Yakobus 1:6 - Abun Scripture

⁶ Wo ye to ndekwa Yefun kak an bi sukjimnut it yo, an ndek sisu an mit dik si an onyar dik et. An ndek su sukjimnut mwa nde, we ye to ndek su sukjimnut mwa ne tepsu sem nap gato nobu ti mó, ete kas muya-muma, an yo kom mo pe yo nde, wo an waiyu mone sor.

Yakobus 1:6 Referans Kwoze

Ibrani 11:6

Ye gato yo onyar kem mo Yefun Allah nde tó yo, bere ye ne yo ku os wa ben suk tepsu Yefun Allah mit nde. We, ye gato ma mo Yefun Allah it yo, an onyar kem mo sukdu sare do, Yefun Allah ne sa, mó re, ete Yefun ben sukndo su ye gato meret An.

Efesus 4:14

Sane bere men bi sukjimnut tepsu pa wokgan o nde. Yé gato werwa ben kidar men su bi sukduno gato siri, án syeret os wa men, sarewo bere yé ne yo ku os wa tik men muya-muma saga sem bak si nofuf gwat kwem muya-muma ne o nde.

Ibrani 10:23

Sane men jom suk gato Yefun tom su men subot os be ne pe et. Men mit brek mo suk yi yo kadit suk gato Yefun tom ne wokgan dom nde, we suk gato Yefun Allah tom subot os be su men, sangge bere An benbot sor, An yo kidar nde.

Ibrani 13:9

Sane men jammo sukdu daret gato tara kadit Yefun Yesus bi sukdu-i ne nde, sawe sukdu ne gwat men mu mo os siri kadit Yefun bi os-i. Sa ndo sa, men nutbot sukndo gato Yefun Allah ben su men dakai yi sor. Sane bere men bi sukjimnut nggi, wo sukduno daret subot sugit e neya bere yo ós men nde. Ye gato simo sukdu ne yo kom mo pe yo dom nde.

1 Timotius 2:8

Ji mit iwa yebris jammo sukdu ne mo pe mwa ne sino, ete án bes án syim, án ki suk su Yefun Allah su án mit dik án onyar dik, ete án maskwa ket ye yi nde, án duwer ye yi kete dom nde.

2 Petrus 2:17

Yeguru gato kidar suk anato tepsu syur nggrup gato sá re. Men nut do, án syo suk gato men mitmo nai men ne ware, án yo ós men wokgan yo dom nde. Yeguru ne tepsu nyotem gato ndu gato gwat nogi ma ware, nofuf krat gwat mu re. Men nut do, án ós men su sukduno gato ndo wa men ware, án yo ós men mo nde, suk yo mo nde. Yefun Allah fro nat gato ndendu yut wa bere yé ne kem mó.

Matius 14:28

Orete Petrus ki do, ”Yenggras o, sangge, Nan anane yo, Nan syogat ji is kadit kwem, ete ji muket gwes bot em deyu ré ba ku Nan et.”

Suk Gato Yerasul Ben Ne 10:20

Sane nan is mu mo bur ku an ka gri et. Nan simo an ka gri, nan bi sukjimnut we nde, we Ji anato syogat an ka gri ma kar nan.”

Yakobus 1:7

Ye gato bi sukjimnut mwa mo suk gato an ndek mo Yefun ne, an bi sukjimnut mo suk dik yo pe mo nde. An ben an bi suk-i kas muya-muma daret sor. Sane an nut do, Yefun iwa syo suk yo nai an yo, bere siri re. Bere an yo ku suk kadit Yefun Allah nde.

Yakobus 5:15

Yekwesu ne do ki suk su Yefun su an mit dik si an onyar dik mone, ete yekwesu ne kwabom kam mo Yefun do, bere Yefun nggiwa ben suk gato an ndekwa ne yo, bere Yefun ben ye ne ge kadit suki ne, bere ye ne sun or re. Yefun yo maskwa ye ne mo sukibit gato ye ne ben ne o nde, Yefun yo nutbot o nde.