Yakobus 1:9 - Abun Scripture

⁹ Ye gato onyar kem mo Kristus, gato gum wok mo bur re, Yefun Allah bes an gum kok mo Yefun Allah bi de-i, sane an mit at wa et. Kapre an yewa suk, an mit at wa sor.

Yakobus 1:9 Referans Kwoze

2 Korintus 6:10

Men da nderku nggwa, sarewo men mit at wa suk mwa neya petok sor. Men yo ku suk yo mo nde, sarewo men kak os wa yé mwa neya ku suk mwa kadit Yefun. Ye da nut do, men bi suk yo mo nde, sarewo men sa, bi suk mwa ne sino mo bur ré iwedewe mó re.

Wahyu 2:9

Ji jam do, nin ku sukye, nin yewa suk, sarewo Yefun syo suk mwa wa nin da gesyos ne mó re. Ye Yahudi bok yo ki do, án sa, Yefun nai án gum sok mo Yefun bi rus-i. Án ma ki nin gum ibit ket kwayo-kwayo. Ji jam sukibit gato án kiket nin su ne o re. Yé bok ne jam nde Yefun, wo yé gato ben bi suk-i sane sok mo biris bi yekwesu bi rus-i ne sor re.

Lukas 1:52

Yekwesu gato jowa nje, Yefun Allah is wé, wo ye gato gum wok mo bur, Yefun Allah bes ye ne gum kok o re

Filipi 3:14

Sane anato ji wergat ji nggwa nggi gat petok sor, tepsu ji werwa ji kas nggi wai kadit ye yi neya, subere ji kom mo pe gato or nyim kadit ye yi ne, ete ji ku suk gato ndo mone. Suk gato ji iwa ji ku ne anato ji kem gesyos mo gu sisu Yesus Kristus. Yefun Allah fro os wa men subere men kem gesyos mo suk gato Yesus Kristus ma ben mo bur ré re.

Filipi 3:3

Men ré anato yé gato simo sunat gato sangge, wo án yo simo sunat gato sangge nde re. {Men yo onyar kem mo suk gato án ben sato sunat nde. Ye Israel gato simo sunat, án nut do, án sok mo Yefun Allah bi rus-i it anane. Sarewo sunat ne ye ben mo men kaim de nden ne sor re.} Wo men sa, Yefun Allah Gen bok nggwa mo men anato men bes Yefun Allah gum kok. Men si Yesus Kristus tepsu dik ete men un An, sane men sok mo Yefun Allah bi rus-i mone it, tepsu ye bisunat men sisu sangge anane. Men yo onyar kem mo sunat gato yetu ben mo men kaim de nden ne nde.

Roma 8:17

Men tepsu Yefun Allah bi pa it yo, bere men ku Yefun Allah bi sukrok gato An fro wa syo nai An bi pa-i. Men si Kristus sino bere ku suk gato Yefun Allah fro wa men, we men ku sukye tepsu Yesus Kristus ku ne. Sane yo, bere men ku suk gato ndo wai ne tepsu Kristus ku suk gato ndo wai mone dom.

Lukas 10:20

Semda da jammo nin ete titi, sarewo nin mit at teker mone sor nde, wo ndo sa, nin mit at wa Yefun Allah krom nin gum mo An bi rus-i mo gu re.”

Lukas 9:48

Orete Yefun Yesus ki nai An bi pakon do, ”Ye to mit kem mo Ji anato an kak an mit wa pa wokgan sato ré it yo, tepsu ye ne kak an mit wa Ji dom anane. Sane dom, ye to kak an mit wa Ji yo, ye ne kak an mit wa Yefun Allah gato syogat Ji ma more dom anane. Sane nin yé gato is an nggwa tepsu pa wokgan, bere Yefun Allah anato bes ye ne gum kok.”

1 Petrus 2:9

Wo nin sa, Yefun Allah nai nin tepsu An dakai bi rus-i it. Nin anato tepsu yewis gato Yefun Allah bes tepsu yesu mo Yefun Allah bi nu wa nin ben suk wa Yefun gato gum kok wai o re. Nin anato yewis gato Yefun Allah fro tepsu An bi rus-i wa nin ben An bi suk-i sor. Yefun Allah kiwa nin mu kadit pe gato ndendu ma mo An bi pe gato rer ndo yé. Sane nin ki subot suk gato An ben ndo wai ne nai ye yi jam.

Lukas 14:11

we ye gato bes an nggwa kok tepsu an yepasye, bere Yefun Allah ben an damen o re, wo ye gato is an nggwa ga tepsu pa wokgan, bere Yefun Allah dakai bes an gum yepasye o re.”