kirene e, Menahem gato ye kon si yeraja Herodes sino e, si Saulus.

Yakobus 1:16

Ji bi nji, ji bi nyanggon gato ji jimnotku, men mewa men nggwa subere ye ben kidar men nde.

Yakobus 1:19

Ji bi nji, ji bi nyanggon gato ji jimnotku, nin jammo sukdu gato ji krom ré sisu ndo et. Sukdu gato ye yi ki ne yo, men nutbot kekro et. Wo men ki men bi sukdu-i nde tó, men nutbot pare sisu ndo, orete men ki. Men maskwa kekro nde,

Yakobus 3:10

Kadit men syokwet dik ne men un Yefun si men kabor ye yi sino. Ji bi nji, ji bi nyanggon, men un si kabor nje sino su men syokwet sane nde.

Matius 23:14

Nin yeguru agama, bere nin ku sukye. Nin ye Farisi, bere nin ku sukye. Nin kidar nggonna subere nin nai suk mo nggonna ne bi nu or sino. Sane dom nin benadi syu, subere yé mwa gato me nin ben sane nut do, nin sa, ben Yefun Allah bi suk-i sisu ndo, ondewo nin ben nin bi suk-i ibit re. Sane bere Yefun Allah syo sukye gato de wai nai nin mone o re.]